الرباطاب

[عمار حسن بشير]

رباطابي راكب حمار و بيبيع في حرجل و نبق، جاتو واحدة حنكوشة عايزة تشتري نبق، عاينت للحمار كدة، و سألت الرباطابي: يا عمو حمارك ده بيضرب؟؟ قال ليها: لأ بيعمل ميس كول بس...



الرباطابى قالو ليهو اتبرع لبناء سور للمقابر قال ليهم مره شفتو ليكم ميت شرد؟؟



رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو تقبل الله أنصارالسنة رفض يمد يدو قال ليهو دى ماورد فيها نص، الرباطابى قالليهو نان الإحراج ورد فيهو نص؟؟



الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل دلوه فى البير، الجعلى طب مسك ايدو، الرباطابى قال ليهو هسى ايدى مسكتها ودلوى حميتنى انزلو ، دحين بيرك دى الا كان تتكيها!!!



رباطابية سافرت بالقطر مع ولدها ....و القطر اتعطل فى السكه... المهم لمن قرب يصل للمحطه جاها الكمسارى ودار بينهما الحوار التالى : تذاكر يا حاجه ادتوا تذكره واحده... سالها وين تذكرة ولدك .ده

ردت: الوليد ده صغيــــر ما بقطعليهو تذكرة..

الكمسارى: ده ولد صغير ??? ده شنـــبو قايـــم !!!!!!

الرباطابية: والله...والله شنبــــــو ...قام فى قطــــركـــم ده !!!!!!!!!!



واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال لية ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!



شافعة رباطابية قاعدة تاكل مع أبوها في الصينية ، قالت ليهو: يابا أدني عيشة، الأب حب يشاغلها، قال ليها بتدوري بيها شنو؟؟ قالت ليهو بدور أرضعها!!!



جزار رباطابي جاهو واحد قال ليهو اديني راس خروف وصلحو فرد ليهو: أعمل ليهو نظارة يعني!!



في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص، التاء تاء الدناقله، محمد فاعل..



رباطابي مركبوغرقت مشى يعمل بلاغ العسكري قال ليهو غرقت وين ؟ قال ليو في شارع الظلط..



رباطابية ماشة في الشارع قابلها واحد راكب حمار حاول يشاغلها فقال ليها اول مرة اشوف لي رباطابية حلوة كدا فردت ليهو وانا برضو اول مرة اشوف لي حمار طابقين



رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحو.. جا واحد جعلي قال ليهم: انتو البنطون دا مطلعنوا من البحر ليه؟

رد عليه واحد زهجان: والله البحر ما نفع معاهو قلنا نجرب الظلط..



قالوا واحدة من حريم الرباطاب كانت بتبيع زلابية وطعمية للركاب في محطة ابوحمد الايام ديك شغلوا القطر الاكسبرس وكان ما بيقيف في اي محطة، المهم القطر جا ماشي فيها بووووو ، وماباعت اي حاجة قامت رجعت البيت، قام الراجل قال ليها انشاءالله بعتي كويس الليلة ،قامت ردت قالت ليهو:بعت شنو الشئ جا ماشي فيني زي ترجمة الفلم الاجنبي..



رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..



رُباطابي فتح دُكان جاب واحد فلاتي قرا فيهو يس، أول شهر الدكان رِبح 4 مليون ..الفلاتي سمع جا للرباطابي، قال الا يشيل 2 مليون .. الرباطابي قال ليهو لي إنتَ يس دي من تأليفك!!



رباطابي بتاع فرن جاءهو واحد قال ليهو العيش في النار رد ليهولا يااخوي في الجنة..

[التيمان]

هههههههههههههه

ابدااااااااع والله

جيب المزيد

[نخيل طيبة]

هههههههههههههههه
هههههههههههههههههههههههههههههههههههههههه

[يوسف شكري]

جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين???? العيان رفع راسو وقال ليهو مودني الطاحونة


شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية نازلة وراها لكن اتأخرت شوية .. الكمساري قال ليها: نازلة يا حاجة؟ قالت ليه : لا.. لا.. بدور اقدمها للباب

[يوسف شكري]

رباطابي مرتو قالت ليهو اشتري لي قميص نوم .... قاليها ليه اللابسا دا مساهر بيك ؟


رباطابي ولدو ليهو ولد بشبهو شدييييد ... عاين لي مرتو وقاليها : شنو .. مكنة تصوير

[Osama Alrasheed]

ههههههههههههههههههههههههههههههههههههههههه
والموقف دا حصل لي وانا في ام درمان ماشي علي العربي وركب جنبي عمك الشنب ضل سبلوكة اقصد ( شنب المخاتة اسمو كدا قالوو) طق طق للمساعد عشان انزل ؟ المساعد سأل عمك قال ليهو نازل ؟؟؟؟

عمك قال ليهو لا لا لا داير اجاوب.

[بنت الرفاعي]

ههههههههههههههههههههههههههههههههههههههههه
والموقف دا حصل لي وانا في ام درمان ماشي علي العربي وركب جنبي عمك الشنب ضل سبلوكة اقصد ( شنب المخاتة اسمو كدا قالوو) طق طق للمساعد عشان انزل ؟ المساعد سأل عمك قال ليهو نازل ؟؟؟؟

عمك قال ليهو لا لا لا داير اجاوب.

المساعد ده هو يعني حيكون بيطقطقوا ليهو لي شنو ؟؟؟
و سؤالو ما منطقي أبدا , لأنو معروف إنو الطقطقة للمساعدي معناها أقيف هنا , و لحدي ما يسألك تكون محطتك فاتت , وكويس عمك ما قال ليهو لا ببَشِّر

[ملك الحلوة]

ههههههههههههههههههههههه
حلوة شديد

[العاقب مصباح]

[ابو الجيلى]

والله ضحكتونا فى زمن أصبح

فيه الضحك عملة نادرة الوجود..

شكرا لكم ..