حنين للبلد

[سند بركات]

قول لي متين ديك السجم

خلا الصياح

وقت الصباح

والنسمة سايقاها الرياح

والفرحة ديك

في كل بيت لاقية ارتياح

حبوبة شديتي الملاح؟؟؟

يا بنية هووووووي سوقي المراح..

ادوني مفراكة وكنش..

وبصلة وكمان حبة تبش..

وشرو البرش..

ابويا ابريقك هداك..

جهزت ليك عود الاراك..

صليت وراك..

سبحت باللالوب معاك..

جر يا كلب..

امرق امش..

خلي اليخش..

هدااااااااك ملاك..

طاحونة عيش..

دقق بشيش..

يا حليلا طيبتك يا بلد..

بعمل جناح..

ادوني ريش..

بس كيف اعود ليكي واعيش..

--------------------------------------------------------------------------------

عيوني انا.. بشيلهم ليك.. بدس الفرحة في جواي..
عشان باكر تجي والقاك.. مضمخ بالعبير فرحك.. مجرتق باشتياقي اليك..
يضوي علي الجبين ريدك.. هلاااااااااال سعدي

[الزبير محمد عبدالفضيل]

مشكووووووووور يامبدع وصفت الحياة والصلاة وحال اهلنا بالصوره الحقيقه

وقصيده تستاهل رقم وأحد ما بين القصائد

[سند بركات]

شكرا كتير يا فخر المنتديات انت تستاهل اكتر من كد و المنتديات كمان