صور ما خلف الكواليس احتفال الرياض

[صلاح ودالطاهر]

احبتي انقلكم في بث مباشر لما خلف الكواليس حكايات ما تخلص اها يا تجو جب العندك كمرت هيثم شوشه بسندك



طبعاً البداية كانت من هنا لان جوز اللوز ده اول من وصل وكان ده فوق راي
ابوجودي :- اها شروفتي الليله تعرف يابطل الحوض ده نخمج فيهو جنس خمج الوكت بدري والجماعه طبعاً ماسودانين الوكت ما لهو قيمه
اشرف :- صدقت يا ابوها انا زاتي عندي سروال كارهات خاتيو لليوم اذي ده عشان الواحد يبرطع ساي ام الوليدات من صبحاً بدري قلت ليها العزومه فطور
ابوجودي :- ياخي توارد خواطر عجيب تعرف المكنه دي انا ذاتي فكيته للمره اها كدي نقفل باب الحريم وهاك يا برطعه برطعة القور والقسم الاول
اشرف :- انت يا ابوجودي انسألك دي شنو الحبه الفوق شلوفتك دي
ابوجودي :- هسع انت في الحبه ولا شوف فضيحتنا بقت بجلاجل قنا جينا اول ناس شوف الزول داك بيصور فينا كيف
اشرف :- شكيت محنك انت جيت منو ين يازول بالجد صورتنا هههههههههههههههههههههههههههههههههه امانه ما وقع لوري يحلنا الحله بله
ابوجودي :- هسع الزول ده نتفاهم معاهو كيف ...................... كدي نصلح الحبه الفوق شلوفتي دي

[عبدالرحمن مدثر]

عمدة

نجيب قهوتنا ونجيك

ياسلام على توم وشمارك وبهارتك الحلوة

البتخلى للمة طعم تانى ... جميل جدا اعدادك

لان فيه الابتسامة لاحدود لها


اتوهطنا تب ياحبوب

اعتبرنا زى الناس البخشوا جوووه شريط ناس تيراب ولا همبريب

ومهمتهم الاساسية يكبروا الضحكة

لكن هنا الحكاية اصدق

لان كل التفاصيل ملك لنا

[صلاح ودالطاهر]

الو الو نعم معك اشرف منو معي اهلين العاقب ياخي مشتاقين
العاقب : مالك يازول صوتك ده متغير
اشرف :- ياخي اسكت ساي جيت من الصباح بدري قلت نذكر ترعة دردق وناخد ليك ديك يا الجلبقه بس فريد طفيره كان ودالطاهر جاء بالله جريت فريد جري قلت الستر والفضيحه متباريات
العاقب :- هههههههههههههههههههههههههههههههههههههههههههههههههه اها ما شرقته
اشرف :- يازول اسكت ساي شرقت عدوك وحاتك لو اتحليت من ام الوليدات ما بتحلا من ودالطاهر هسع ابوجودي يكتت ساي من ام برد الخشت فيهو

تيت تيت تيت............................................... ..................................
اشرف الجوال فصل ولا شنو

[صلاح ودالطاهر]

عمدة

نجيب قهوتنا ونجيك

ياسلام على توم وشمارك وبهارتك الحلوة

البتخلى للمة طعم تانى ... جميل جدا اعدادك

لان فيه الابتسامة لاحدود لها


اتوهطنا تب ياحبوب

اعتبرنا زى الناس البخشوا جوووه شريط ناس تيراب ولا همبريب

ومهمتهم الاساسية يكبروا الضحكة

لكن هنا الحكاية اصدق

لان كل التفاصيل ملك لنا

يازل مالك هجمتني ذكرتني قصة واحده مشت حي المنشية في عزومه كاربه بتاعت عشاء اها الاكل اشكال وانواع اها زولتك عائزه فرصه عشان تشيل ليها لقمه كاربه علي حظها الكهرباء قطعت ومفتكرها حتقطع وكت كبير قائلها ذي عندهم اها زولتك عارفع اهدافها وين وبدأت تكاوش في لقمه مدنكله الساعه المده ايدها للخشومه الكهربه جاءت بسرعه قالت ليهم هوووووووووووووووي سجمي كلبكم وين .........هسع دحين انا قائل نفسي براي بشوت بسرعه
يا اخي الله يديك العافيه اتوهطت ساي والغريق قدم

