سرقة أدبية .. أرجو المساعدة

[عثمان جلالة]

الحبان أهل الحل والربط ... أرجو مساعدتي في هذه السرقة "عينك عينك" تم سرقة قصيدتي "عفوا لن أغادر بـ ضبانتها" دون أن يكتب منقول ويرد على المتداخلين على ان القصيدة هو كاتبها من شخص إسمو أبو كريم وللأسف هو نائب المدير العام للموقع المدرج ادناه ... لم أستطع التسجيل في الموقع ... ساعدوني في وضع الأمور في نصابها ... العاقب وأسامة الرشيد وناس الكمبيوتر والانترنت

http://www.fayrozaty.net/vb/t15039.html

[بورتبيل]

تفتح بلاغ تحت المادة تلاتين حادشر ( تعدي الكتروني وهمبته)

ولا اقول ليك كفكف جلابيتك وابقى زول كتال ساي..!

[ساري الليل]

لك التحيه ايها الرائع ...........

الجاتك في قصايدك سامحتك .



تم الرد عليه من الرائعة تغريد ومن شخصي الضعيف .

[بت أم درمان]

والله تغريد
و العاقب
وساري الليل ما قصرو ابدا
وروهو ان الله حق

عارف في منتديات فيها ميزة حلوة خلاص
ان الزول لمن يجي ينسخ منها اي شي
بتجيهو رسالة
ان لا تستطيع النسخ الى ان تصل مشاركاتك
الى 20 مشاركة مثلا
يعني غصب الزول يسجل ويسشارك
عشان يشيل الشي

الكلام دا ذكرني اشارات المرور الذكية
لمن امبارح وقفنا في اشارة نص ساعة
والشارع فاضي ومافي سيارات في باقي الاشارات
يعني كان سرقنا الطريق كان حصل شنو؟
كان الاشارة ذكية كان فتحت لينا لان مافي غيرنا في الطريق

[عثمان جلالة]

الأحباء ... بورتو يا حبيب القسا ، ساري الليل، بت أم در

تحيات واحترام

والله كتر خيرهم وبارك الله فيهم .... جابوا لي حقي .. لاااااااااامن دمعتي جرت يعلم الله ... تغريد، العاقب، ساري الليل... ربنا يجعل ليهم في كل بوست وقاية من السرقة بركة إلهي وجاهي ... والله يا أخوانا تارينو رجوع الحق لأصحابو ... جميل جدا .. ربنا يرجع حقوق الناس .. ويكشف كل حرامي قام بسرقة أدبية أو فكرية أو ................ على كل المستويات... والبلاغ يا بورتو يفتحوهو وين؟؟

أنا من دربي ده على البلااااااااااااااااغ

[تغريد]

من ابسط حقوق الكاتب حفظ حقوقه الأدبية ووالله دي امانة ومفروض الناقل يكتب منقول وما بتكلفوا حاجة

عموما سيرجع اليك حقك فما ضاع حق وراءه مطالب

[esmat]

الأحباء ... بورتو يا حبيب القسا ، ساري الليل، بت أم در

تحيات واحترام

والله كتر خيرهم وبارك الله فيهم .... جابوا لي حقي .. لاااااااااامن دمعتي جرت يعلم الله ... تغريد، العاقب، ساري الليل... ربنا يجعل ليهم في كل بوست وقاية من السرقة بركة إلهي وجاهي ... والبلاغ يا بورتو يفتحوهو وين؟؟

أنا من دربي ده على البلااااااااااااااااغ

والله ياجلالة دعوتك دي ضحكتني عديل
قلت عشان دعوة جلالة دا اكان اسرق من العاقب وتغريد وساري الليل
ديل بس كيتاً في دعوة جلالة
وظني كدا وبيني وبينك البلاغ بفتحوهو في مطار دبي
بس سوق معاك شاهد وياني شاهد ليك
حبينبا جلالة حمد الله على سلامة حروف

[ABUZAID]

الحبان أهل الحل والربط ... أرجو مساعدتي في هذه السرقة "عينك عينك" تم سرقة قصيدتي "عفوا لن أغادر بـ ضبانتها" دون أن يكتب منقول ويرد على المتداخلين على ان القصيدة هو كاتبها من شخص إسمو أبو كريم وللأسف هو نائب المدير العام للموقع المدرج ادناه ... لم أستطع التسجيل في الموقع ... ساعدوني في وضع الأمور في نصابها ... العاقب وأسامة الرشيد وناس الكمبيوتر والانترنت

http://www.fayrozaty.net/vb/t15039.html

اخونا الغالي - عثمان جلالة

سلام شديد

ده طبعا ظاهرة جديدة اطلت علينا


وطبعا يا اخوي نشر اي موضوع يخصك على الانترنت لا يضمن لك اي حقوق ادبية

فكم من اديب سرقت مؤلفاته . . . عينك عينك
ولم ينصفة القضاء بشئ

مافي حل الا المؤلفات الادبية وغيرها

وحقوق الطبع محفوظة للكاتب

تحياتي

[ودتابر]

حبينا .. ودجلاله


الشوق مطر لحرفك الأنيق .. والله هاردلك اصابك ما كان قد اصابني وقد اوضحته في بوست الأخت سامية " حتى أنا يا ودجلاله " ..




ولن اقول لك الجاتك في إبداعك سامحتك .. لكن لا تترك الأمر ولا تتهاون .. استفد من قوقل في البحث عن مواضيعك المنشورة وتتبعها . .... وأثبت حقك وافضح امر السارقين .

[عثمان جلالة]

الأحباء .... تغريد ،،، إسمت ،،، أبو زيد ،،، ود تابر

شكرا لكم جميعا ... فقد تراجع الرجل عن سرقة القصيدة .. وأعتذر .. وكل هذا بفضل تضامنكم الجميل

لكم الود .. محل ما تقبلوا