الطاحونه

[امير عبدالباقي]

كنت بعمل حساب لمشوار الطاحونه لانه اذا مامشيت بدري بتفوت عليك التقسيمه بتاعت الدافوري وتجري لحبوبتك لانها هي المسئوله عن العيش وتقول ليها حبوبه اديني قفه العيش عشان امشي بسرعه مايكون في صف في الطاحونه وتقول ليك اصبر ياولدي انت شفقان مالك الدنيا طايره ماحسي بتمشي وتجي عارفاك ماساي نشاطك ده جاري تحصل المضروه الكوره وتشيل القفه وتجد محمد ود الجيران وتقول ليه تعال نمشي الطاحونه ويقول ليك لا وتحنسه وتقول ليه بشتري ليك معاي تابوت وحلاوه مندكو (بتعرفوها) ويقبل بالشروط التي سوف تكلفك قرش وكله يهون عشان الدافوري وتمشي وتجد عمك الدي ماسك كيس القروش وجنبه الحاجات ينظفن في العيش وجنبهم حصان الكارو يحمل في الدقيق المطحون ؛ وتجد قدامك قفتين في الصف وتحمد ربك مافي زحمه تخلص وتمشي لعمك الدي وتتديه القروش وجري للفريق وتجد اولاد الفيق اتلمو عاوزين يلعبو مباره مع ناس العشير بالببسي

[ابومرام]

تسلم اخوي امير 000
على الرغم من انني لم اعيش تلك اللحظات واقعيا لكنني عشتها الحظة عبر الاسطر التي كتبتها ويا حليل الايام الحلوة وياريت ترجع تلك الايام ويرجع بينا الزمن للورىشوية ولك التحية 000

[HAMADTO]

تسلم يا ابوريان يا رائع ..... يعني مشوار الطاحونه ده كان هاجس كبير جدا بالنسبه ليك ...
بس اهم شي لما تلعبوا مع ناس العشير قاعدين يشربوكم البيبسي ولى انتو بتشربوهم .......

[aborawan]

مشكور يا ابوريان ويا لها من ايام وذكريات

بس الحلاوة البتديها رشوة دي شكلا كيف انا متخيل انك ناجرا من راسك ساي

[امير عبدالباقي]

ابومرام مشكور علي المرور ياغالي
حمتو والله زي مابقولو مره ليك ومره عليك
ابو روان حلاوه مندكو دي ياحبيب بعملوها من السكر والفول المسحون
تجيب السكر وتختو في النار مامعاو شي لحدي ما يحرق وبعد داك تجيب الفول المسحون وتسوطه علي كده لحد مايتماسكن حاول اعملها

[أبوبكرحامد]

شكراً أمير لإثارة هذى الذكريات ، عموماً طاحونة الدى من المعالم البارزة بمدنى ونحن فى بانت كانت لدينا طاحونة المحبوب وهى قصاد مدرسة أبوزيد المتوسطة وأعتقد الآن فيها منزل جومو ميكانيكى الفولوكسواجن ، كما أن لدينا طاحونة العم سليمان منصور بحى جبرونا ومسئول عنها الكوتش أحمد سليمان منصور " أحمد الناظر " .

[أبوريلان]

أمير أديك العافية رجعتنا بالذاكره لوراء خالص ، لكن طاحونة الدى ما زالت قائمة فى مكانها ، لكن زى ما قال ليك نبيل ناس العشير كنتو بتشربوهم البيبسى ولا بشربوكم البيبسى ، سؤال حمتو تحتو سطرين ؟؟؟؟

[امير عبدالباقي]

مشكور ابوبكر علي المرور والمشاركه الجميله
ابوريلان اصلو الكوره يوم ليك ويوم عليك مره تشرب وتنتشي ومره تشرب وتتحسر

[ضياء الدين احمد]

والله يا امير انت قديم قدم قلت لي تابوت كان كده نحنا ما برانا

[أبوبكرحامد]

الأخ ضياء ......
المدهش فى أمير أن معرفته بالحلويات البلدية ليست معرفة مجردة بل يعرف
أيضاً طريقة عمل المندكو ودى صراحة ماأدونا ليها فهل من تفسير؟؟؟
ود الماذون

[امير عبدالباقي]

الاخ الحبيب ضياء والله انا ماقديم لكن تربيه حبوبات دايما بجلس معاهم
في اوقات الظهريه وعمل القهوه وتعلمت منهم عمل الحلويات البلديه يابكور

[أبوبكرحامد]

إديك العافيى يا أمير ، والحبوبات كنز زاخر بالدرر ليتنا نوثق لهن .
ود الماذون