عرس الجكسوية

[عصام الدين عموش]

سألني صديق قديم : عصام بتتذكر عرس جكسويتك ( يقصد الحبيبة واللهي الآن حبوبة)
ضحكت بقدر مساحة التجمل لدينا
وسرحت بقدر مساحة التذكر .... وغرقت في موج الذكريات
وتذكرت كم كانت النفوس طيبة وكيف كانت النفوس تخبئ أحزانها بشفافية تحسد عليها
أحببتها وأنا في المرحلة المتوسطة .... زاهية كأطياف الصباح
رقيقة كنسمة السحر ... تمشى على الآرض ويكاد خطوها يلامس الأرض ..
حديثها عذب كأنها تغسله قبل البدء به .. تخبئ حياءها خلف أهدابها الطوال...
عندما علمنا بخبر زفافها المستعجل أقمنا سرادق العزاء الجماعي
أسودت الحياة في ناظري وأكفهرت الطرقات المودية لبيتها فهم جيران .. ونيران
كان لابد من مجابهة الأمر والرضوخ للواقع المر ..
وحانت لحظة الصفر ..
وكان المغني يصدح وأظنه محمد سلام قام يتعزز الليمون عشان بالغنا في ريدو...
نقول نشكيهو للقمرة ... ونشوفك من أغاريدو .. )
وكنا نبكي بحرقة من فقد عزيز لديه ونخبئ الوجه خلف الصيوان الكبير لعدم افتضاح الأمر
ونقسم على عدم الذهاب للمدرسة غداً ( الفائدة شنو ؟ )
وننام والبطون خالية من وجبة العشاء يعني حردانين ( ما كلين ليها شنو )
ويبقى علينا في الختام
لم الكراسي
وإنزال الصيوان
وجمع الزجاجات الخضراء لأصحاب الكيف العالي والمزاج الهاي
عشان نبيعها غداً لصاحب الحمار الكبير عمك أيوب عندما يصيح : ( المعاه قزااااااااز )
وده كان ربحنا الأكبر في المصيبة دي !!!
تحياتي لها ......
وهي الآن أم لستة من الأبناء تخرجوا جميعهم من الجامعات

[moh_alnour]

ما بين القسمة و النصيب
و الرضا بقضاء الله تصبح الذكريات صادقة و جميلة
هي الحياة دائما ً ضنينة ولا تُعطينا كل ما نتمنى
و لكنها لا تبخل علينا بطيف خيال يمر سريعا ً في الذاكرة ليُهيج فينا أوتار الحنين إلى ماضي جميل رغم تفاصيله الأليمة
و يبقى جمال القارورة في ما حوت من عطر تنسمنا عبيره في يوم من الأيام

[فراس]

اخي عصام

الزكريات صادقة وجميلة

ومهما تجافينا بنقول حليلا

مااجمل الزكريات عندما

تكون ممزوجة بطعم البراءة

والصدق زكريات عن زمن جميل

تبدا فيه نواة الحب بالانفلاق

ولعمري ذلك هو اصدق وانبل حب

حب لايعرف الخداع ولا النفاق

نعيش في اسعد اللحظات عندما نصادف

من نهوي وهي خارجة من المدرسة

في نفس التوقيت فنظرة فقط كفيلة

بدك كل حصوننا نظرة كفيلة بان نقضي

كل الليل نفكر ونستجمع قوانا ليوم الغد

وماذا سنقول فيه اذا صادفتنا مرة اخري

وياتي الغد وستعجل للخروج للمدرسة

ليس من اجل الدراسة انما لنفوز بنظرة

تجعل لليوم الدراسي طعم مختلف

اخي عصام

اسلوبك في الكتابة اكثر من رائع

فهل امتعتنا بالمذيد من الزكريات

تسلم

فراس

[ابوخالد]

هو نحنا بعد عرس جكسيوتك دى الماكلين ليها شنو .....

قلوبنا معاك بأثر رجعى ....

