نتعرض لموقف سخيف او محرجه .. تتغير نفسياتنا وتضيق فينا الدنيا طبيعي في تركيبة الانسان التفاعل مع الاخرين حسب الموقف لو فكرنا في الغاء هذا الشعور بمعني ان انكون ... دمنا ثقيل... , فكأننا نلغي من بشريتنا الأحساس و التفاعل ... تربطني بأحد الاصدقاء بعض الاعمال وبواسطته تعرفت علي زميل له في العمل وكنت دائما عند ما احضر لمؤسستهم نتجازب اطراف الحديث وزكريات الايام الخوالي (( العذابه)) يا لها من ايام جميلة وزكريات مضت في لمحة بصر والمواضيع بتجرجر ويكون لها توابع تأخذ احيانا من زكريات العذابه الي الحياة الاسريه المعاشة ... صديق صديقي دي تحتها خطين !!!!! يحكي عن طرفه حسب تقييمه وعلي لسانه يقول:
اول ايام الزواج كنت ساكن مع الاسرة في البيت بعدين الناس كانو بجونا زيارات في البيت في بعض من الاهل ادق الباب اجيك خاشي توش البيت تلقي النسوان اتجهجهوا يا فلان عليك الله ناولني توبي ده انا كنت خارج المنزل جمب الباب انا داخل لقيت لي ضب ميت شيلتوا في ورقه وجيت داخل البيت لقيت زوجتي طبعا هي كانت عروس جديده خاته ثوبا في العنقريب براحه فكيت الضب لفيتوا ليك في الثوب اديتا الثوب قلت ليها البسيهوا..... في جماعه انا شايفم جاين وراي زياره لينا شالت مني الثوب هي قاعده في العنقريب بتفر فيهوا وقع ليك الضب في كرعيها قعدت تصرخ لما داخت وقفت البيت ده علي كراع كلب ..... هنا القصه انتهت كما حدثنا صديق صديقي .... اخذت قرار الراجل البجدع الضبوبا ده لي زوجتوا الواحد اكون حزر في التعامل معاهو .... كل ما اجي لي صديقي زولنا اجيني جاري كان عندوا موضوع معاي طرحوا قبل كده وانا متجاهل الموضوع وبالاصح لا هو لا موضوعوا راكبين راسي .... قال لي عندنا عمل تسويقي لي قدام تصبح منوا مليونير صاحبك فلان ده انا دخلتوا معانا وهو نظام الكوست (( ما عارف الاسم صاح )) تشتري من الشركة بضاعة أو ريالات ذهب ب 500 دولار بعدين تجيب ليك كم واحد كده اشتروا من الشركة البتجيبم انت ديل اكونوا معاك في الشجرة بتاعت المبيعات حقتك وفي كل واحد تاخذ عمولة شراء كمان الناس ديل اي واحد اشترك بواسطتهم اكون عندك عموله يعني دي شجرة كلما طلعت لي فوق انت بقيت من اصحاب الاموال...... كل ما اجي المؤسسه الراجل شابكني اها ما قلتا لينا رايك في الكوست والشجرة بقي ساكني سكت صبره قابلني وانا زهجان عايز يسألني السؤال التقليدي الكوست والشجرة فاجأتوا قلته ليهوا (( يا خوي هو شجرتك دي شوف ليها قرد تاني انا الموضوع ده بره منوا شابكني كل مرة شجرة شجرة انا ككو )) اخذت الموضوع بي ضحكه مع صديقي قلته خلاس انتهي علي كده .....والامر اصبح مزعج لدي عشان اتحاشاهوا بقيت اتجاهلوا.... انساهو ا....أعمل ما شايفوا... اعمل ليهوا فيها رايح اي عبارة يعني اتخارج منوا في احدي المرات كنت في زياره لهم عملت فيها ما شايفوا واذا به ينادي عباس عباس....
عملته ما سامع
تاني اعاد النداء شنو يعني يا عباس انت عامل فيها ما سامع
انا عملته فيها مشغول بي بعض الاوراق ومطنش
بعد شويه اسمع ليك هوييييييييي يا النعجه ده
زعلته قلته جابت ليها كمان نبذ الله اتلفت عليهو بصوت عالي قلته ليهوا نعجه منوا يا غنماية وانا ماشي عليهوا غضبان زول ضرب بس صديقي قام من الكرسي جاري وراي اعقل يا زول اعقل يا ابوالشباب.
وقتين بقيت علي بعد خطوات زولنا قعد اضحك قال لي شنو ياخي ماخذ الامور بي جديه كده انا قلته عباس ده وقت صيحت ليهوا بي اسموا ما رده علي قلت لي نفسي اقول ليهوا يا نعجه امكن ارد ..... اها خلاس اقتنعت بي فكرت الكوست والشجرة.
رد مع اقتباس
المشاركة الأصلية كتبت بواسطة حاتم مرزوق
وحملت نجمتك الانيقة فى فؤادى
المفضلات