بعثات الحج السودانية وحال يغنى عن السؤال

[أبورهف]

[color="red"]الاخوة فى منتديات ودمدنى العامرة بكم السلام عليكم ورحمة اللة وارجو ان تقبلونى صديق ليكم فى المنتدى واسف لى الشوت الضفارى ادناة
اولا اعذرونى ح اتكلم دارجى
بعثات الحجيج السودانية واقع يفقع المرارة
اولا الرقم القياسى فى الفوضى وعدم التنظيم وعدم الاهتمام من المسؤلين
وبرضو الرقم القياسى فى عدد الحجاج التائهين يدخلنا موسوعة جنيس براحة
المخيمات السودانية اتحولت مناطق نزاع بين الامراء والحجاج وعادى تسمع كلمة اللة لا كسبكم كلكم حرامية اولاد.................
كمية من الاوساخ ومخلفات الطعام والروائح العجيبة
كميات هائلة من الضبان اكتر من الحجيج الدخلو مكة
معظم المخيمات السودانية فى مزدلفة خارج حدود منى الامن رحم ربى
منطقة المخيمات السودانية والصومالية وماشابة كانت تعرف بى حارة الضبان
امراء افواج ماعارفين حاجة الا كلمة امير وفى الحككاية اديكم الطرفة دى
فى واحد من مخيمات سنار تاه وسلم نفسو لى مركز التائهين فسألوهو عن رقم الحملة
وعن الامير فقال ليهم اميرى اهو دا فى يدى يعنى هو واميرو تايهين دا كلااااااااااااام دا
بهدلة وتلتلة فى السفر الى السودان وماادراك ماالخطوط السودانية وماخفى اعظم
وتانى ماخفى اعظم غايتو دى الحاجات العايشناها والشفناها واتمنيت لو عندى كاميرا
لكن تلفونى زاتو فقير كان شفتو معاى واقع الحجاج السودانين
اتمنى من المسؤولين يعالجو الموضوع دا فى الاعوام القادمة الا اذا اتفاجأوا بى
انو دى مااخر سنة لى الحج
ملحوظة تلفزيون السودان كان عامل استطلاعات من مخيمات الحجيج السودانيين
السياحية يعنى كان فى حج خمسة نجوم لكن نحن اتكلمنا عن حج اهلنا الغبش
ملحوظة تانى مابتقدر تفرز مخيمات الجزيرة عن سوق امبلكسات وفى نص حارة
الضبان والكلام دا عيب فى حقنا [/color]

[النويري]

