الشامبيون

[أبومهاب]

لقد أطل علينا عيد الاضحى المبارك
وفيه الخيرات والنعم
وعلىسبيل المثال المشروبات (الشامبيون)
بصراحه هذا المشروب رائحته رائحة خمره عدييييييييييييييييييييييييييييييييل
أها يا جماعة الخير خلو المكتوب والمكونات وغيرها
رايكم شنو فيو وبصرااااااااااااااااااحه

[تغريد]

الاخ أبومهاب

ليك كل تحية وانت تسطر ما جال بذهني منذ رؤيتي لهذا المشروب لا اخفي سرا حين اقول انني ومنذ رؤيتي لتلك القارورة البنية اللون يحملها شخص مار الشارع العام لم ارتاح لها مطلقا واصابتني الدهشة كثيرا وتساءلت كثيرا عن ماهية هذا المشروب

و حين عرفت ما هيته وانه مشورب شعير خالي من الكحول استغربت اكثر خصوصا بعد سماعي بعض القصص من بعض الاشخاص الذين شربوه ويجزمون انه يسبب نعاسا و نوع بسيط من النشوة وانتعاشا حقيقة زاد أستغرابي اكثر ومع اني لم اتناوله قط الا اني أشك في كونه يحتوي علي الكحول ولو بنسبة ضئيلة

كل خوفي ان يكون هذا المشروب هجمة جديدة ونوع جديد من انواع التحايل علي عقول السودانيين لأيقاعهم فيما حرم الله واتمني ان يكون كل ما دار في زهني غير صائب

ومن باب الحيطة يجب علي الجميع البحث فيما وراء هذا المشروب لا لشي سوي ان نزيل كل باب للشبهة ولتطمئن قلوبنا فقط

شكرا لك اخي الكريم لطرقك هذا الباب وتقبل مروري

[esmat]

بالرغم من اني قد سمعت بهذا المشروب
وانا خارج البلاد وعن أنه كالخمر وما شابه
ولكن عندما تذوقته لم ارى فيه شي هو
كالباريو - موسي - بربيكان - وهي انواع من
البيرة بدون كحول كثيرة في المملكة
لكن ناس السودان شكلهم راسهم خفة شوية ولا شنو

[okasha]

جرب اكسر معاهو الشربوت فى العيد

مبااااااااااااااااااااااااااااااااالغة

[مدنيّة]

لكن ناس السودان شكلهم راسهم خفة شوية ولا شنو

بالغت فيها دي


عن نفسي ماحصل شفته ولا شربته
سمع بث

[esmat]

بالغت فيها دي


عن نفسي ماحصل شفته ولا شربته
سمع بث

غايتو يامدون بالغتي
في ما شفتيهو دي
ياخ دا مالي البقالات والسوق وأي محل
ما باقي إلا الصيدليات وربما موجود
الباقات الفاضية بتاعتوا بسببها اعلنوا الحرب
على اكياس البلاستيك
انظري حولك وأنت خارجة
تعرفي انا من جيت السودان
لحدي ما سافرت ما قاعد اقابلني
مشروب غيروا
ياخ دا ناس البقالات عملوا ليه
ثلاجات براهو (شامبيون)
المشكلة الناس واهمة نفسها انو بسكر
ومن الوهمة بسكروا جد جد شكلهم

[بت أم درمان]

انا عندي اقتراح : زول يتبرع ويشتري ليهو قزازة
ويوديها معمل لكشف الكحول
لان اذا فيها كحول حا تكون مشكلة كبيرة جدا

طبعا الشي دا انا ما حصل سمعت عنه غير اسي

[النويري]

انا عندي اقتراح : زول يتبرع ويشتري ليهو قزازة
ويوديها معمل لكشف الكحول
لان اذا فيها كحول حا تكون مشكلة كبيرة جدا

طبعا الشي دا انا ما حصل سمعت عنه غير اسي

يا بت أم در الزول كان أشترى قزازة حايشربها ما حيوديها المعمل قولي يشتري أثنين عشان يودي التانية المعمل

شكراً صاحب البوست على هذا التفرد
انا صراحة نزلت السودان قبل 4 شهور تقريباً وشربت المشروب البايخ دا المشروب دا ما عندو علاقة بالبيرة ولا الشعير لا لون ولا نكهة ولا رائحة ولا طعم وبعدين القارورة برضك شكلها بايخ وما جميل وكل شيء في المشروب ما هو مظبوط لكن طبعاً في السودان كلمة بيرة بتعني حاجات كثيرة لي ناس ما جربت أصلاً البيرة بي كحول ولا من غير كحول ياخي في بيرة في السعودية من غير كحول إسمها هولستن بتجي من ألمانيا مش تصنيع الباقير بي 3 ريال لكن بتعمل ليك غسيل كلوي يعني في السودان ما في جودة في الإنتاج والناس ما تصدق لو جبت القهوة باردة تاني يوم بعملوا ليها ثلاجات يا أخوان نحن شعب طيب شعب رايح ما جايب خبر للدنيا الله يكون في عونا جميعاً

[esmat]

