خواطر من دفتر الغربة
[size="4"]قاعد براي في غربتي[/size
حيران وحيد حاضن شجوني ووحشتي
عبر الأثير السرمدي
جاني الشعاع
شايل خيوط الفجر يسّربل حنين
يعلن نهاية وحدتي
بنت شارقة ذي فلق الصباح
بنت موشحة بالبساطة والظرافة أجمل وشاح
ذي التقول راجاياني تفتح سكتي
وليلي الطويل بان ليه آخر
ظهرت محطات الوصول
اتعانقت كل المواسم والفصول
في زول جميل
راقي وأصيل
جاني الدعاش ... بدأ الهطول
ولملمت كل مرؤتي وجسارتي
كان أقدر احلم بالوصول .
بكرانا عيد
وعمر مديد
عامرة المواسم بالرضا
وأنا زول سعيد
أدتني ايديها سوا ...
وأنا زول رقيق ... خابر الهوى
وأنا كيف اسوى
مع الهوى
وطعم الهوى ... ولذة تعابير الهوى
فيضي وسناك يبرق هنا
ريحة دعاشك تروي في عمري الحزين كمين سنة
فرحة وصولك غنوة رائعة مدوزنة
واقف أنا فارس هواك
لا الريح تشيل مني العزيمة
وخيول هواي ما بترضي بالضيم والهزيمة
يا أحلى غيمة ... يا أغلى قيمة
متحفظة
متحجبة
متعففة
ومستقيمة
قامة وهامة وجسارة وضكارة
وسيف ونيل وطورية وطبل ونقارة
تعالي نسن حوافر خيلنا نتبارى لا حا نخاف ولا حا نهم .. ولا يمكن حا نتضارى]( والله حا تقومي تخجلي وتتضاري )
مع تحياتي
البدائع – الأحد 14 رمضان 1429 - 2008
إنشاء الله تكون قدر مقامك
رد مع اقتباس
المفضلات