وما ادراك ما كسير التلج !1!
من الاشياء الرئيسه فى اليوم العادى تكسر ليك تلجه تلجتين
اصبحت حياتنا اليوميه لا تخلوا من الاشياء البارده
فصل الشتاء الدائم عند بعض الناس 12 شهر فى السنه صقيع
تمرق من البيت تكسر لبتاع المجاد (تقفل ليه الباب بعد ما تنزل)
تمشى المكتب تكسر لبتاع الاستقبال (بسمه عريضه) وبعدها تلجه للريس
الناس اعتادت على كده
ياخ ناس سودانى ون فى دعاياتهم جابوا الخرطوم كلها نازل فيها تلج
من ما قمنا قرانا جقرافيا السودان والوطن العربى والعالم ما شفنا لينا تلجه واحده نزلت فى السودان
لكن ناس سودانى راقدين ليهم فوق راى
ديل ح يطلعوا خدمه جديده اسمها (ثلجا) وعيش اجواء اوربيه
يعنى لازم جهاز الموبايل بتاعك اكون بدعم خدمة التزلج , او اكون به مخارج للماء السائح
ما تقعدوا تخجلوا وتتلفتوا
الموضوع ما داير اى عناء
حبة جراءه مع حبة ابتسامه ممكن تبقه ضحكه الموضوع بمشى انشاء الله موضوعك اتسهل ليك
عندنا واحد فى الحى شدة ما بكسر تلج سموه (تلجه)
ده بطلع من البيت فى عز الصيف بكون لابس (سويتر)
تلجه ده اطور من كسير تلج الى هرس
وما ادراك ما الهرس
الهرس مرحله متطوره اكثر . لازم الهرس اكون دقاقه
زى الفاتح ليك محل مرطبات , تهرس التلج دقاقه
اليام دى ناس مصانع التلج جابوا خدمة توصيل الطلبات
يعنى العربيه بتجى لحدى البيت
مافى داعى للتعب
فى البيت بكسروا ليك تلج لما اكون عندك قروش
لو لبست ليك بنطلون وقميص مكويات ساكت بكسروا ليك تلج من خشم البيت
الواحد لما اكون محتاج ليك تلقى البوخ بتاع التلج مارق من خشمو
هو الموضوع كلو كذب فى كذب , يعنى التلج زاتو عباره عن خدعه كبيره
يعنى شنو واحد اشترى ليهو مويه صلبه
لوح التلج فى رمضان بحصل 10 جنيه
يعنى شهر فضيل وبرضوا الناس بتهرس تلج بكميات كبيره
يا جماعه لو صقتوا كوركو لى
رد مع اقتباس
المفضلات