[صلاح ودالطاهر]

ايا ضاحك البرق حيّ نزيل الخباء

ورو مضارب عزة بالغيث دوما، وحدث عن الراحلين

وعن شجرات الخلاء

ها أنا في المدائن منتشر أبتغيك، تجيئين بالطيبات

ودفء العشيرة وقت الحصاد

أحبك نيلاً ونيماً وعهداً قديماً وعشقاً مقيماً تمدد

ما بين خاصرتي والفؤاد

وما لي إذا كنت أعشق هذي البلاد؟

وأشتاق عزة، لا الجند يمنعني الشوق جهراً،

وهذا النهار لنا والرغائب دون انتهاء

أيا طائراً من رماد الحرائق منبعثاً يرفض الموت قبل الوفاء

سأدفع باب المدينة فجراً واسأل:

أما حان وقت الرحيل..

للمتاريس موعدها، والبشائر آتية في الصباح

وعزة تشهد أن المحبين ماتوا وهاجسهم،

قمرٌ لسماء بلادي الحبيبة

مطرٌ للرمال الجديبة

غزلٌ للمحبين حين استبيحت حروف الكلام المباح

زهرةٌ للشهيد المسجى على شارع المجد

يستنهض الجرح حين تنام الجراح

[محمد الواثق]

عمدة نحن هنا فتجذبنا كلماتك والدعابة لها طعم خاص في حضرتكم فأطلب القهوة
والجلوس الي جواركم استاذنا عبد الرحمن فمعكم تحلوا المتابعة

[أبو جودي]

ألحق يا اشرف " ما تعمل لي عندك حمى ولا أم برد" ود الطاهر ده شكله ما عاوز يجبه البر ،،،،
أهه وأنا رتبتي أصغر من رتبة ود الطاهر ،،، أنت عندك اليومين ديل رتبة أعلى وممكن تديه هرشة بي نجم الشهر وكده ،،، على الأقل ما يجيب التقيل ولحدي كده ،،، أنا العلي عملته ...

بي جاية : ود الطاهر أنحنا ما أولاد فريق واحد نظام واسطة وكدى.

[النويري]

استاذ الأجيال والعمده وصمت الساقي وستة خرفن وتسي ما كفن

نحن هنا مرابطون في المنتدى العام وما جينا عليكم في النفاج أتمنينا نشرب لينا معاكم قهوة سبحان الله جات القهوة لحد عندنا نتمنى تكون القعده وديه أصلوا في موضه اليومين ديل في مدني بيقول ليك ماشين نشربها مع ناس فلان في المزاد

أخونا صلاح نحن سعيدين بالدراما التي تقدمها بس أعمل حسابك الناس ديل نسوانن مشتركين في المنتديات تقوم تلخبط الأمور بتبوظ نهائي كدا

لك مني خالص التحيات

ابو جودي شايفوا كب الجرس أرحمو وباقي الصور خليها في الخاص

[admin]

شكلك ما سمعتا ابو جودي يا ودالطاهر .. قال ليك : ود الطاهر أنحنا ما أولاد فريق واحد نظام واسطة وكدى

لكن انت يالكلس انا عافي منك عارفك حقاني وبتفتو كلو

[النويري]

والله الشغلة كبرت شديد يا أبو جودي ربنا يكون في عونكم اعضاء المنتدى كلهم عيونن على بوست العمده الله يعين

[أبوريلان]

أنت ياود الطاهر ماسك علي الناس دي شنو؟
كلهم برجفوا ، الرجفة دي حوض سباحة بس !!
ولا عندك حاجة من داخل المطبخ .