لكن المنك مغسه للزمن ( كان فاتك الميرى إتمردغ فى ترابو) ...

أشوف أولادى وأحرشهم لازم واحد فيهم يناسب

الأسرة دى ... يعنى يعرس واحدة من بناتا ....

على الأقل يبرد الحشا شوية ....

وأهو إسمها القحة ولا صمة الخشم ....

(تدوغو فى عيالك) ...

الله معاك أخى أستاذ / عصام ود عموش ......

والله مع كل المشوكشين ....

أوعا يكون العريس مغترب ....

[littlestar]

أستاذى عموش
هى ليست كلمة أعنون بها رداً يُليق
فى حضرة منتدى عريق
لكن إسلوبك وسردك
وجعك ...ضحكك وحردك
وبعض شقاوتك
مزجتها فى لوحة بكل الألوان على تنافرها
لا تتقنها إلآ فرشاة فنان
وفنان مبدع
أستاااااااااااذ
تتواطأ عليه الذكريات فى جنون عابث
ويبعثره الحنين فى فوضى محببة

أسألك الله لك ولها
كل الخير والتوفيق
وان يجمعكما
تحت ظله يوم لا ظل إلآ ظله

[بت مارنجان]

الاخ عصام ياحليل زمن الجكاسين ...
والله احسدك علي زاكرتك دي ... بالله لسة الناس بتتزكر
جكاستهم الزمان ....
سبحان الله ....

لكن لو كنت مكانك بعمل بي نصيحة " ابو خالد " بس كيتآ "
في الجكاسة .....
والقحة ولا صمة الخشم .... عليك بالنسب ....

[عصام الدين عموش]

ما بين القسمة و النصيب
و الرضا بقضاء الله تصبح الذكريات صادقة و جميلة
هي الحياة دائما ً ضنينة ولا تُعطينا كل ما نتمنى
و لكنها لا تبخل علينا بطيف خيال يمر سريعا ً في الذاكرة ليُهيج فينا أوتار الحنين إلى ماضي جميل رغم تفاصيله الأليمة
و يبقى جمال القارورة في ما حوت من عطر تنسمنا عبيره في يوم من الأيام

الغالي مشرفنا أتمتع عندما أحس بأنكم وفق منظومة المتابعة والإهتمام وأحسدكم على الزمن الذي تجدونه للكل لك التحية والتقدير على المرور الجميل

[عصام الدين عموش]

اخي عصام

اسلوبك في الكتابة اكثر من رائع

فهل امتعتنا بالمذيد من الزكريات

تسلم

فراس[/quote]
العزيز فراس ماانبل الذكريات عندما تتدثر بثوب البراءة وخاصة المراحل الأولى من عمر الشباب الزاهي
لك التحية والتقدير على الإحساس الجميل بما نكتبة من مواضيع هي قمة التواضع فلك التحية والتجللة أيها الطيب النبيل

[عصام الدين عموش]

[quote=ابوخالد;406409]

هو نحنا بعد عرس جكسيوتك دى الماكلين ليها شنو .....

قلوبنا معاك بأثر رجعى ....

لكن المنك مغسه للزمن ( كان فاتك الميرى إتمردغ فى ترابو) ...

أشوف أولادى وأحرشهم لازم واحد فيهم يناسب

الأسرة دى ... يعنى يعرس واحدة من بناتا ....

على الأقل يبرد الحشا شوية ....

وأهو إسمها القحة ولا صمة الخشم ....

(تدوغو فى عيالك) ...

