إتكاءة علي حروف ملونة_ حوار بالأغنيات

[عاطف عولي]

احبتي اهل النفاج الحلوين السمحين المتسامحين.
اها انا جيتكم صاد تاني وكان عندي قهوة وكفتريا الشمار الحار لأصحابه شمشرجية المنتدي.

والليلة جيتكم صاد بالبوست دا وفكرتوا بسيطة بلحيل تحاول محاورة شخص اخر من خلال معالجة نصوص اغنية سودانية او عربية او اجنبية بتصرف يعني تعمل ليك حبة سناريو واخراج وشوية بهارات كدي وممكن كمان تكتب اصل الاغنية المعالجة اوشاعرها.

ويلا نشوفكم والبوست حقنا كلنا سوا
ويلا سو سو

[مدناوية]

كنته جمبك أشيل همك ..

يا خسارة ريد بيعتو بي ظنك ..

[عاطف عولي]

جاءنا الان الفرمان التالي نصه.

يتم إغلاق قسم النفاج من تاريخ 0/00/000

وعلي الحاضر اعلام الغائب قرارآ وجاهيآ غير قابل للطعن عن طريق النقض.

.


وقول كدي عاطف عولي شال الخبر وجري علي بت مارنجان


بت مارنجان مارنجو!!!!!!!!!!!!!!!

عندك خبر عندك خبر يا مارنجو الليلة نفاجنا انقفل
لا جف نفاجنا من النزيف لا انهد حيلي عضويته من السفر
شايل حسيس نفاجي البدق ايقاع حياتي علي وتر
تاني وين يا رفاقتي المشتهيكم ذي لهفة الصبي للمطر
راجيكم تبلو الشوق تجو في موسم الغنا والزهر
يخضر جفاف منتدانا ريد يطرد ضلمتنا القمر

مارنجو

منو القال اقفلوا النفاج قطع حبل الوداد والحن
وعلاه الجدار يا صحاب عاد تاني الوصال كيفن؟
حليل نفاجي حليلك يا صباح الخير والحن
حليلك وقت ورد الجنينة يفوح
حرمونا التلاقي صبرت رغم انو القليب مجروح وعايشة بين طيوف الذكري مشتاقة والعيون يبكن
بكي القليب الملان اشواق وكت غاب نفاجك الضواي
وفوق الذكري كم هدهتلوا اللولاي
فراقك يا نفاجنا اوقد حطب نار الشجن جواي
نفاجي كل الالعارفاهو مشتاقة ليك وعارفك لينا مشتاق
تعال يا نفاجي نيقن الافراح بانو اكيد حنتلاقي وبكرة حتنفتح ابواب ونفاجين وكم طاقة
واشوفكم كل ليل وصباح يعود تاني الوداد والحن.

عاطف لمارنجو

يا سمحة لا تبكي المصير قدر المؤالفين الفراق
وقدر المتلنا مشي الهجير وسفر الاماني طويل وشاق

[بت مارنجان]

يالحرموني منك يانفاج قلبي سآل دوام عنك
يالمنعوني شوفتك كل مازكرو سيرتك
يزداد بي شجوني يجفو النوم عيوني

[عاطف عولي]

كنته جمبك أشيل همك ..

يا خسارة ريد بيعتو بي ظنك ..

شكرآ مدناوية علي المرور الجميل

[عاطف عولي]

يالحرموني منك يانفاج قلبي سآل دوام عنك
يالمنعوني شوفتك كل مازكرو سيرتك
يزداد بي شجوني يجفو النوم عيوني

ومالك مكبسلها كدي يا بتنا؟

[عاطف عولي]

ملكة القلوب أسماء توجه رسالة الي الغائبين والغائبات عن المنتدي.


