سكة هواك

[خالد علونى]

مديت على سكة هواك
يا غاليه
كلمات من اسى
احرف على الزمن الذى
توهنى بين عل وعسى
وختاك فى البال زكريات
لكنو لى وصالك نسى
وبقيت
اصارع فى الحنين
دمعاتى فى العين احبسا
اتوسل الاحرف تجود
ترحم فؤاد النوم نسا
راكب خيال الشوق دوام
مسكون
وساكنو الفيو سلا
واقف على شفة الضياع
لو مره منك طيف غشا
او حس انو هواك رحل
واحلامو هداها الاسى
تلقيهو فى الزكرى التمر
بى الحسره
زى النرجسه
وكتين يطول بيها الحنين
لى قطره
من ندى تنعشا
تديها احساس الوجود
وتدينى
احساس الرثا
مديت على دربك خطاى
لو القى فى الامال
ملاذ
اقدر الون
بى الحروف
كمين من الافراح رزاز
وارسم على وعد اللقا
بدل الخصام الفى الحراز
دنيا
بتنور بى الامل
والقاك يالون الفرح
رغم البى من العزاب
الوحشه
والضنى
والاسف
اللوعه
والخوف
والبعاد
الدمعه فى الطرف الكسير
والخاطر البيك محتفى
كل ما النسيم منك يخف
الاهه
والنوح
والوقوف
فوق الجراحات الترف
مدة اياديك فى السلام
وخطاك ماشه على تزف
كل الاهازيج والغنا
الق المواسم والمنا
قطبة حواجبك فى العتاب
ضمة شفايفك والسنا
كل الحنين الفينى ليك
سكة مشاويرك وانا

[كاظم]

يا زول انت كتَاب بالجد ... والنص القدامنا ده شعر مافيهو ولا كلمة واحدة بره الخط...
تحياتي يا خالد علوني..يا زول يا سمح ..
واعذرني في التعليق قبل التحايا..
فما قرأته جدير بإبداء الاعجاب قبل كل شئ وقد فعلت.. وأصدقك القول أنني لم أقرأ لك الكثير هنا ولكنني سأفعل طالما أن متعة قراءة ما تكتب بهذا الحجم.

كن بعافية يا صاحبي وبالجوار ولي عودة

[خالد علونى]

يا زول انت كتَاب بالجد ... والنص القدامنا ده شعر مافيهو ولا كلمة واحدة بره الخط...
تحياتي يا خالد علوني..يا زول يا سمح ..
واعذرني في التعليق قبل التحايا..
فما قرأته جدير بإبداء الاعجاب قبل كل شئ وقد فعلت.. وأصدقك القول أنني لم أقرأ لك الكثير هنا ولكنني سأفعل طالما أن متعة قراءة ما تكتب بهذا الحجم.

كن بعافية يا صاحبي وبالجوار ولي عودة

اخي كاظم لك كل الود والتحايا وانت تتفرد بالمرور علي هذه المساهمة
اتمني للجميع ان يتمتعوا علي صفحات المنتدي ولك كل الود

[اسلام فرح]

الوحشه
والضنى
والاسف
اللوعه
والخوف
والبعاد

ويلي من كل هذا الاحساس كيف استطعت ان تجمع كل هذه الاحاسيس

جميل ان تصنع من
الوحشه
والضنى
والاسف
اللوعه
والخوف
والبعاد

كل هذا التعبير الجميل في فن القصيد

لك كل الود والتقدير

[صالح شرف]

فوق الجراحت الترف
******************************
قطبة حوجبك فى العتاب
*****************************
الكلمات
الجراحت.......هي الجراحات
و حوجبك..........هي حواجبك

وما عداها فن راقي واحساس عذب
والكلمات احسب انها من سرعة الطباعة

[خالد علونى]