هي ياابو خالد تراب الميري دا لو كان بالشيء الفلاني نتمرغ فيهو كيف وكان الخلفة عندنا كلها بنات أعمل شنو والجكسوية عرسوها سنة 80 يعني بنتها الأولى عمرها 28 سنة وبي أولادها يعني لا ميري ولا ترابو

[عصام الدين عموش]

[QUOTE=[SIZE=3]littlestar;406410][/SIZE]

أستاذى عموش
هى ليست كلمة أعنون بها رداً يُليق
فى حضرة منتدى عريق
لكن إسلوبك وسردك
وجعك ...ضحكك وحردك
وبعض شقاوتك
مزجتها فى لوحة بكل الألوان على تنافرها
لا تتقنها إلآ فرشاة فنان
وفنان مبدع
أستاااااااااااذ
تتواطأ عليه الذكريات فى جنون عابث
ويبعثره الحنين فى فوضى محببة

أتعجب منكم أبناء مدني خاصة وابناء السودان عامة وأنتم تصابون بداء التواضع دائماً أنتم نجوم كبار ومتلألأة في سماء الإبداع فمثلكم لا يمكن أن يكون ليتل ستار يحق لك أن تكون huge star اشكرك على الاطراء الجميل والمتابعة وعلى المرور فلك التحية

[تغريد]

كلام حلو شدييييد بس السؤال القفز علي خاطري فجاة هو التالي نقطتين فوق بعض وسطر جديد عشان الكيبورد عندي بايظ


انت جكسويتك دي وكتيين عندها اولاد وكمان اتخرجوا من الجامعات اها الخاتيهو في الصورة دا منو اكيييييييييد ولدك صاح يا عصام


مرحب بيك من جديد وبي قلمك الباين انو قلم ما ساهل واستميحك عزرا ان كان دخولي يحمل شيئا من الدعابة فمنك العزر

[عصام الدين عموش]

[QUOTE=تغريد;406574]كلام حلو شدييييد بس السؤال القفز علي خاطري فجاة هو التالي نقطتين فوق بعض وسطر جديد عشان الكيبورد عندي بايظ


انت جكسويتك دي وكتيين عندها اولاد وكمان اتخرجوا من الجامعات اها الخاتيهو في الصورة دا منو اكيييييييييد ولدك صاح يا عصام


مرحب بيك من جديد وبي قلمك الباين انو قلم ما ساهل واستميحك عزرا ان كان دخولي يحمل شيئا من الدعابة فمنك العزر[/QUOTE]

الغالية تغريد حليل زمان وايام زمان بسبب الزعلة عرست سنة2000م وعندي رؤى وروان والصورة دي صورتي أنا شخصياً بس نحن مصنفين مع الحجيرية ( بتعرفي الشخص الحجيري ) ولو كان عرسي في الثمانينات كان ولدي محل صورتي

[حافظ شعبان]

عصام
كل الاعوام انت والاسره بالف خير

اى شاكوش اخذته انت يافتى
يجب ان يستفيد الجيل القادم من خبراتك

[أشرف صلاح السعيد]

اخى عصام كل الاعوام وانت والاهل طيبين وفى طيب وامانيكم متحققة..
قلتا ليا لملمتا الكراسى وفكيت الصيوان وكمان بعت القزاز لبتاع الحمار..والله صدق القول "حزنان وواعى"..
قصة جميلة الحبكة والاسلوب شيق لدرجة الثمالة وانت صاحب مقدرة كتابية خطيرة جدا جدا..عاملا زى مشروب الآبريه حلو مر ولكن بوقتنا وبعد بكرية الجماعة مابقى عمرا 28 سنة أكيد طعم الحلاوة هو المتسيد الطعم الآن..
وتشكر ربك الشاكوش كان زمن الجهلا وجابو فنان بغنى قام بتعزز الليمون وماجابو ليك البغنى "فى الليلة ديك والناس تشارك فرحتك" ماعارفك كنتا حتقبل وين..
لا تحرمنا من تداعيات ابداعك المسكر وتنميلاتو المدغدغة لحواسنا..
كن بخير..

[hadi salih]

اخى العزيز عصام عموش اولا احييك على السرد الجميل والبوح الحر
واحدة جارتكم عرسوها سنة 80 عرسها كان بى محمد سلام
خلاص انا عرفت جكسويتك منو ?
هههههههه لك كل التحايا اخى عصام وربنا يخلى ليك رؤى وروان .

