الجكس ويييين ياناس المنتدى...بنات المنتدى الحقوووووونا خربت مالطا من وراكم

[التيمان]

عنوان من امو صح ..

كدى يا اخوانا بالصلى على النبى نقعد الليله نفتوو


اى نفتو فت لمن الليله واحد من اولاد النور ده يختنع..

كدى نحن نبداء الحنك..

زماان وانا كنت مراهق ف المنتدى ده بجي خاشي المنتدى ده بلقى ليك الجكس مالى المنتدى ..
والعجب المواضيع لا حوله الله (اصلو شنو؟؟) مواضيع بى فهم تفتح النفس تريحك فى حنانك..

العجب العجيب الردود لمن ترد ليك يا فلان تقرب تحول ليها رصيد .. وزمن الزمن زين كان فى منتدى الالعاب انتو ما حضرتو زمن القمله فى راس منو؟ وادى منو ؟ على الطلاق زمان لمن يقع الكف ليك من بت تتكفت لمن تتكيف تانى ومبسوووط لمن تقولا ليها زدنى من دلك شويه كتر الكفوف على ..
(ضرب الحبيب زى اكل الكفوف)

يا ناس على الطلاق زمن زمن والله انا بحكى ليكم اقرب ابكى انتو عارفين شده المنتدى ما ملان جكس كان فى واحد مسجل بفاقد حنان ياخ ده كسر ليك الجكس كلو .. وقال كده انظلق فينا الناريه انا سميت نفسي اليتيم وتومى المشرد وفى ناس غيرو اسساميهم خلوها الفضايح ؟..

اااااااااااااااااااه يازمن ارجع شويه ولا اعمل باكب للمنتدى ياخ اااااااااااااااااااااه

ااااااااااااااااااه لو تفيد منتدى ..

يا اخونا الكلام ده بقودنا لشنو انو نححن عيانين او مراهقين او بتاع جكس لكن لا بس دى كان روح المنتدى وحالتو والله تكتب موضوع تمشى وتجى تلقى مشى الصفحه الصفحه التانيه وعملت صفحتين ..
هسي بقى يمشى النفاج



طيب يا جماعه"

نجى للمشاكل التى ادت الى تقليل الجكس فى ودمدنى

يعنى البت جان سجلت من هنا اول يوم قبل ما تنزل ترحيب ليها تلقى الشباب

رساله تعارف ...100 زول انشاء المنتدى عجبك 60 زول انا اخوى الادمن لو فى مشكله 50 زول انا الادمن 10 انفار لكن خاشى بى اسم تانى

شى تعارف وشى وشى وشى يعنى فى بنات بقبلو الامور دى وفى بنات لا

والجكس عامه بحب الحنيه والحاجات دى يعنى الناس تخف على الجكس شويه

وانا من هنا بطالب الاداره بحفظ حقوق الجكس فى المنتدى يعنى زمان كان ليهم بيت

براهم فى المنتدى عايزين ياخدو راحتهم منتدى النواعم اطالب بعوده النواعم

اصلو الالعاب قنعنا منو خلى ينفعكم ...داكرتو الجكس برضو...اها داقرو العام خلونا نقفلو نعملو بتاع برامج او اى شى ....؟
زمان بتجى خاشى المنتدى كميه من المسجات هاى التيمان انا فلانه من مدنى

وده تلفونى اضرب لى هنا وانت تضرب وتتحددو زمن وتشيل تستحمها فى البرد ده وتقشر وبعد ده تمشى تلاقى البت تلقى نفسك وسخااااان شديد

والله انا اجادى فى كلامى ده هسى عشان تعرف ليك ولد بقت مشكله خلى لم تعرف ليك بت القيامه تقوم ...

عوده البنات الى المنتدى هى روح المنتدى ...

واطالب الاداره بحفظ حقوق البنات ...

عمل قسم خاص ليهم..

مدنية فى الاداره طالبى بى حق اخواتك انا بلومك والله اللوووووووووووم..


مع تحياتنا ليكم ايها الجكس المحترم

امهاتانا واخواتنا وفلذات اكبادنا وحبايبنا وجكسينا المحترم

لكم التحيه من اخوانكم الصغار

دندق وابنق

تخريمه:

حلوه الصغار دى

[التيمان]

ارجو عدم ذهاب الموضوع الى النفااااااااااااااااااااااااااج


اكرر

[بت مارنجان]

والله انا من منبري دة بؤيد وبشدة .... لازم يعملو لينا قسم والله كوركنا لمن حلقنا
انقرش ومدنية صراحة مامحسوبة معانا لانو هي من الادارة وماسكة بيت المال ...
ماتفهمينا غلط يامدون يعني انتي عندك مكتب بتقعدي فيه وانا عندي عقدة مكاتب
فاهمة قصدي انتي

اها انا بؤيد وبشدة وياريت البوست مايمشي النفاج لانو بالجد الموضوع دة حارقني شديد
وفي جلسة رمضان بتاعت المنتدي ببري انا طالبت برجوع منتدي نواعم لكن الناس
صهينت وعملت رايحة ...

