طفلــه تخطـف طفلــه....ده حال مدني

[محمد حسين (المميز)]

فعلا دي حقيقه شاهدتها بنفسي

الاسبوع الفات لمن كنت في مدني

في رابع ايام العيد

سمعنا انه بت فلانه اختفت

الحقيقه بتبقى لينا البت

بعد شويه قالو لقو البت جنب السكه حديد وسايقاها شافعه عمرها 11 سنه

وماشه بيها سرعه سرعه

كانت بتشتغل في الدرجه في البيوت

الغريب غيرت ليها هدومها ونكشت الشعر وغيرت الملامح

شغل محترفين

امسك اقبض ساقو البت الانضباط

ومنها حولوها على قسم حماية الاسره والطفل

اول اعتراف للبت انه في واحد في الكريبه بيديها 50 ألف (بالقديم)

على كل طفل تجيبو ليهو

بعد كده بدت تراوغ وتكذب وتستهبل

بصراحه انا بنفسي مشيت شفت الخاطفه

طفله لابسه بنطلون والعين حيــّــه ((نجيضه يعني))

يعني ماشاءالله مستقبل زعيمة عصابه

طبعا التحقيقات شغاله على اقل من مهلها

عدى يومين من ماقبضوها وما مشو عملو كمين للزول المحرضها

ومنها انا سافرت وماعارف الحصل شنو؟؟

الســـــؤال: ليــه ماعملو كمين للزول بسرعه لحظة الاعتراف قبل ما يشم خبر وحتى لو كان اعتراف وهمي؟؟

[مدنيّة]

لاحول ولا قوة الا الله

جد البلد بقت فيها حاجات تخوف

ربنا يسترنا ويحفظنا

[المسافر]

[color="royalblue"][size="5"][center]

الســـــؤال: ليــه ماعملو كمين للزول بسرعه لحظة الاعتراف قبل ما يشم خبر وحتى لو كان اعتراف وهمي؟؟

كده يالمميز يا أخوي منو المفروض يعمل الكمين ده ؟
لو البالي بالك . . . أحسن تنسى عشان ما تعيش
في الوهم زي ما قال أخونا الجندي ..........

[صلاح ودالطاهر]

وكانت في اجازتي قصه متشابه وكانت حديث المدينه والحصل شنو دي قصه يطول شرحها والغريق قدام

مشاققه وصلت جده ولا لسع

وذي ما قال الجندي نحن في وهم وقصتي مع الالزاميه كوم تاني

[أشرف صلاح السعيد]

الكمين دا مابدورلو عربية والعربية بتدورلها بنزين والبنزين بدورلو قريشات والقريشات دى بتدورلها توقيع مسعول والمسعول دا بدورلو مشاورة مع مسعول اكبر والمسعول الاكبر دا مافى وفد تفاوضى والراجل الخاطف احسن يهرب ولا تهرب مبادرات وتحانيس مع ناس التاتشرات الكانو دايرين يخطفو البنية ديك ام اربعة كرعين فى البيت الكبير القدام النيل وكل ماتجى مارى بيو تضرب بورى يحيوك الغلابة الحارسنو..

[بنت الرفاعي]

لا حول ولا قوة إلا بالله!!!!
تصدق حصلت قصة قريبة من دي لكن في الخرطوم أيام إمتحانات الأساس طالبة خطفت طالبة (الأولى فى الفصل) وحبستها في غرفة مهجورة , علشان ماتمتحن وتطلع هي الأولى!!

[moh_alnour]

سبحان الله
و فيك يا مدني شفنا كل جديد
و صدق من قال ليالي الزمان حُبلى يلدن كل جديد

[عزيز عيسى]

علشان كدا يا المميز إنت قلت أحسن تهرب بسرعة على جده
قبل ما تظهر ليك طفلة جديدة تقوم تخطفك وتغير في ملامحك..و.. و.
غايتو تكساس حقتنا البتضربوا بيها المثل في الجرائم
طلعت (داقسة) من نوع الجرائم التي تحصل في السودان.

[محمد زين العابدين]

الله يسترنا
مانرجع البلد ولا شنو

[abdgina]

لا حول ولا قوة الا بالله

[الاميره]

لا حولةولا قوة الا بالله...
كل ذلك مرده لانتشار الفساد ..وعدم المام الجهات المختصه بكل الاسر الفقيره والتى وصلت حد العوز وترك اطفال صغار تمارس افظع مظاهر الفساد وبلا خوف دلاله على ممارسه من معلم.. ظواهر لم تجتث من جزورها.. ولا اصحاب الاختصاص شايفين شغلهم ..
واين الامن والامان.. واين اللجان الشعبيه التى كانت تعرف كل ما يدور فى الاحياء ولا خلاص شبعوا وناموا.......

