ركن نقاش مساحة للتحاور في مواضيع مختلفة

[خالد علونى]

[COLOR="rgb(255, 0, 255)"]اخوانا الأعضـاء
السلام عليكم ورحمة الله تعالي وبركاته
دعونا نفتح باب للحوار في مواضيع مختلفة علنا نصل إلي رؤية موحدة وحل لما استشكل منها
فالي اول هذه المواضيع:
الجفوة الاجتماعية:
زمان الناس كانت حنان وعلي قول واحدة حبوبتنا الله يطراها بي الخير المحنة راحت مع القمل
زمان الناس كانت تتواصل وتتزاور وتبر بالمجتمع قبل الاسرة الكل يحترم الكل والكبير كبير علي الجميع
لكن ماذا حدث حتى آل الحال لما آل إليه من جفوة ونفور في بعض الاحيان وغاب التاوصل حتي في اطار الاسرة الواحدة
هل هي شماعة المشاغل وظروف الحياة التي صرنا نرمي عليها كل كبير ة وصغيرة ام عد ماحساسنا بضرورة التواصل ام ماذا[/COLOR]

[ابو الجيلى]

الاخ خالد سلام الله عليك

زمان الناس ما كان عندها هم فى

كيغية توفير الأساسيات والظروف المعيشية

زمان كانت الحياة ساهلة و يسيطة ..

لكن الآن تشقى وما تلقى

وظروف الناس اختلفت

ونزوح عدد كبير من اهالى مدنى الى الخرطوم

جعل هذه الجفوة الأجتماعية ..

هذا رايى والله أعلم

[خالد علونى]

[COLOR="rgb(255, 0, 255)"]اخي او الجيلي اسعد الله نهارك انا معاك في انو السفر والغربة وبعد المسافة بين الناس خلق جفوة
لكين زي ما في صعوبة في انك تصل لي قريبك او اهلك برضوا في الوسائل البتخليك مواصل الناس زي التلفون مثلا
لكين قول لي البذكرك تضرب لي الناس شنو
والله مرات انا في ناس في تلفوني ما يتزكرم الا اكون بفتش علي رقم زول اجي في الاسم اقول الله ياخ والله انا فلان دا طولت منو بعدين ان شاء الله اضرب ليه
وبعدين دي متين الله اعلم
ربك يكون في العون يا ابو الجيلي
لك ودي ودمت[/COLOR]

[محمد النويري-الفقراء]

التحية لك اخي خالد موضوعك جميل كتير من الناس بعتبرو ان التواصل مع الاهل والاحباب دي مضيعة وقت مثلا اقول ليك اسافر يومين او تلاتة عشان امشي اسلم على اهلي وارجع فاقول ليك انا مشغول وماعندي زمن ( وما تنسى انو في اجازة نهاية الاسبوع ممكن الواحد اتحرك فيها ) . فمها تعددت الاسباب والتي اعتبرها اسباب واهية إلا للضرورة القصوى لازم الاواحد اكون مواصل والاسلام وصانا على صلة الرحم ومزاورت الاهل والاحباب . لكن برجع واقول انو الجفوة حاصلة وتكاسل من البعض على الرغم من تطور العصر وتقنية الاتصالات والموبايلات ما خلت حاجة . لذا اتمنى ان يتذكر كل واحد فيها انو مشاغلا لدنيا دي سراب بتنتهي بموت الانسان واهم حاجة التواصل وصلة الرحم.

[خالد علونى]

النويري مشكور كتير علي كلامك الجميل دا
وربنا يعينا اننا نصل اقاربنا وأهلنا
رايكم شنو في برنامج ينطلق من داخل المتدي ويكون أسمو إسبوع التواصل الأسري
زي م الناس بتطلع الحدائق يوم الخميس أو الجمعة تطلع علي اهلها وقرائبا واكتر زول بزور ناس اقرباهو في نهاية الأسبوع تكون عندوا جائزة
ولا شنو يا اهلنا؟

[علم الدين]

الفكرة جيدة ونرجو مشاركة الاعضاء فيها

[ابن المدينة]

ان ما طرحت من تساؤل يجعل الواحد يقف مع نفسه اولا ويتسال هل هو مقصر ؟ثم يفكر هل الاخرين مقصرين في حقه ، نعم هو مقصر وكذلك هم .هل يجد لنفسه الاعزار التي تجعله مقصرا؟ هل يجد لهم؟ ربما هنالك اعذارا بعضها قد تجد فيها ما يقنع واكثرها واهي لكن من وجهة نظري التواصل يخلق الكثير من الالتزامات التي قد تثقل كاهل الناس الذين لا يستطيعون ان يفوا بالتزاماتهم فما بالك بغيرهم ونحن حساسين بطبعنا تجاه كثير من الاشياء فقد تشعر بان من يحكي لك همه لابد لك من المساهمة في ايجاد ما يخفف عليه وانت في نفس الوقت تبحث عن من يشيل معاك. كل هذا ليس بمبرر لما ظهر من جفوة والتي قد تكون ليس بجفوة ولكن ان جاز لنا
ان نقول قلة تواصل ولنجعل دافعنا في التواصل ان الله عندما خلق الرحم اشتق له اسم من اسمه