اها نحنا عدنا نطالب بانو يكون عندنا بيت نتلمي فيه بدل التشرد دة

يلا يابنات تعالو صوتن


أسمــــــــــــــــاء
بت ام درمان
ميادة
تغريد
ليتل بالانجليزي
زونية
تيليكوم بالانجليزي
مدناوية
سودانية وافتخر
سروية
الاميرة
منتهي
مرام بالانجليزي

تاني منو

معليش الذاكرة ضعيفة يلا هووووووووووووووووي قومن وتعالن انا اصلا نفسي هافة
لي مظهرات لي مدة

[بت مارنجان]

نسيت اشكركم يالتيمان ياوليداتي

[عمر المامون]

والله نؤيد وبشدة ونناشد جميع الجكوس

[الملكة اسماء ( ام محمد )]

اها نحنا عدنا نطالب بانو يكون عندنا بيت نتلمي فيه بدل التشرد دة

يلا يابنات تعالو صوتن


أسمــــــــــــــــاء

طلب بسيط ولازم الادارة تهتم بالتنفيذ
لكن يابنات ممكن سؤال ؟
هم دمجوا القسم ليه ؟؟

مش يمكن في قصور مننا وهو السبب في دمج قسم النواعم ؟

من وجهة نظر شخشية كدا افضل انه قسم النواعم يجيبوا راجع وفي المقابل جهودنا يابنات لازم تتضاعف عشان القسم يتقدم بالطريقة المناسبة والممكن تضمن استمراريته اكيد

ومن هنا بنطالب بقية ( حواءت ) المنتدى ( رايكم شنو في صيغة الجمع دي
اطالبهم بتكثيف الجهود والتصويت من اجل اعادة قسم النواعم مرة اخرى

الاكيد ممكن نكتب فيه بصيغة تدل علينا اكثر والمواضيع الفيه ممكن نحن النحددها ونحدد الاهداف منها

من زمان نفسي افتح لي (صالون تجميل ) و(صالة جيم) ومالاقية لي (قطعة ارض مناسبة )

في الحدود : انتي يابت مارنجان ماملاحظة ان البنات ديل حتى لما نعزمهم في صالة ( ونسة بنات ) مابجونا ؟

يكونوا انضموا لصفوف الاعداء من ورانا والا شنو ؟

[بت مارنجان]

من زمان نفسي افتح لي (صالون تجميل ) و(صالة جيم) ومالاقية لي (قطعة ارض مناسبة )[/CENTER]

ياخ انا نفسي في كترت حاجات ...
نفسي اعمل شوبن للشتاء

في الحدود : انتي يابت مارنجان ماملاحظة ان البنات ديل حتى لما نعزمهم في صالة ( ونسة بنات ) مابجونا ؟

اساليني دبل عليك الله

يكونوا انضموا لصفوف الاعداء من ورانا والا شنو ؟

انا خايفة يكون في نصنا في طابور خامس

[منتهى]

نؤيد وبشده

النواعم حزفوه عشان مافى مشاركات ؟

والالعاب حزفوه عشان المشاركات فيه كتيره شديد الحل شنو؟

ما حانرضى الا برجوع قسم النواعم

[بت مارنجان]

هووووووووووووووووووووي يابنات ارح اركبو البص دة

ووووووووووووووين الطرح والتياب مالها مالافة ؟؟؟

[بت مارنجان]

نؤيد وبشده

النواعم حزفوه عشان مافى مشاركات ؟

طيب يحزفو الاغاني ولا الثقافي

والالعاب حزفوه عشان المشاركات فيه كتيره شديد الحل شنو؟

ما حانرضى الا برجوع قسم النواعم

طيب معناتا يحزفو النفاج ولا العام

[الملكة اسماء ( ام محمد )]

انا خايفة يكون في نصنا في طابور خامس

في عدم اتفاق وحياتك

ووووووووووووووين الطرح والتياب مالها مالافة ؟؟؟

الساعة 12 الا حاجات يابتي , مالك عايزة تعلميهم حوامة بالليل كمان ؟ البنات ديل الليت بتاعهم 8 مساء ( الا انا وانتِ ومنتهى)