[أبو جودي]

هوي يا أخوي صلاح احسن راسك ما يكبر ،،، انتظر لحدي مانشوف أشرف ده الحصل عليه شنو ،،،
وأهديك مقطع من مداخلة أخينا النويري وأكبر ليك الخط كبير عشان باقي يا أخوي أنت الطبشيرة فوتت بي نظرك ،،، وبي حاجات تانية حاميني ،،،أههه أههه ،،،،
،،،،،،،،،،،،،،،،،

أخونا صلاح نحن سعيدين بالدراما التي تقدمها بس أعمل حسابك الناس ديل نسوانن مشتركين في المنتديات تقوم تلخبط الأمور بتبوظ نهائي كدا

لك مني خالص التحيات
ابو جودي شايفوا كب الجرس أرحمو وباقي الصور خليها في الخاص

[ابوخالد]

[center]

أنت ياود الطاهر ماسك علي الناس دي شنو؟
كلهم برجفوا ، الرجفة دي حوض سباحة بس !!
ولا عندك حاجة من داخل المطبخ .

تعرف يا ابوريلان

مما بدأ البوست والتيلفونات ما وقفت

بس تقول فيلم نبيلة عبيد وصلاح قابيل

بتاع المذكرات ...

كلو بيسأل سيرتو ح تجى هنا والا لا ,,,

وفيهم اللى عرض يشترى اللقطات بتاعتو ,,,


ود الطاهر

أصبر شوية كان نطلع الفروقات ,,, ونلم حق

القعده الجاية ,,, تقل يدك شوية ,,, جرعة كل يوم ,,,

لكن ما تقول لى دى كهارب وسلاح ضارب ,,,[/center]

[صلاح ودالطاهر]

عمدة نحن هنا فتجذبنا كلماتك والدعابة لها طعم خاص في حضرتكم فأطلب القهوة
والجلوس الي جواركم استاذنا عبد الرحمن فمعكم تحلوا المتابعة

هسع انت براك جيت عاد انت شماراتك اسكت ساي


يابوي الحله الفوق التلاجه دي فيها المطايب الواحد يعمل صبي توزيع عشان منها ندخل بهناك يمكن نلقي لينا حاجه خلاص الراس حبة صوفه مافيهو عاملين متابعين الموضه وكده وناس ما عارفين البير وغطاء اها كدي هسع الواحد يفكر كيف يسطو علي الحلا الفوق ديك....... كلام في السر
التجاني هووووووووووووووووووووووي يالواثق ماتعمل فيها تفتيحه لوعامل حريف والله كمشتي دي ما تديك الدرب اخبتك بيها فد خبته اخلي شعرة جلدك تقوم صوف صوف وانت ذاتك ما عارف حاجه لي نحن ختينا الاكل بيهنا عشان الحريم بهناك قاشرات بالحنه والدهبات كية علي مدنيه اها كدي يا ودمي ناولني الصحن ده نخت ليك وديهو للحريم بهناك هسع يجي عمك ابو شوارب المهروش يقول ليك وزارة الداخليه اتصلت علي


اشرف هوووووووووووووووووووووووووي يا الواثق الزول ده ما يعمل ليك تفتيح عن جريت جري شلت سلطة الاسود يا زول بس اعمل نائم بعدين بعمل ليك قسم الله رصاص بالحلال والبلال


الواثق :- يابوي انا من مولد في ودزرق ادقس ليك ميت واحد (ذي تجو ابوكمشه) ده كدي نمشي ندس الفلم يابوي مافي زول بيتخيل انو ختيت الحله في ثيرمس المويه هههههههههههههههههههههه ودزرق علم




اشرف كدي تعال يافرده وريني الفلم


اشرف والواثق اخر اتفاق مع الحله ام مطايب وسلطة الاسود اشرف مستعجب والله الجنه ابو صلعه ده ماهين شوف ختاها كيف ذي سفت ابوجودي الكنت قائله حبه

[أبوبكرحامد]

شكلك ما سمعتا ابو جودي يا ودالطاهر .. قال ليك : ود الطاهر أنحنا ما أولاد فريق واحد نظام واسطة وكدى

لكن انت يالكلس انا عافي منك عارفك حقاني وبتفتو كلو

ياريس ماتستخدم صلاحياتك الرئاسية ومهاراتك التقنية فى التشويش على هذه الصور ، أشرف قريبى وأبو جودى قريب المدام ، يعنى فى الحالتين أنا ضايع .