تقريباً وشربت المشروب البايخ دا المشروب دا ما عندو علاقة بالبيرة ولا الشعير لا لون ولا نكهة ولا رائحة ولا طعم وبعدين

يا النويري ياخ مالك
خلي الناس تستمتع
اسي المشروب دا فرقوا
من هولستين شنو وانت جربت الاثنين
بعدين السودانين شافع صغير تلقاهو شايل
ليهو كورة بتاعت شربوت زي دا بدوس ليك
الشامبيون عااادي

[النويري]

يا النويري ياخ مالك
خلي الناس تستمتع
اسي المشروب دا فرقوا
من هولستين شنو وانت جربت الاثنين
بعدين السودانين شافع صغير تلقاهو شايل
ليهو كورة بتاعت شربوت زي دا بدوس ليك
الشامبيون عااادي

يا عصمت والله الواحد غلبوا البيعملو في السودان دا أصحاب المال بيضحكو على عقول الناس المساكين بيصنعوا حاجات ما عندها علاقة بالجودة والأمور ماشا

[مدنيّة]

غايتو يامدون بالغتي
في ما شفتيهو دي
ياخ دا مالي البقالات والسوق وأي محل
ما باقي إلا الصيدليات وربما موجود
الباقات الفاضية بتاعتوا بسببها اعلنوا الحرب
على اكياس البلاستيك
انظري حولك وأنت خارجة
تعرفي انا من جيت السودان
لحدي ما سافرت ما قاعد اقابلني
مشروب غيروا
ياخ دا ناس البقالات عملوا ليه
ثلاجات براهو (شامبيون)
المشكلة الناس واهمة نفسها انو بسكر
ومن الوهمة بسكروا جد جد شكلهم

عارف ياعصمت
ماشفته دي قصدت بيها عن قرب ياخ
لاني بشوفه في اعلانات الشوارع
لكن صراحة ما حصل استفزاني اني اشوفه عن قرب في اي من السوبر ماركت البمر عليها

لكن بعد البوست دا النمشي نحلله ونشوفه "عن قرب" والله يستر

[النويري]

عارف ياعصمت
ماشفته دي قصدت بيها عن قرب ياخ
لاني بشوفه في اعلانات الشوارع
لكن صراحة ما حصل استفزاني اني اشوفه عن قرب في اي من السوبر ماركت البمر عليها

لكن بعد البوست دا النمشي نحلله ونشوفه "عن قرب" والله يستر

مدنية لو ما عندك طمه بيجبها ليك الشامبيون وطال ما حتى الأن ما شفتيه أحسن ليك تشربي الشربوت أحسن منو زاتو

[okasha]

لكن لقيتكم زى ما بقولو عاملين من الحبة قبة

شامبيون شنو البسكر

وناس قالو ما ضاغوهو ويكون شربو قايلنو موية صحة

انتو الهنااااى العديل قايلنو الايامات دى بسكر !!!!

[littlestar]

الكلام ده كووووووولو
الرك فيهو على طريقة التخزين
يعنى البيره مهما كانت خاليه من الكحول
لو إتخزنت بطريقة غير صحيحة
ممكن تعمل بلاوى متلتله
ف ليه نحن نخش ف ملابسات من دى

ورسولنا الكريم (صلى الله عليه وسلم) قال :
"إدرأوا الحدود بالشبهات"

والله أعلم

[ود سعدابى]

لقد أطل علينا عيد الاضحى المبارك
وفيه الخيرات والنعم
وعلىسبيل المثال المشروبات (الشامبيون)
بصراحه هذا المشروب رائحته رائحة خمره عدييييييييييييييييييييييييييييييييل
أها يا جماعة الخير خلو المكتوب والمكونات وغيرها
رايكم شنو فيو وبصرااااااااااااااااااحه

كل سنة وانت طيب وربنا يخلى ليك مهاب

على سبيل المثال الشامبيون والفينو كل الشباب عايزينو

راى انو شعير وبث خلاص وصحى للطيش وبنفع مع ناس الكلى اها لقيتنى كيف؟

ياخ الريحه مالا عيبا لى انت حصل شربتا خمرة والعياذ بالله انا مابعرف ريحة الخمر اصلا

وبشرب شامبيون وفينو وما بسكر وما بتحصل لى حاجه كان سعلونى زيو وزى الآبرى

هسى كان قالو لى الآبرى دا ريحتو زى رائحة الخمر بصدق لانى مابعرف الخمر اصلا

ياخ عادى زيو وزى البيبسى بهضم وبث خلاث

[ahmed algam]

شامبيون + شربوت = النتيجة تتخيلوها شنو

[moh_alnour]

شاهدت مثل كثير من السودانيين في بلاد الغربة الحملة الإعلانية الكبيرة لمشروب الشعير ( شامبيون + فينو ) بالقنوات الفضائية
و بما أنني لم أتذوق طعم أي واحد فيهم إلا أنني أتفق مع أخي عصمت بأنه شبيه بمشروبات الشعير المنتشرة بالمملكة
( باربيكان ، باريو ، موسي ، هوليستون )
ولا أعتقد بأن الجهات المختصة يمكن أن تتساهل في هذا المنتج لو ثبت أنه يحتوي على نسبة من الكحول