حبيبتي تعال نتلم **** ما دام الريد اختلط بالدم **** انا ذنبي ايه شيلوني الهم

[عباس الدسيس]

كان دائما قبل الزواج وفي ايام التحضير له اسمعه يترنم باغاني البنات:
حبيبتي تعال نتلم **** ما دام الريد اختلط بالدم **** انا ذنبي ايه شيلوني الهم
حبيبي المنقه والتفاح *** حبيبي عسل والناس مساخ *** بهاجر ليك عشان ارتاح
بستناك انا في الكبري*** اضحي ليك انا بي عمري**** عشان وحيد انا نقلوا مني
حبيبي تعال نبل الشوق********************** نسكن في العمارات فوق

فجأة وبدون سابق انذار اشوف اسموا في شاشة الجوال بعد الاتصال اتفقنا نتقابل في مقهي نخلو بنفسينا نشرب شيشه ونستمتع بالبيره خالي كحول ( حلوه نخلو وخالي) طلب عصير مشكل عشان ما نخش في برنامج عشا ... مع كركعت الشيشه ونفخ الدخان زي طابونة الحطب كما ذكرني عربيتي السهان بيرد زمن موظفين في السودان... الوالد دائما كان لما اجي اركب معاي اقول لي عربيتك الدخاخينا تكل دي الله اكفينا شرا وتوصلنا .... سرح حبيبنا بخياله وبدأ يتحدث عن الزواج مع تنهيدات ... الله العن العزوبيه وسنينا ضيعت زمنا في الفارغ ... استفزني الاساءة للعزوبيه فاصبحت ادافع عنها واعدد ميزاتها الجميلة وادعم كلامي والله النسوان ديل غير فلقت الراس والازعاج والليلة زعلانه وبكره عايزه تشتري شنو ماشه لي ناس فلانه ما تلقي منهم حاجه .... جره ليهو نفس دخان عميق الواحد فينا زمان زي المقطوع من شجرة الشغل بعد الشغل اجي بيت العزابه اعاين في التلفزيون نص جسموا جوه البطانيه الله اقطع البطانيه بتاعتي الزمان الكان فيها صورة نمر كل ما تعاين للصوره تقول النمر ده عايز ياكلك ريحتا زي بيت الجداد غايتوا البضوق العرس وحلاتو اندم علي اي ايام قعدا عازب والواحد بقا لما اطلع ساكت للسوق والنزهه تلقي ماسك يد المدام زي الخواجات سعيد جدا بالرفقه.... اخذته نفس شيشه لما عشرقته بعد الجمله الاخيره شربت شويه من البيره قلت ليهوا يا خوي انت بي طريقتك دي لي قدام المدام بتركب في ضهرك وتقطع ليك اضيناتك القايمات ديل .... تململ اخذ المسند بالكوع اليمين والله يا خوي انشاءالله تركبني حصان كمان إضني ديل تعملن شاورمه اهم شيء السعاده الانا فيها دي
في البدايه الواحد ضاعت 35 سنة من عمروا ساكت.... لقد لاحظت كل عشره دقائق الموبايل بتاعوا اعمل رنتين وهو بدوره يعمل رنتين بل اختلفت شكل الرنه هذه المره اصبحت طويله ففتح الخط ومن نبرة كلامه وتغيير صورة جلسته تأكدته انها المدام بعد انهاء المكالمه والجلسه بدأت تحلو مع تسخين حجر الشيشه اتخذ قرار بأن يذهب اذ المدام تطلبه فكانت لي خيبة امل بانهاء الجلسه وهي في اولها ... شنو يا خينا جايبني من البيت انا قاطع المشوار ده كلوا تقعد ليك نص ساعه وتقول لي ماشي قبل ما تمشي اسمع الكلمتين ديل انت خشيت علي الزواج من مرحلة انعدام عاطفي وبقيت مندهش بالتغير تعرف في علاقة وثيقه بين الانعدام والاعدام الله استر عليك ما تحصل مرحلة الاعدام والمرحله دي بتجي بعد الانصدام العاطفي وروتينة الحياة مما يؤدي للتهور والعنف اللفظي تصل المرحله الخطيره وانت ماشي لي حبل المشنقه تكون منفعل علي الشناق منفذ الحكم لما اتقطع الحبل اكثر من مره في رقبتك تقعد تكورك فيهوا الله شنو يعني احنا جاين ننشنق ولا نلعب..... وتعرف مافي فرق بين الانعدام والاعدام وفي كل الاحوال كل الطرق توصل الي روما فتصبح معدوم العافيه.

[درديري كباشي]

عبس شنو الحكاية

نحن سمعنا تحت تحت كدا انه النت دخل البيت

خفف شوية من الكلام في السياسة

هو انت حاتوبش

قال طالب مشاغب جنو مظاهرات نقولوه من مدرسة مدني السني لحنتوب .. قال قوله مشهورة


حنتوب حنتوب برضو ما حنتوب

[عباس الدسيس]

الحبيب ابو الدر سلامات يا مبدع حكاية النت دي انا تفاجأة بيها يوم مشيت ولقيت ليك اخو الجماعه معهوا الفلبيني بتاع الdsl عشان كده حا نعمل ليكم استراح يوم بمناسبة دخول النت وانشاءالله ما ادخل بيتك شر وابقي عشره علي اللابتوب بتاعك الف شكر علي المرور يا الحبيب

