نصيحة لكم من من اعماق قلبي أخواني وأخواتي الأعـــزاء الكرام
قصة من واقعنــا هذه الأيام
تعرفون ان في الفتره هذه انتشرت اللابتوبات اللي فيها كاميرا واي واحد
شاري هالابتوب مبسوط فيه وراج راسنا بكاميرته وماشي عند الناس فشخره
شوفوني ده أنــا هنا ومنين ذي عندي لابتوبي فيه كاميرا
لكن اللي اغلبكم ما يعرفه انه انتشر برضو برنامج يشغل الكاميرا بالمسنجر
او السكايبي وانت ما تدري يعني راعي البرنامج يدخل عليك ويشوفك وانت
تحسب كاميرتك طافيه والادهي والامر انه حتى الشخص اللي انت ما سويت له
قبول يقدر يشغل كاميرتك عن طريق الرسالة الفورية <<< هذه ميزة بمسنجر
بلس
واللي خلاني اكتب الموضوع هالسالفة
يوم الاثنين اللي فات كنت رايح لواحد من اخوياي هالولد انا افهم وش فيه
من تعابير وجهة وشفته مبين عليه الهم والغم والدنيا مو شايلته سالته وش!
فيك ؟
وقالي سمعت عن البرنامج اللي يشغل كاميرا النت قلت له ايييييه وش بلاه
قال انا يوم السبت تارك ماسنجري مفتوح واللابتوب مشغل ورحت اتروش ورجعت
ابدل بغرفتي <<< يعني كان عريان << يقول شويه واسمع صوت المسن اللي يطلع
لو احد كتب لك كلام ولما دخلت الا واحد يقولي شخبارك ومن هالكلام وما
امداه اخذ دقيقتين الا يقولي بوريك شيء .. مقطع فيديو خويي تحمس وجا يبي
يطالع الا المسكين شاف نفسه وهو يبدل يقول خويي الحمد لله ما اغمي علي
ولما اخذ وعطى الولد قاله اذا ما تبي المقطع ينتشر ادفع لي 1000 ريال شحن
سوا ترسلها لي
طبعا أخونا ما وافق لانه عارف ان الولد بيرجع له مرة وثنتين و3 الولد
للاسف عمره 21 ومبين عليه ( طعس ) وعاطل ومو هامه احد حتى لما خونا قاله
اتق الله فيني قاله مو شغلي ولا تفتحلي مواضيع دين
المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف
والسبب كله كاميرا اللابتوب اللي حنا فرحانين فيها
عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية
حسبي الله على أولاد الشر
الحمدلله من يوم ما اشتريت الجهاز وأنا مغطيه بورقة ... ومسويله عدم
اظهار يعني اللي بالمسن عندي ما يعرفوا انو عندي كاميرا
غطوها يا جماعة احتياطا يمكن يطلع كلام هالولد صح ..
مايمنعهم شيء إذا بيسو مصيبة يسوووها ما عليهم من أحد ترى
مايمنعهم شيء إذا بيسو مصيبة يسوووها ما عليهم من أحد
الله يحمي جميييع المسلمين من شرورهم
آميين
رد مع اقتباس
المفضلات