خرج من عيادة الطبيب، أشار لأول ركشة تمر من امامه، وبصوت مرنجف مخنوق ضعيف قال لسائقها: حي مايو محطة السبيل.
كان يشكو من الام في الارجل والظهر حاده وطشاش في النظر تحدث مع زوجته عن هذه الحالة التي اصبحت ملازمه له والاعياء الدائم والشعور بالفتور.
قالت له زوجته: اجي يا ود امي عايز تبقي لينا خرده ولا شنو امشي شوف ليك دكتور دي حاجة بسكتوا بيها.
فوجئت به وهو عائدا عند مدخل الباب يستند علي الجدار ثم يرتمي علي العنقريب الذي يعاني ايضا من ترخرخ وتهلهل من قبوعه في هذا المكان دون حراك سنوات عزاءه ليلا يتم فرش مرتبه به تخفف عنه ثقل البشر سألته بهلع :
وب علي وب علي الدكتور ده قال ليك شنو.
لم يجبها اخذ فترة من الزمن يستجمع انفاسه ثم طلب منها كوبا من الماء وقال لها
افرشي لي المصلاية ديك في الواطه الدكتور قال لي ارقد في الواطه اداني كيس الحبوب ده والدهانات دي قال ما اتحرك لمدة شهر.
قالت له:
اجي مالك اتكسرت المصلاية جمبك جره بي كراعك بعدين يا بنات امي ده كيس شنو الكبير ده ليه اداك حبوب كثيره كده بدل تجيب كيس تاني فيهول مطايب وفواكه جايب معاك كيس حبوب بس ما تقول لي دي بالساعات الدكتور ده عايز اوهمك احسن نشوف لينا واحد تاني تلقي حسي مشيت ليك لي دكتور شافع ساكت انت كنت بالله زي الحصان تجي داخل البيت ده يديك الاثنيين ملانة اكياس زي جوز الموية .
لبست ثوبها وارتدت حزائها واخذته مره ثانية الي طبيب اخر علي ظهر ركشه رغم ألامه وانينه وبعد ان تم اجراء الفحوصات قال لها الدكتور يا سيدة زوجك حالته خطيره اذ لم تهتمي بحالته سوف يموت إلا اذ عملتي بما اقوله لك لذا سوف اعطيك وصفة طبية لمدة اربعة اشهر . فقالت له اخبرني بسرعه ...... فقال لها يجب ان يخلد للراحه في هذه الفترة وان يتناول هذه الوصفة بفترات متباعده كل 6 ساعات حبة اذ انواع الحبوب اربعة كل ساعتين يتم اعطاءه حبه من نوع مختلف ومسح اماكن الالم بهذا الدهان كل ثلاثة ساعات ان تكون التغذية سليمه وينام بمكان فيه تهوية ليلا ويتعرض لاشعة الصباح وعصرا تطلعيهوا اشم هواء لمدة ساعتين.
سألها الزوج بعد مفابلة الطبيب: أها الدكتور قال ليك شنو
فقالت له: ها راجل ها الدكتور قال بتموت بعد اربعة شهور
رد مع اقتباس
المشاركة الأصلية كتبت بواسطة عباس الدسيس
المفضلات