تحياتي وسلامي ليكم حبايب قلبي وكل عام والكل بمليون خير ودمتم في امان الله
يمكن موضوعي ده يكون بدري عليه شوية لانو لسه باقي اكتر من 15 يوم على نهاية العام وانا قصدت التبكير لكي نحصد تعليق كثير من الاعضاء عن العام 2004 وكيف مر عليه هذا العام ووهل كان عام سعادة وفرح ولا كان عام الم واحزان لا اراني الله ولا اراكم اى حزن انشاء الله وماهي ابرز المواقف التي شهدها العام 2004
طبعا عشان ما تقولو انا اتهربت وكبيت الزوغة من الموضوع ببدا ليكم انا
انا عن نفسي العام 2004 كان عام خير وبركة لي بالنسبة لي ومن المواقف الما بقدر انساها فيه اول مناسبة ودي هي اهم واسعد مناسبة كانت فيه خطوبتي من الغالية الرائعة ( ام روان ) لا عدمتها ولا حرمت منهاخمسة وخميسة على عين الما يصلي على النبي
برضو في عام 2004 كتب لي انى اشوف الاهل بعد فراق دام ثلاث سنوات ونصف ( عليكم الله الغربة دي مش تافهه )
اسال الله من كل قلبي ان ياتي العام الجديد وهو محملا بتباشير الخير لكل من نطق بلا اله الا الله محمد رسول الله وانشاء الله فيه ربنا يرد غربتنا كلنا ونعيش في سلام ووئام وسط اهلنا وحبايبنا
دمتم سالمين حبايبي
محبكم دوماً وابداً محمد ابوروان
رد مع اقتباس
المفضلات