طيب يحزفو الاغاني ولا الثقافي

بيني وبينك المفروض يكون في ( سلة محذوفات بعد كدا ) مابعيدة المنتدى يبقى ثلاث اقسام بس بعد الحاصل دا

طيب معناتا يحزفو النفاج ولا العام

انتي غاوية مشاكل مع العمدة وود الجاك الظاهر

واضيفي ليهم جماعة (ازرق و احمر ) بالله

[التيمان]

[التيمان]

[التيمان]

يلا ياحرووووووووووووووم هوى كتمت







سلامات يا غوانتانامو ض1

[moh_alnour]

أرجو عدم ذهاب الموضوع الى النفااااااااااااااااااااااااااج

و الله يا مصطفى و مجتبى الليلة بقيتو ( مصطفى أمين و قاسم أمين ) وما فضل ليكم إلا تجيبوا لينا لبنى الحسين في العام
و أحتياطي كدا بعد يومين تلاتة بي وشك على قسم الأقتراحات و ح تلقى البوست دا هناك
حقيقي مقترحكم سيجد الأهتمام من الإدارة و أنا أؤيد عودة قسم ( نواعم ود مدني ) و الذي تم دمجه مع العام
بعد الغياب المتكرر من مشرفات النواعم أنذاك و بعد أن قلت الموضوعات المنشورة فيه
و التحية و التقدير إلى الأخوات
( مهيرة و أميمة عشرية و سوار الياسمين و سمر طه و نور العيون و روبي و بت السودان و معذة و عاشقة الهلال و فتاة مالي و بت العزازة و الدكتورة و شبرقية و شبارقاوية و أمنية بكري و سلوى و بت الشبارقة
شمس الأمل و علياء و مع جويل و غيداء نور الدين و الرتينة و فدوى الحسن و حبيبة ود مدني و أسماء محمد الشريف و مريم الأخرى و أعتماد و وداد محمد
و بقية العقد الفريد أينما كانوا بل الصحيح أينما كُنَّ )

نؤيد و بشده النواعم حذفوه عشان مافى مشاركات ؟ ما حا نرضى إلا برجوع قسم النواعم

حددي يا رباطابية النواعم ولا الألعاب شكلك كدا عندك سنوات لعب ضايعة

[التيمان]

مازلت المحاولات جارية



يلا كلو على الله

[بسمة أمل (لوتس)]

وانا كمان اطالب انو تكون لينا مساحه خاصه بينا وبضم صوتي ليكن يا بنات
تحيه لي التيمان الي اثارو الموضوع

[منتهى]

الله ارحم ايام زمان فى الالعاب

لما كان ود النور اول الحضور واخر الانصراف

[منتهى]

دى يا التيمان بالغتوا فيها

[منتهى]

حقا تحرسو ولا بجيك حقك تكوسو أتقلعو

[بت أم درمان]

انا امتنع عن التسويط . لان ما حا يكون في اي استجابة للطلب دا . وبصراحة كدا صوتي دا استثمره في شي اكون متأكدة انه يكون مسموع .

[بت مارنجان]

صبــــــــــــــــــــــاح الخير ياحريم

اها مافي جديد

[بت أم درمان]

هووووووووووووووووووووي يابنات ارح اركبو البص دة

ووووووووووووووين الطرح والتياب مالها مالافة ؟؟؟

هي كدي يا بت امي روقي شوية . وهدأي أعصابك . انتي قايلة الضغط والسكري الايام دي بجو كيفن . تبري يا يمة منهم .

[بت أم درمان]

صبــــــــــــــــــــــاح الخير ياحريم

اها مافي جديد

صباح الورد يا ستهم . جديد شنو المستنياهو دا .

[مدنيّة]

صبااااح الخيرااات علي الكل

الايام دي ماشاء الله كمية من الاقتراحات بانشاء اقسام ودمج اخري
عيني بااااااردة

كدي عيانوا "ياقول ابو النور"
مابين الانشاء والدمج
والرحلة البينهم دي
بيبدا الانشاء وبعد شوية الحماس بيقل ويوم بعد يوم ما ببقي في حماس من اصلووو
وتعلوا الاصوات من جديد بدمج القسم اللي طالبوا بانشاءه

عموما يا التيمان انا برفع الطلب للادارة وباذن الله تعمل مافيه صالح المنتدي

لكما ولكل المتداخلين في البوست الاحترام


همسة : شنو يابت امدرمان الهجوم دا ؟ الدنيا صباح خفي علينا شوية يامنقة