يا اخوانا هونو على أنفسكم..
هى صراحة الحركة غيّاظة جدا جدا وما فيها ذرة من الأمانة فى البسرق لكن تعالوا ناخد الموضوع من زاوية تانية..كلنا بنكتب عشان نشارك الناس احاسيسنا ونرسل فكرة يقدروا يستمتعوا بيها ولا ما كدا؟..البيكتب فى المنتديات عادة بيكون همو يوصل رسالة ممكن تفيد وممكن تخفف عن شخص هم..وبما إنو العمل إتسرق وأكيد لجودتو معناها فعلا الرسالة الفيهو قوية او الأدب بتاعو عالى وإلا ما كان اتسرق..وبكدا السارق قدم خدمة للكاتب بإنو نشر الفكرة فى نطاق أوسع وبالتالى الفكرة حتوصل لناس أكتر ولفايدة أكتر..
الحمد لله كل الكتاب الجيدين ما محتاجين تزكية الناس لكتاباتهم بقدر ما بيسعدو لوصول كتاباتم لأكبر قدر للناس..وهنا مفروض نقول للحرامى شكرا قد أديت لنا مهمة..وعلينا أن ندخل أمكنة العمل المسروق او نوصى احد الاعضاء بيو ويقوم باللازم وبكدا ينال اللص على الأقل التشكيك فى سمعتو ويكون الكاتب اخد حقو..
والجاتك فى قصيدتك ساعدتك وساعدت غيرك وبرغم ذلك لاتتركى حقك..
رد مع اقتباس
المشاركة الأصلية كتبت بواسطة عبدالرحمن مدثر
المفضلات