[محمد الواثق]

هسع انت براك جيت عاد انت شماراتك اسكت ساي


يابوي الحله الفوق التلاجه دي فيها المطايب الواحد يعمل صبي توزيع عشان منها ندخل بهناك يمكن نلقي لينا حاجه خلاص الراس حبة صوفه مافيهو عاملين متابعين الموضه وكده وناس ما عارفين البير وغطاء اها كدي هسع الواحد يفكر كيف يسطو علي الحلا الفوق ديك....... كلام في السر
التجاني هووووووووووووووووووووووي يالواثق ماتعمل فيها تفتيحه لوعامل حريف والله كمشتي دي ما تديك الدرب اخبتك بيها فد خبته اخلي شعرة جلدك تقوم صوف صوف وانت ذاتك ما عارف حاجه لي نحن ختينا الاكل بيهنا عشان الحريم بهناك قاشرات بالحنه والدهبات كية علي مدنيه اها كدي يا ودمي ناولني الصحن ده نخت ليك وديهو للحريم بهناك هسع يجي عمك ابو شوارب المهروش يقول ليك وزارة الداخليه اتصلت علي


اشرف هوووووووووووووووووووووووووي يا الواثق الزول ده ما يعمل ليك تفتيح عن جريت جري شلت سلطة الاسود يا زول بس اعمل نائم بعدين بعمل ليك قسم الله رصاص بالحلال والبلال


الواثق :- يابوي انا من مولد في ودزرق ادقس ليك ميت واحد (ذي تجو ابوكمشه) ده كدي نمشي ندس الفلم يابوي مافي زول بيتخيل انو ختيت الحله في ثيرمس المويه هههههههههههههههههههههه ودزرق علم




اشرف كدي تعال يافرده وريني الفلم


اشرف والواثق اخر اتفاق مع الحله ام مطايب وسلطة الاسود اشرف مستعجب والله الجنه ابو صلعه ده ماهين شوف ختاها كيف ذي سفت ابوجودي الكنت قائله حبه

قال التيمان قال
ود الطاهر لقيتك ما ساهل وانا يوم الاحتفال اقول ود الطاهر دة لابت مالوا اتاري قاعد يكتب في الكاركاتير ويشيل ويرسم ويظبط ويعزم الناس للتصوير ماجلا حلة ماصور الناس معاها كيس العيش زاتوا كان ساكي لكن في صورة كدا انا شوفتها بس للأسف ما صورتها ود الطاهر انكشح في جلابيتوا الجديدة الملاح ماخلي وسيلة ما عملة قرب يوديها المغسلة مستعجل بي ريالين قال لي المرة صعبة ما بقدر ارجع البيت بي حالتي دي
يا خسارة احلي منظر في الاحتفال ما شافوا الناس

[صلاح ودالطاهر]

قال التيمان قال
ود الطاهر لقيتك ما ساهل وانا يوم الاحتفال اقول ود الطاهر دة لابت مالوا اتاري قاعد يكتب في الكاركاتير ويشيل ويرسم ويظبط ويعزم الناس للتصوير ماجلا حلة ماصور الناس معاها كيس العيش زاتوا كان ساكي لكن في صورة كدا انا شوفتها بس للأسف ما صورتها ود الطاهر انكشح في جلابيتوا الجديدة الملاح ماخلي وسيلة ما عملة قرب يوديها المغسلة مستعجل بي ريالين قال لي المرة صعبة ما بقدر ارجع البيت بي حالتي دي
يا خسارة احلي منظر في الاحتفال ما شافوا الناس

اها عاد زي تلفونك ده افتو لا لا ما بقدر عائز تهاجم ساي كان عندك دليل ختو ونحن كلو بالدليل والدليل الووووووووووووووووووووولو اها كدي المندس وراهو ده اليكضب الشينه عاد يا وثقتي جنس جرس عليك شوف اكل الضفور كيف وزول يضحك عاجبو الصاري

[أبو جودي]

أبو خالد أحسن ليك تكب الزوقة ساكت ،،، والله ود الطاهر ده لم يطشش ما بشفو أبو خالد من محمد الواثق ،،،

[أشرف صلاح السعيد]

أنا أبوك يا عبد الرحمن..دا حق الرجالة وكدا..
أنا أخوكم يا أمل وأميمة وإيناس.. دا فوق حد الرجالة..
ود الطاهر أتحداك أكان تقدر تهرشنى..فت الفى حنانك الناس ما تصدق اننا عملنا بلوة..

