كل سنة وأنتو طيبين يا أهلي النفاجيين .
ونسة زول قرفان ، والشلة (الاصحاب ) اتلموا عشان افرفشوا ليهو :
الاول رباطابي قال ليهو ياخ ماسمعتا النكته :
قال ليهو في دبيب عضاني وخلا سنونو في رجلي والغريبة في نفس الحته عضا الزول المعاي وبرضو خلا سنونو ؟ احترتا وقلت ياربي دا دبيب ولا دبــــــــــــــــــــاسة.
برضو الوش مكشر وداير اقع من الكشيرة !!!!
الصاحب التاني قال ليهو :
ياخ اصلاً الشايقي دا لما الكديسة تقوم وشو مكشر بالمكوة ما بنعدل والغريبة في الشوايقة ديل ملوك الغتاتة وفي زمن الداخلية كان معاي شايقي اتفقنا عليهو انا والمحسي نكرهو الغرفة ويوم بنجدع كتبو والمرتبة والملابس برة الغرفة وهو : بكل رضا نفس بعد الكلية بجي بلملم حاجتو وبهدوء وبدون حتي التحية ، وببدأ اراجع المحاضرة واستمر الحال لمدة شهر لما القلب راق للشايقي وتم الاعتراف من قبلي والمحسي بعدم تكرار تلك الافعال ونبدا صفحة جديدة اعتبارا من يوم الاعتراف ، !! بكل بروووود رد الشايقي هو انتو الكنتو بتجدعو كتبي وملابسي يعني ، قلتو كدِي صلح صلح ، خلاص من الليلة أنا تاني مابصـــــــــــــــــــــــق ليكم في الزير ؟؟؟
بدأت ملامح ابتسامة بعيدة علي الوجه المكشر !!
الصاحب التالت اخترح عليهم برنامج العشا في كشك فول مسخن وطعمية وجبنة وعيش سخن من طابونة ود علقم :
تحركوا صوب كِشك للفول :
وظبتوا الفولة واصبحت مدنكلة ومرّ عليهم احد ، الكل توقع هو احد معارف احد فيهم وبادر بتحية السلام عليكم وهم هموا بعد بذلك بدعوته لتناول الطعام معهم ، جلس وتناول صحن الشطة الحمراء وكشح كشح كل الشطة المتوفرة في الصحن علي صحن الفول ؟؟؟!!! مع العلم لا أحد فيهم يتناول الشطة في الطعااااام.
ومن هنـــــــــــــــــــــــــا دخلت وجهي ابتسامة وبعدها قرقرة ونوبة هستيريا من الضحك حتي لم استطع بعدها الكلام ، ومن تلك اللحظة اخترحت علي صاحبي هذا أن يتم منحة الجنسية بالتجنس لقبيلتي .
وفتكم بعافيه
رد مع اقتباس
المشاركة الأصلية كتبت بواسطة ابو الجيلى
المفضلات