أبو رهف مرحب بيك كتير والله وبنشكر تلمسك لي وضع صراحة أنا شخصياً عايشته في أكثر من حج وحقيقة السبب الرئيسي في ما سبق وأن ذكرته أنو نحن شعب فاقد للتنظيم معروف بالعشوائية ودي ما في الحج بس دي في أي حاجة الشعب السوداني تحس أنو أول مرة يشوف الحياة في كل حاجة أمشي مطار الملك خالد في الرياض أي رحلة للسودان بكون المطار كله في حال إستعداد تام والركاب كأنهم شفع روضة ياخي نحن شعب بعيد كل البعد عن الحضارة والرقي وأنا عارف الكلام دا حا يجيب ناس المهم عدم التنظيم راجع لأسباب وهي الناس في السودان بحسب طيبتها بتاخد الأمور بعفوية يعني في صف تلقى واحد يجي ويخرب الصف ما بتعلموا حتى من باقي الشعوب العفش أيضاً كل الناس الراجعة لأهلها بتاخد حاجات بسيطة وهدايا قيمة ساعات وما شابه ذلك ونحن شايلين بطانية وشايلين أكياس مليات وناس شايلة لبن ومرقة دجاج وصابون تايد بالشوال ياناس أرحمونا نحن أتفضحنا في كل المحافل الدولية دولة فقيرة ومواطنيها أفقر من الدولة ومع ذلك عدم دقة في التنظيم .
أرجع لي موضوعك بتاح الحج معليش سرحت شوية لكن أنا زعلان من حالنا في الغربة أنا عندي أبن عمي أمير في الحج بيجي الحج كل سنة على رأس فوج ما عارف عددهم كم لكن دي ما مشكلة لو بتشوف الحجاج من تايلند وما ليزيا ودول شرق أسيا مع أنهم حديثي العهد بالإسلام ولكن تلاحظ الدقة والإنضباط لك عشرين منهم قائد يقوم بتنظيم مجموعته ويحملون رايات بألوان مختلفة وكل واحد عندو ديباجة مربوطة بيده فيها رقم التلفون والجنسية والحالة المرضية وكامل المعلومات عن المخيم الذي يقيم فيه بحيث إذا تاه عن مجموعته يكون ببساطة هنالك مرجع ومع ذلك تجد الدليل بتاعهم معاه ميكروفون ينادي في المجموعة وينظم جماعتوا حتى في الدعاء وقرأءت القرأن تجدهم يستمعوا جميعاً ودا بيسهم في أداء المناسك بسهولة ويسر حيث أن الجميع يسيرون خطوة بخطوة ولا يفوت أحدهم شيء أما عندنا فتجد أن إغلبية الذين حجوا لهذا العام وأنا أجزم وأبصم بالعشرة أن السودانيين إذا كانوا 40 ألف حاج مثلاً من الذين قدموا من السودان قد حجوا هذا العام إلا أن الذين حجوا بطريقة صحيحة هم 5 آلاف فقط نسبة لعدم التوعية الحج ليس بالأمر الهين والكثير من القادمين من السودان لا يعلمون مناسكهم وغباء الأمراء الذين يقودون هذه الأفواج يزيد الأمور تعقيداً ياخي بتلقى حاج سوداني رمى 550 جمرة وهو ما عارف حتى بدأ أين وأنتهي إلى أين ناس باعت كل ما عندها من أجل الحج وفي النهاية ما عرف كيف يحج الأمل في تقبل الحجة من رحمة الله والله كريم
أرجع تاني لموضوع الفوضى أنا بنفسي زرت مخيمات السودانيين القادمين من السودان حيث أنه لدي بعض الخالات والأهل والمعارف في حج هذه السنة وحقيقة الوسخ والفوضى بتجي من التخلف الحاصل في ناس تلقاها عاملة ملاح روب والعامل كمونية والعندو كسرة بي دكوة وطماطم أنت جاي من بلد الكسرة أكل ليك على الأقل تفاحة تفاحتين وضوق العنب المحروم منو شنو يعني تبل كسرة بي موية ودكوة دا نموذج بسيط ثانياً تجد الأطفال والكبار في البعث الله يكرمك بيقضوا حاجتهم في أي مكان بدون خجل وأستحياء ياخي خليها على ربك الشفناهو كتير في البعثات السودانية وأنت ضربت مثل جيد بالحاج السوداني الرايح وسئلوهو عن أميرو قال ليهم هدا معاي يعني لا الحاج عارف هو وين ولا الأمير عارف حاجة اللهم إلا هي ترضيات لكوادر في الجبهة وإختيار لناس ليكونوا أمراء بالواسطة تخيل دا حج فما بالك لو كان الموضوع في ولاية ولا في وزارة نحن بنموت كل يوم بالمقسة على الحال الفيه السودان إنشاء الله أولادنا يشوفوا السودان بي حال أحسن من الحال الشفنا بيهو السودان

ومشكور جداً على فتح المحظور وأسف على الإطالة لك مني خالص الود

[أبورهف]

حباب اخوى النويرى
وشكرا على التعقيب حقك والاضافات نحن شعب بنتعامل بى طبيعتنا والفوضى البنسميها (الطيبة)بكسر الطاء والدليل على كدا مخيمات النسوان حالها زكرنى بى عنبر الولادة كلو واحد حارس مرتو فى العنبر وحدث ولاحرج
لكن برضو الناس ممكن تمشى على حسب التوجيهات من الجهات المسؤولة
مثلا الحاجات القلتها انا والزدت عليها انت فى المخيمات السياحية ماموجودة (صفوة المجتمع)
وبعض البعثات النشيطة كانت مخيماتها داخل منى جنب الجمرات لكن ناس قريحتى راحت وللاسف ولاية الجزيرة فى نصهم فى حارة الضبان وخارج منى يعنى المسالة مسألة ضمير واجتهاد من المسؤولين عن البعثات

[النويري]

حباب اخوى النويرى
وشكرا على التعقيب حقك والاضافات نحن شعب بنتعامل بى طبيعتنا والفوضى البنسميها (الطيبة)بكسر الطاء والدليل على كدا مخيمات النسوان حالها زكرنى بى عنبر الولادة كلو واحد حارس مرتو فى العنبر وحدث ولاحرج
لكن برضو الناس ممكن تمشى على حسب التوجيهات من الجهات المسؤولة
مثلا الحاجات القلتها انا والزدت عليها انت فى المخيمات السياحية ماموجودة (صفوة المجتمع)
وبعض البعثات النشيطة كانت مخيماتها داخل منى جنب الجمرات لكن ناس قريحتى راحت وللاسف ولاية الجزيرة فى نصهم فى حارة الضبان وخارج منى يعنى المسالة مسألة ضمير واجتهاد من المسؤولين عن البعثات

أبو رهف البلد فيها نظام الواسطة والتملق حتى في بعثات الحج في ناس بتحج vib وفي ناس عايزة تحج لوجه الله النوع التاني قلة إيدو وعدم وجود واسطة بوديهوا حارة الضبان والنوع التاني بنوم في العسل لمتين يابلد بتكوني كده