بيدى لا بيد عمرو:

هوووى ياناس الشمارات والبهارات والدقة الناعمة النحكى ليكم ما يمشى فهمكم لحتت تانية حميانى..
انا وابو جودى وولدو عوض جينا حسب برنامج النويرى المطرشق القال اليوم بيبدى بعد صلاة الجمعة مباشرة وهو باقى الشباب جونا ناقزين بعد العصر "حوص بعيد عنكم بيلخبتو بين الصلوات..امانة ما تفشيت فيك ياالنويرى الشلت حالى بسلطة الاسود"..
أها جبنا التلج وعملنا الموية الساااقطة فى الحافظات وبعدا بقينا نعاين لبعض..اها قوم يا الود عوض عاين للحوض واتشبك الا تعوم..ووحاتكم قبل ما يقلع هدومو كنتا انا واخوى الكاشف ابو جودى جوة الموية الساااقطة ما الحفاظات موية الحوض..عليكم امان الله التقول جايبنها من موية الواح التلج السايحة من حسين عوض..

مزيدا من التفاصيل:
ابو جودى قال ليى يااخى ما عملنا حسابنا بالسباحة هسى نعوم كيف؟؟
اخوكم ما بتاع خلا سااكت..قلت ليو تعرف انا لابسلى بوكسر من اللاة المابيعرفن الدرديرى اخوى وخوفى اجى يشوفنى بيو بس يقول ليك "بس قبضتو هو تومى دا من اياهم ابات طيحنى"..قمت حنكتو ليكم ينزل بالسروال التحت الجلابية وقد كان..ووحاتكم شقة واحدة للحوض اب عشرة متر دا ولساناتنا لحقت اكتافنا..
اها خلصنا الفينا وهى اساسا خلصانة قبل ما نجلبق وطلعنا برة القيفة قصدى برة الحوض انا عن نفسى كنت عايز انشف لانو ما عندى رجعة للبيت وكدا..
واثناء الجلسة التنشيفية قووووم يا ود الطاهر تعال ناقز ..الزول بس شافنا ليك عمل خلف دور ورجع للعربية..قلتا لابو جودى الزول دا ناوى على فضيحة اجراكا النلبس ..وفعلا جرى نضيف ولبسنا وصاحبك اجى بالكاميرا بس وين "كان ليو"..

الحلقة الاشرفية الاولى..
انتظرونا فى حكايات اخرى ..
الحلقة القادمة ..ابو خالد والنويرى يفلون حلة اللحمة كما لم تفلى حلل من قبل..
قريبا..ود الطاهر يبحث عن الشهرة ويتجرس من كشحة الويكة..

أين الكبدة النية وام فتفت؟؟ هذا ما ستقرأونه فى الشوت المعاكس ..قريبا..

[ابوالشباب شوشه]

الله يستر والله لو مامدنى ماكان جيت لى كشف الحال

[النويري]

شكلك ما سمعتا ابو جودي يا ودالطاهر .. قال ليك : ود الطاهر أنحنا ما أولاد فريق واحد نظام واسطة وكدى

لكن انت يالكلس انا عافي منك عارفك حقاني وبتفتو كلو

حتى admin بتابع في شماراتكم الله يكضب الشينة وما يسمع ليه شيء

[النويري]

الله يستر والله لو مامدنى ماكان جيت لى كشف الحال

أبو الشوش وين الصور خلينا بالجلابية أحسن الكلام دخل الحوش أنا معتمد عليها شديد بالله عليك نزل الصور دي قبل ما يفهمونا غلط وبعدين بنجيكم

[النويري]

[QUOTE=أشرف صلاح السعيد;437161][size="5"][color="purple"][right]أنا أبوك يا عبد الرحمن..دا حق الرجالة وكدا..
أنا أخوكم يا أمل وأميمة وإيناس.. دا فوق حد الرجالة..
ود الطاهر أتحداك أكان تقدر تهرشنى..فت الفى حنانك الناس ما تصدق اننا عملنا بلوة..