[ميزو]

ازيدك علما يا مميز البت تتبع لمنزل دعارة فى نفس الحى الذى تمت سرقة الطفلة منه
حليل مدنى

[فراس]

لاحول ولا قوة الا بالله
ربنا اصلح الحال بس

[رمشة عين]

في الزمن العلينا ده الكحلة تتسرق من العين

[ابوخالد]

الســـــؤال: ليــه ماعملو كمين للزول بسرعه لحظة الاعتراف قبل ما يشم خبر وحتى لو كان اعتراف وهمي؟؟


يكونوا منتظرين يقبضوا عليه فى حالة تلبس !!!!!!

حافظوا على بيوتكم وأعراضكم وأطفالكم بأنفسكم ...

الشارع زمان بيربى ...

الشارع اليوم بيزيد الطين بله ...

[محمد السني دفع الله]

مدني ياهي مدني
مافيها شئ اتغير
مدني الجمال
الأتغيرو
الناس..... الـــنــاس
الناس اتغيرت
بدلت تيبانة
بي هدوم
ابليس ....

[محمد حسين (المميز)]

لاحول ولا قوة الا الله

جد البلد بقت فيها حاجات تخوف

ربنا يسترنا ويحفظنا

تقولي شنو يا ام جمــال

غايتو ابقي عشره على جمال واخوانه

[محمد حسين (المميز)]

كده يالمميز يا أخوي منو المفروض يعمل الكمين ده ؟
لو البالي بالك . . . أحسن تنسى عشان ما تعيش
في الوهم زي ما قال أخونا الجندي ..........

يعني يا مســافر نبقى زي الصعايده

كل واحد ياخد حقه براهو

آآآآخ منكم ياللي بالي بالك

[محمد حسين (المميز)]

وكانت في اجازتي قصه متشابه وكانت حديث المدينه والحصل شنو دي قصه يطول شرحها والغريق قدام

مشاققه وصلت جده ولا لسع

وذي ما قال الجندي نحن في وهم وقصتي مع الالزاميه كوم تاني

مشتاقين يا استاذ

كل سنه وانت طيب

وصلنا والحمدلله بخير وعافيه

مستنيين قصتك مع الالزاميه
لكن يكون ياربي عاوزين للالزاميه ضباط ولا شنو؟؟

[محمد حسين (المميز)]

الكمين دا مابدورلو عربية والعربية بتدورلها بنزين والبنزين بدورلو قريشات والقريشات دى بتدورلها توقيع مسعول والمسعول دا بدورلو مشاورة مع مسعول اكبر والمسعول الاكبر دا مافى وفد تفاوضى والراجل الخاطف احسن يهرب ولا تهرب مبادرات وتحانيس مع ناس التاتشرات الكانو دايرين يخطفو البنية ديك ام اربعة كرعين فى البيت الكبير القدام النيل وكل ماتجى مارى بيو تضرب بورى يحيوك الغلابة الحارسنو..

وش محبــط بتاوق لوش زهجان من مسعول

[محمد حسين (المميز)]

لا حول ولا قوة إلا بالله!!!!
تصدق حصلت قصة قريبة من دي لكن في الخرطوم أيام إمتحانات الأساس طالبة خطفت طالبة (الأولى فى الفصل) وحبستها في غرفة مهجورة , علشان ماتمتحن وتطلع هي الأولى!!

هم يبكي وهم يضحك

جاااااااااااااده انت يابت مرام

[محمد حسين (المميز)]

سبحان الله
و فيك يا مدني شفنا كل جديد
و صدق من قال ليالي الزمان حُبلى يلدن كل جديد

ولسسسسسسسسه ياودالنور

يااااااااااااااما نشوف ونسمع

[محمد حسين (المميز)]

علشان كدا يا المميز إنت قلت أحسن تهرب بسرعة على جده
قبل ما تظهر ليك طفلة جديدة تقوم تخطفك وتغير في ملامحك..و.. و.

غايتو تكساس حقتنا البتضربوا بيها المثل في الجرائم
طلعت (داقسة) من نوع الجرائم التي تحصل في السودان.

مدني داااااااااايما مميزه في اي شي

واسال ناس بره يجاوبو ليك

ولاّ ماياهو الكلام ياعمنـا عزيز

[محمد حسين (المميز)]

الله يسترنا
مانرجع البلد ولا شنو

المشكله مدني في دمنا وفي قلبنا

لو بقت لاشي برضو مابنخليها

[محمد حسين (المميز)]

لا حول ولا قوة الا بالله

وحسبي الله ونعم الوكيل

يابودجانه ربك يستر ويلطف