بدأت ظاهرة الزير السبيل في الاختفاء في بعض الاحياء بمدني

[أبوربا]

هل لان الحرامية صاروا يسرقوا الكيزان(( مع الاعتذار للكيزان)) أم انقطاع الماء المتكرر زهج اصحابها.. ام تطور الناس للثلاجات والبرادات الحديثة والتي حل محل الزير.. ام ثقافة الناس الصحية ارتفعت وصاروا لايشربون منها خوفا من انتقال الامراض اليهم

[ودسمير]

سلام كتيير لكل ناس مدنى / عن الازيار او السبيل فالزمن اصبح صعب والهموم عمت القلوب والعيون ، زمان الزير كان بعتنو بيهو الحبوبات او جدودنا ( ياولد ما تنسى تملا زير الشارع ) ياحليل لمن كان فى شارع ! حسى الفاضى منو يعمل ليهو زير الواحد بقى من المشاكل بطلع من بيتو ناسى يشرب ! ويرجع اخر اليوم كانه كان صائم ريقو ناشف !

[سموحة]

الناس تركت عمل الخير

[أبوربا]

كم اعجبني ردك يا سموحة وكنت متخيل ترك الزير بسبب القدم الحضاري وأن الكلور حل محل الزير.. اما لعوامل الزمن هذا غير مقبول ما بعطي من القليل لابعطي من الكثير هذا مثل سوداني عريق

[بنت النيل]

بعض الناس بقولو انه الزير مظهر غير حضاري ومافي زول فاضى ليهو
وناسين الاجر مع انه مابكلف اى مجهود مادى ولا جسدي

[أبوربا]

بعض الناس بقولو انه الزير مظهر غير حضاري ومافي زول فاضى ليهو
وناسين الاجر مع انه مابكلف اى مجهود مادى ولا جسدي

طيب إذا الزير غير حضاري..خلاص يضعوا الحضاري..سواء مبرد..((الكولر) أوحتى إن شاء اي شي حضاري يناسب التقدم الحضاري في السودان المهم لازم استمرار الظاهرة مع التطوير ولامانع من ذلك..ز

[روبش]

ابوربا
لك التحايا
الظاهر كده بعض الناس قنعت من الحياة وعايزة تعمل رصيد للاخرة..وقالت احسن اعتني واهتم بالازيار، لعابر السبيل علي أن اجد دعوه منه تعينني