الوحشه
والضنى
والاسف
اللوعه
والخوف
والبعاد

ويلي من كل هذا الاحساس كيف استطعت ان تجمع كل هذه الاحاسيس

جميل ان تصنع من
الوحشه
والضنى
والاسف
اللوعه
والخوف
والبعاد

كل هذا التعبير الجميل في فن القصيد

لك كل الود والتقدير

اسلام كل الشكر لك وانت تضفي علي الشعر رونق خاص باختياراتك الجميلة وتعليقاتك المتفردة لك مني خالص الود

[خالد علونى]

فوق الجراحت الترف
******************************
قطبة حوجبك فى العتاب
*****************************
الكلمات
الجراحت.......هي الجراحات
و حوجبك..........هي حواجبك

وما عداها فن راقي واحساس عذب
والكلمات احسب انها من سرعة الطباعة

صالح شرف اجمل ما اعجبني في تعليقك هو طريقة تنبيهك لبعض الاخطاء تالتي صاحبت الطباعة بأسلوب سلس ومتفرد
لك مني خالص الود ودمت

[أشرف صلاح السعيد]

اخى الشاعر خالد تحياتى..
بالرغم من صغر سنك "حسب الصورة الرمزية" إلا تجربتك الشعرية كبيرة جدا..لحنك مموسق وانسيابى..مفردتك بسيطة بتتسمع بالقلب قبل الأذن..وللقصيد جسم وفكر وروح..
ابدع واكتب لنسكر الحس فينا بتفرد كلماتك ولحونك الشجية..
على قول كاظم والله انت زول كتاااب ..وكتاب جد..

[ابوخالد]

فوق الجراحات الترف
مدة اياديك فى السلام
وخطاك ماشه على تزف
كل الاهازيج والغنا
الق المواسم والمنا
قطبة حواجبك فى العتاب
ضمة شفايفك والسنا
كل الحنين الفينى ليك
سكة مشاويرك وانا


كلمات رائعة ,,,
ولحن سماعى غاية فى الإبداع ,,,

لك الشكر أخى ,,,
خالد علونى

ونتمنى المزيد من الإبداع ,,,

[خالد فيلابى]

فوق الجراحات الترف
مدة اياديك فى السلام
وخطاك ماشه على تزف
كل الاهازيج والغنا
الق المواسم والمنا
قطبة حواجبك فى العتاب
ضمة شفايفك والسنا
كل الحنين الفينى ليك
سكة مشاويرك وانا

الله.... خالد !!! تحيه يازول ياشفيف..

طوعت الحروف ..عطنتها فى بحور الألق..ونفحتها فينا أريجاً حللللو..
وبقول إنابة عن عيونى التى أدهشتها حدَ الجحوظ..
...هل من مزيد؟؟؟؟

[خالد علونى]

فوق الجراحات الترف
مدة اياديك فى السلام
وخطاك ماشه على تزف
كل الاهازيج والغنا
الق المواسم والمنا
قطبة حواجبك فى العتاب
ضمة شفايفك والسنا
كل الحنين الفينى ليك
سكة مشاويرك وانا


كلمات رائعة ,,,
ولحن سماعى غاية فى الإبداع ,,,

لك الشكر أخى ,,,
خالد علونى

ونتمنى المزيد من الإبداع ,,,

ابو خالد (ابوي) متعك الله بي الصحة والعافية
اسعدني مرورك جدا لك مني خالص الود

[خالد علونى]

فوق الجراحات الترف
مدة اياديك فى السلام
وخطاك ماشه على تزف
كل الاهازيج والغنا
الق المواسم والمنا
قطبة حواجبك فى العتاب
ضمة شفايفك والسنا
كل الحنين الفينى ليك
سكة مشاويرك وانا

الله.... خالد !!! تحيه يازول ياشفيف..

طوعت الحروف ..عطنتها فى بحور الألق..ونفحتها فينا أريجاً حللللو..
وبقول إنابة عن عيونى التى أدهشتها حدَ الجحوظ..
...هل من مزيد؟؟؟؟

فيلابي
خالص التحايا والود
ولك كل الشكر علي هذا الكلام الجميل ودمت كما تحب