[ام ريان]

إلياذكــرت الزمان وماضي الايامي00يهزني الشوق تذرف دمعي العيني

أوقدت شمعة سهـروالناس نوامــي00عـن عـلتي كـلهم ماهم بداريني

أيام زلت وطـافت مثل الاحــلامي00عجـت سواة الزهروسط البساتيني

أيام فيهاالــوفا والطيب لـــزامي00الوقـت صافي لناوالناس صافيني

أيــام فيهاالنشامادرع وحــزامي00عـادات بين العرب ورد ورياحيني

الصـدق قسمـه كـبيربين الاقسامي00صدق النواياوصدق في المـضاميني

مع خالص احترامي دمت وتقبل مروري

[ابوالنور]

استازي الفنان دوما رئيس شعبة العلوم ومدني ومدير الرياضة بمدرسة الاهلية (أ)
كل سنة انت وحبيبتك وليداتك ونص دستة جكسويتك بخير وصحة جيدة يملاها الفرح
قول آمين

[عصام الدين عموش]

الاخ عصام ياحليل زمن الجكاسين ...
والله احسدك علي زاكرتك دي ... بالله لسة الناس بتتزكر
جكاستهم الزمان ....
سبحان الله ....

لكن لو كنت مكانك بعمل بي نصيحة " ابو خالد " بس كيتآ "
في الجكاسة .....
والقحة ولا صمة الخشم .... عليك بالنسب ....

بت مارنجان لك التحية .. ومارنجان عندنا فيها مواويل ومواويل لك التحية بلون العسجد وأنتي تمرين كالنسيم على المواضيع

[عصام الدين عموش]

[quote=حافظ شعبان;406595]عصام
كل الاعوام انت والاسره بالف خير

اى شاكوش اخذته انت يافتى
يجب ان يستفيد الجيل القادم من خبراتك[/quote]

كل عام والجميع بخير وصحة وعافية
قلت لي في زول بعيد في الجبيل إلا واحد هربان من 0000!!!! حمدو في بطنو
على العموم طلتك بالدنيا على المواضيع التي تخصنا والحكاية مافيها شواكيش احسبها صاح

[عصام الدين عموش]

اخى العزيز عصام عموش اولا احييك على السرد الجميل والبوح الحر
واحدة جارتكم عرسوها سنة 80 عرسها كان بى محمد سلام
خلاص انا عرفت جكسويتك منو ?

هههههههه لك كل التحايا اخى عصام وربنا يخلى ليك رؤى وروان .

أبو صلاح ...
أتحداك لو تعرف هي من ياتو حي خليك من اسمها وأهلها
دي المن النسيم تتضارى..
ودي الشفت عيوني في سيقانها ..
ودي أخوانها مشاكلين فيها يعني الداير شاي لو ما عملتو هي ما بشربوا
ولو جاتها حمى ساكت البيت كلو عندي حمى .. دا إذا كان أولاد الفريق عندهم حمى تكون حالة أمها كيف

واشكرك على الإطراء الجميل يا رائع

[عصام الدين عموش]

[quote=ام ريان;406611]

إلياذكــرت الزمان وماضي الايامي00يهزني الشوق تذرف دمعي العيني
أوقدت شمعة سهـروالناس نوامــي00عـن عـلتي كـلهم ماهم بداريني
أيام زلت وطـافت مثل الاحــلامي00عجـت سواة الزهروسط البساتيني

بت الزمالك الرائعة .. أم ريان
لك التحية بقدر جمال الزمالك الأنيق والذي لنا فيه ذكريات أكثر من رائعة لك التحية على المقاطع الجميلة وخاصة وانا بحب الشعر العربي الخليجي والسعودي شكلك كنتي مغتربة

[عزيز عيسى]

ههههه والله يا عصام ضحكت على حالك وعلى الشاكوش اللي أخذتو..