ضحك الدرب لمن خطاك لبست زفاف حلم الرجوع

واتوهط الفرح المنتدي لاقاكم بضي الشموع

أتوحدة لغة المكان لبست العيون طعم الدموع

مرحب حبابك يا نشيد إيقاعو من تحت الضلوع

اندفق الريد من من دون قصد غمر القلوب بفيض هواكم

وما قصر القمري الصباح قوقا وقلقني علي لقاءكم

وانا بين مصدق ومندهش تبنت حروف غناي

رقصت اناملي انا من طرب لحن القوافي المشتهاكم

وعين الشمس يادوب شروق

فردت شعاعا علي المدي والالفة بين زهرة وفراش مكتوب بقطر الندي

انا بيني بينكم غرام سامي وشريعتوا محددة

فيه التواصل فرض عين واللقيا سنة مؤكدة

[عاطف عولي]

ميادة العثل ترد علي ملكة القلوب أسماء

مجبورة اجيك لوتبقي ياكي المستحيل

فوق دربك أتحد الزمن ما قلبي عندك يا جميل

مجبورة اجيك يا اغلي ريد شاد الرحال

سابق المقادير والزمان سابق الخيال

مجبورة اجيك يارنة الشتم البعيدمطبوعة من صنع الخيال

مرسومة في إيقاع فريد

إسطورة في عالم قلبي التاه مع الاحلام آكيد

مجبورة اجيك مابين شدا الانغام ازور دنيانا عيد

شايلني شوق لمقلتيك باقي لي زاد

أشرفت علي هاوية هلاك من الجنون قربت انا

ارحمني لو عند قليب عرف الغرام ضاق الضنا

داويني قوم لم الجراح قبال يتم اجلي الدنا

جايك انا ومعاي الشوق مقدار غنا

[الزونية]

والزونية تقول لميادة العثل

والدنيا كانت نص نهار مسنود علي شعبة هجير

جات نسمه داعبت العرق فعرفت إنو الجاي خير
تاوقت من طاقة الحلم لفحتني موجه من العبير
شفتك مارقة من نفاجنا باسمه مجرتقه بالحرير


ضهبت كراعي من النعال بالفرحه ماحسيت حفا
وجريت عليك علي العموم ساترني قرباب الوفا
شايل قليبي المشتهيك حاضن جراحو النازفه
ضميهو ينساهو الالم فرحة وجودك بس كفا

[الملكة اسماء ( ام محمد )]

داويني قوم لم الجراح قبال يتم اجلي الدنا

جايك انا ومعاي الشوق مقدار غنا

ميادة ياست البنات
ميلاد جديد للاغنيات

وين لمة الناس الحنان
وين ضلنا
وين كلمة حلوة تلمنا

ومايسة وين ؟
وين ستنا ؟؟

وين السلام والدهشة من الفة وتصافي
ووين التواصل بين حروف ملهوفة تنهيه التجافي

والليلة جيت
جيت افتش للهناك عرفتهم بطيبة مقطوعة النظير
وقلوب ببياض اللبن مجتمعة في البيت الكبير

[عاطف عولي]

والزونية تقول لميادة العثل

والدنيا كانت نص نهار مسنود علي شعبة هجير

جات نسمه داعبت العرق فعرفت إنو الجاي خير
تاوقت من طاقة الحلم لفحتني موجه من العبير
شفتك مارقة من نفاجنا باسمه مجرتقه بالحرير


ضهبت كراعي من النعال بالفرحه ماحسيت حفا
وجريت عليك علي العموم ساترني قرباب الوفا
شايل قليبي المشتهيك حاضن جراحو النازفه
ضميهو ينساهو الالم فرحة وجودك بس كفا

هلا بالضل الضليل والبيت الكبير زونيتنا الجميلة مونتاج روعة

[عاطف عولي]

ميادة ياست البنات
ميلاد جديد للاغنيات

وين لمة الناس الحنان
وين ضلنا
وين كلمة حلوة تلمنا

ومايسة وين ؟
وين ستنا ؟؟

وين السلام والدهشة من الفة وتصافي
ووين التواصل بين حروف ملهوفة تنهيه التجافي

والليلة جيت
جيت افتش للهناك عرفتهم بطيبة مقطوعة النظير
وقلوب ببياض اللبن مجتمعة في البيت الكبير

وبرضوا تقولي لي المهنة ونوع الدراسة ما باثر علي الكتابة وانتقاء الحروف.

العين الفاحصة ظاهرة. انتي مش مختبرات؟

سرني مرورك الضافي الانيق