الظاهر احنا حكاية حنتوب دي بقت علينا الزينا ده لازم القي ليهوا حاجة اخش معاها في صراع حكومة السودان بعيدين منها وهذا ما يسمي نضال الغربة مناجل حياة كريمه مع الحكومات التي لا تنفك منك بظروف الغربة يحي كفاح الطبقة العامله ويا ..... العالم اتحدوا

[مدنيّة]

حنتوب حنتوب برضو ما حنتوب

ختيييرة دي ياخ


يادسيس
خليه بيطير ليه اسرع من ما تتصور

[صلاح ودالطاهر]

الحبيب ابو الدر سلامات يا مبدع حكاية النت دي انا تفاجأة بيها يوم مشيت ولقيت ليك اخو الجماعه معهوا الفلبيني بتاع الdsl عشان كده حا نعمل ليكم استراح يوم بمناسبة دخول النت وانشاءالله ما ادخل بيتك شر وابقي عشره علي اللابتوب بتاعك الف شكر علي المرور يا الحبيب

الظاهر احنا حكاية حنتوب دي بقت علينا الزينا ده لازم القي ليهوا حاجة اخش معاها في صراع حكومة السودان بعيدين منها وهذا ما يسمي نضال الغربة مناجل حياة كريمه مع الحكومات التي لا تنفك منك بظروف الغربة يحي كفاح الطبقة العامله ويا ..... العالم اتحدوا

الله يكون في العون واحد اخونا عامل رائح الحاجه خاوتاهو الليل كلو نقه اها قال ليها يوم نقه ويوم مافي نقه اها اليوم المافيهو نقه تقوم من الصباح وتصفق قدامو بكره النقه بكره النقه لقايت ما ينوم........ اها شيل شيلتك بكره النت بكره النت تسلم يا مبدع معك السفاره في العماره وسلمتها ام حسن

[عباس الدسيس]

ختيييرة دي ياخ


يادسيس
خليه بيطير ليه اسرع من ما تتصور

أخذو الحكمه من افواه المجربين صاح يا مدنية بيطير ليهوا زي ما عارفه وانا عارف شكرا لي مرورك يا رائعه

[عباس الدسيس]

الله يكون في العون واحد اخونا عامل رائح الحاجه خاوتاهو الليل كلو نقه اها قال ليها يوم نقه ويوم مافي نقه اها اليوم المافيهو نقه تقوم من الصباح وتصفق قدامو بكره النقه بكره النقه لقايت ما ينوم........ اها شيل شيلتك بكره النت بكره النت تسلم يا مبدع معك السفاره في العماره وسلمتها ام حسن

حبيبنا ود الطاهر والله ليك وحشه شنو الغيبه دي انشاءالله المانع خير يا بتاع السفاره انت... الف شكر علي المرور مع اكيد تقديري للزول الرائع واستاذ الاجيال

[أشرف صلاح السعيد]

سلام يا عبس..
اولن مبروك الدى سى ال وحتوحشنا بمقدمه قلوب الاسود ..الغايتو شافك تانى تقول وتنسب ليك كلام صاحبك السارقاهو السكينة دا بكرا ما كضب..
تانى بتبقى لينا قبانى جديد عاطفة و سياسة ..العاطفة مقدور عليها وكلمتين حلوين بمرقوك لكن إتصال السفارة شكلو ببقى جد "الله يجازيك يا ود الطاهر الا تجيبو لنفسك"..
عودة للموضوع..
تعرف صاحبك دا فلمو دخلتو ليك انا زاتى تزوجت فى عمرو كدا..وتعرف الناس البعملو ليك بدرى على الزواج ولسة الواحد فى مثالب حياتية لابد تتصحح وكيف الواحد يتزوج ومتطلبات المرحلة بتسقط بظلال حتمية اللا تبوتق داخل قمقم اللا مبالة "كان فهمتها خسمتك اشرحا ليى" ناسك ديل بس يعرسو وعينك ما تشوف الا النور وعلى قول المصريين "كان فى جرة وطلع لبرة" مع تبديل الجرة ببرة بالزواج بس جرة عسل والنبى حكيم عندنا go بالبيت يا ولداه "واهدى تحياتى واشواقى لزوجتى الحبيبة التى اشتاقها زى شوق زمااان واكتر"..والله العرس دا سمح كيف..والله الواحد كان مضيّع زمنو فى كلام فاضى ساااكت "حليل الظلال واسقاطاتا والبوتقات حليلم"..بس خسمتك تدينا حوار ليو بعد خمسة سنين كدا دار بيناتكم..
وأال السفارة أال..

[عباس الدسيس]

هاااااااااااااااااااااااااااا ي يا باش والله فيلم السفاره ده لذيذ كيف المره الجايه بعد نتقابل ندخل فيهو حاتم فتحي........... وسلم لي علي سعادة السفير استاذ صلاح يا جدع ..... رقصني يا ولد

ابوالشوش لاكن في ناس جبانات بشكل عليك الله ما بتحن لايام العزوبيه والانطلاقه الحلوه ديك زمن والله بقي زي الحلم كان راجل قول صاح...........
صاحبي خليهوا اها البعد خمسه سنين ده بنعملوا معاك انت ما تخاف ما بكتب اسمك والعنوان بكون صدي الزكري علي اغنية النور الجيلاني لانو فيها (( سنين مرت....... تم الباقي)) ده بعد الخمسه
الله اجازي محن ود الطاهر والسفارات .....(( هو يا جماعه ما تجيبوا لي ود الطاهر الهواء حسي الحكومه الداخليه كان شافت حكاية السفاره دي تقول في حاجه تحت تحت))