بيدى لا بيد عمرو:

هوووى ياناس الشمارات والبهارات والدقة الناعمة النحكى ليكم ما يمشى فهمكم لحتت تانية حميانى..
انا وابو جودى وولدو عوض جينا حسب برنامج النويرى المطرشق القال اليوم بيبدى بعد صلاة الجمعة مباشرة وهو باقى الشباب جونا ناقزين بعد العصر "حوص بعيد عنكم بيلخبتو بين الصلوات..امانة ما تفشيت فيك ياالنويرى الشلت حالى بسلطة الاسود"..
أها جبنا التلج وعملنا الموية الساااقطة فى الحافظات وبعدا بقينا نعاين لبعض..اها قوم يا الود عوض عاين للحوض واتشبك الا تعوم..ووحاتكم قبل ما يقلع هدومو كنتا انا واخوى الكاشف ابو جودى جوة الموية الساااقطة ما الحفاظات موية الحوض..عليكم امان الله التقول جايبنها من موية الواح التلج السايحة من حسين عوض..

أنت لكن فضيت لي برنامجي أنت وين من طه القرشي مريض ما السلطة وكده والله لو ما (الحلبه ) كان أستلفنا البمبرس من إستراحة الحريم دا كان يوم غريب جداً

انا ما لقيت لي فيك فرصة بعد كده حد قال ليك حبها بالمخلل

[الخواض محمداحمد خواض]

هوي يا أخوي صلاح احسن راسك ما يكبر ،،، انتظر لحدي مانشوف أشرف ده الحصل عليه شنو ،،،
وأهديك مقطع من مداخلة أخينا النويري وأكبر ليك الخط كبير عشان باقي يا أخوي أنت الطبشيرة فوتت بي نظرك ،،، وبي حاجات تانية حاميني ،،،أههه أههه ،،،،
،،،،،،،،،،،،،،،،،

أخونا صلاح نحن سعيدين بالدراما التي تقدمها بس أعمل حسابك الناس ديل نسوانن مشتركين في المنتديات تقوم تلخبط الأمور بتبوظ نهائي كدا

لك مني خالص التحيات
ابو جودي شايفوا كب الجرس أرحمو وباقي الصور خليها في الخاص

انت قصتك شنو يا ابو جودى كلما الناس تمازحوا وضحكوا مع بعض تدخل النسوان . باين يا اخوى حكوماتكم مورياكم الويل !!!!!!!

[أبو جودي]

انت قصتك شنو يا ابو جودى كلما الناس تمازحوا وضحكوا مع بعض تدخل النسوان . باين يا اخوى حكوماتكم مورياكم الويل !!!!!!!

أخونا الخواض ،،، لك التحية والود
تعرف يا أخوي عشان أدخلك في الصورة ،،، الحكومات دي عارفه النويري ،،، وهو الجابه ،،،
وأخوك ياريت عندو حكومة واحدة " اليوم داك أتفقنا أنا وأخوي الكاشف أشرف نزوق من الحكومات ونقول عندنا شغل وكدى ،،، وده الحصل ،،،
بس المشكلة معقدة حكومة أخوك وحكومة أبو خالد والتجاني كلها دي عاملة تنسيق مع بعض يعني تتلفت بي جاي ما تلقى طريقة تتلفت بي جاي ما تلقى طريقة،،، وداسين لينا في المنتدى عيونهم .
أهه قلنا اليوم داك نفك أخرنا أنا وأخوي الكاشف ،،، ما قايلين ود الطاهر ماخد كورس من التيمان. ويشيل ويسوي لي أنت يا ود القسم الأول وأنت ياود السعيد ونومنا ليك في العسل ...
"هي أكان موريانا الويل عليك الله جنس البنكتب فيه ده بنكتبو"
الله يديك العافية أخي الخواض ،،، بس بنحب نفك عن أنفسنا ،،، وعاوزين نحس بالاحتفال مع الأخوان جميعاً ،،، لأنه والله دي الروح السادة في الاحتفال بالضبط فالكل أخوان وأصدقاء وأقارب وأصهار ،،، نسأل الله أن يديمها علينا جميعاً