الواحد فيكم محتحت ومجبص (على قول ود المأذون) الوقت كله وتلقاهو
عامل فيها كمان بيحب وما عارف منتظر شنو.. لغاية ما يجي واحد متمكن
مغترب جاي من الخليج يخطفها منو وفي النهاية يقعد يتجرس ويتأوه..
يا زول عجبني سردك الجميل المضحك
والمثل بيقول: الزواج قسمة ونصيب.
وربنا ما أراد.

[أشرف صلاح السعيد]

ياعموش والله دخلت اقرا مداخلة الخواجة ودعيسى لأنو مداخلاتو زاتا موضوع ..اقوم الاقيك رادى على الامم كلها الا انا"دا كلام ياراجل؟"..الشاكوش مطشش بيق لهسى ولا شنو؟

[mutasim]

والله ياعصام انته لسه متيم هو اصلو الاولانى مابتنسى

[درديري كباشي]

سألني صديق قديم : عصام بتتذكر عرس جكسويتك ( يقصد الحبيبة واللهي الآن حبوبة)
ضحكت بقدر مساحة التجمل لدينا
وسرحت بقدر مساحة التذكر .... وغرقت في موج الذكريات
وتذكرت كم كانت النفوس طيبة وكيف كانت النفوس تخبئ أحزانها بشفافية تحسد عليها
أحببتها وأنا في المرحلة المتوسطة .... زاهية كأطياف الصباح
رقيقة كنسمة السحر ... تمشى على الآرض ويكاد خطوها يلامس الأرض ..
حديثها عذب كأنها تغسله قبل البدء به .. تخبئ حياءها خلف أهدابها الطوال...
عندما علمنا بخبر زفافها المستعجل أقمنا سرادق العزاء الجماعي
أسودت الحياة في ناظري وأكفهرت الطرقات المودية لبيتها فهم جيران .. ونيران
كان لابد من مجابهة الأمر والرضوخ للواقع المر ..
وحانت لحظة الصفر ..
وكان المغني يصدح وأظنه محمد سلام قام يتعزز الليمون عشان بالغنا في ريدو...
نقول نشكيهو للقمرة ... ونشوفك من أغاريدو .. )
وكنا نبكي بحرقة من فقد عزيز لديه ونخبئ الوجه خلف الصيوان الكبير لعدم افتضاح الأمر
ونقسم على عدم الذهاب للمدرسة غداً ( الفائدة شنو ؟ )
وننام والبطون خالية من وجبة العشاء يعني حردانين ( ما كلين ليها شنو )
ويبقى علينا في الختام
لم الكراسي
وإنزال الصيوان
وجمع الزجاجات الخضراء لأصحاب الكيف العالي والمزاج الهاي
عشان نبيعها غداً لصاحب الحمار الكبير عمك أيوب عندما يصيح : ( المعاه قزااااااااز )
وده كان ربحنا الأكبر في المصيبة دي !!!
تحياتي لها ......
وهي الآن أم لستة من الأبناء تخرجوا جميعهم من الجامعات

اجمل ما في هذه اللوحة الرائعة يا حبيبنا عصام هو الصدق والامانة عادة المشوكشين يدعي احدهم بانه هو من تخلى ( ياخي تقعد تدلع لي ومعقدة جدا واي حاجة تقول ليك ديمنو الكنت قاعد معاها وما عارف شنو قلت ليها ياخي امشي تاني لا بيني لا بينك ..)

كلنا تلقينا شواكيش الصبا ببساطة لان البنت تكبر قبل الولد ..ولان اهلنا يعتبروا البنت ممكن تقرا طالما لم يظهر لها عريس في الصورة ..
عشان كدا العاقل عليه ان يتجنب الجميلات جدا ( وكنكش في البايركس فهو مضمون الى اخر العمر ) عشان اهلك يقولوا ليك فلانة شنو البتعرسها وعينك للنوارات الصغار .. وتتحول انت لصاحب الشاكوش ..... زي قصة ابراهيم الشهيرة وعبارة ( جنس ناس غايتو )