وكت اللهفة الطلت
من عينيك بتسأل
سر الدهشه الفى عينى
كنت بقارن بين الصوره
وبين الاصل
وبين اللحظه الفيها بهوم
فى عينيك
ومنها برجع اقارن
يضج الشوق
يعلن رفض البرهه التفصل
بين انى اعاين الصوره
البين ايدى
وبين انى اسافر لعينيك
سحر عيونك حطم
كل قيود الصبر
الكان سجان
حرك فينى الشوق النائم
من ازمان
جدد حلم انى اريدك
واستناك
وبستناك... لان الدنيا بتضحك
لما تطلى
لما مشاعرك تغمر داخلى
تضوى مدائن الليل العتمه
تنادى الفرحه الشايله
منى الاعماق
تزف الامل الفرهد
فى دنياىمستنى الوصل
مستنى خطاوى البوح
تلقاها خطاك
تمتد مواكب ريدنا
تعانق حلما
صالح زمنى
وعاش العمر ي
يناجى هواك
رد مع اقتباس
المفضلات