برنامجي الإنتخابي للرئاسة /// توجد حيرة

[عثمان جلالة]

[U]أحبائي في منتديات ود مدني .... تحية طيبة وبعد ،،،

يا أخوانا كان الله هون والأمور مشت تمام والسودان دا ما جاتو أي عوجة وبقى سالم (آمين يا الله) ... بعد أربعة سنوات من الآن يعني موعد الإنتخابات الجايه كان المولى أراد أنا عندي الرغبة أترشح لـ رئاسة السودان .. وزي ما عارفني منكم وليكم وبشاوركم في الكبيرة والصغيره ... أها عشان الواحد يمشي حسب خطة محكمة ويعد نفسه جيدا للدور ده أطلب منكم إقتراح برنامجي الإنتخابي والمفترض تنفيذه حيال توليي لمقاليد السلطة .. وارجو أن تكون محددة في عشر نقاط عشان الواحد ما يتلخبت ويقدر ينجزها في المدة المحددة.

وشكرا

ملحوظة : الموضوع دا جاد .. وأرجو شاكرا أخذه على محمل الجد وربنا يقدرنا على رفاهية الوطن والمواطن.[/U]

[أبوريلان]

الحبيب عثمان جلالة

تعرف الجماعة كلهم بدخلوا بالمدخل ده ( بشاوركم في الكبيرة والصغيرة ) ولما الواحد يصل لمبتغاه بنسي كلامو مع أنو الرجل كلمة ( الضرورة تبيح المحظورات ) ، أها قالوا سمح الحكي في خشم سيدوا ، أنت جيب لينا العشرة نقاط بتاعتك ونحنا بناقشك فيها لو لقيناها تتماشي والوضع الراهن ثق تماماً من الآن صوتنا بنطرقوا ليك ، لكن واحدة من العشرة لو وافقت عليها من الآن بنصوت ( نقل العاصمة الي مدني ) .


أها شوف لينا التسعة الباقية .

[عثمان جلالة]

الحبيب عثمان جلالة

تعرف الجماعة كلهم بدخلوا بالمدخل ده ( بشاوركم في الكبيرة والصغيرة ) ولما الواحد يصل لمبتغاه بنسي كلامو مع أنو الرجل كلمة ( الضرورة تبيح المحظورات ) ، أها قالوا سمح الحكي في خشم سيدوا ، أنت جيب لينا العشرة نقاط بتاعتك ونحنا بناقشك فيها لو لقيناها تتماشي والوضع الراهن ثق تماماً من الآن صوتنا بنطرقوا ليك ، لكن واحدة من العشرة لو وافقت عليها من الآن بنصوت ( نقل العاصمة الي مدني ) .


أها شوف لينا التسعة الباقية .

حبيبنا ياسر .. شكرا لأنك أول الداخلين لهذا البرنامج الإنتخابي المقترح ... وأختلف معاك في نقل العاصمة لمدني للآتي:

أول حاجه .. بقولوا "ناس المعارضة" إنو الرئيس إتعامل بعصبية وجهوية مع مقدرات الدولة وعاصمتها .. عشان كده أنا أقترح البند ده يتحول للآتي :

تكون عاصمة السودان الزراعي ود مدني ... بما أنني سأقوم بتقسيم السودان إلى ... ملفات سودان الزراعة، سودان البترول، سودان الثروة الحيوانية، سودان السياحة وهكذا .. كل واحد فيهن عندو عاصمتو المركزية وخزينتو الخاصة بدعم مشاريعو .. وبـ كده طبعا ح تنتفي تماما أي سياسية تهميشية .. وكل نشاط ح يطور نفسو .. وينافس الباقين .. أها رأيك شنو ؟؟ .. وجاري صياغة البند الأول

لك الود،،،، محل ما تقبل

[esmat]

تكون عاصمة السودان الزراعي ود مدني ... بما أنني سأقوم بتقسيم السودان إلى ... ملفات سودان الزراعة، سودان البترول، سودان الثروة الحيوانية، سودان السياحة وهكذا .. كل واحد فيهن عندو عاصمتو المركزية وخزينتو الخاصة بدعم مشاريعو .. وبـ كده طبعا ح تنتفي تماما أي سياسية تهميشية .. وكل نشاط ح يطور نفسو .. وينافس الباقين .. أها رأيك شنو ؟؟ .. وجاري صياغة البند الأول

غايتو كمساعدة ليك وكدا ما تنساها بعدين
بنرتب ليك موضوع الملفات دا في برنامج كمبيوتر كدا
سير وعين الله ترعاك

[nehroo]

ياخ ماقلنا ليك الروب ده ما تكتر منه قبل ما تنوم ..

[عثمان جلالة]

قبل أي شي .. وكان الله هون بقوم بعمل تهيئة الأرض .. زي ما بعملها أي مزارعي بسيط .. تنظيف، حراثة، حرق من كل الحشائش الضارة التي يمكن أن يتضرر منها المحصول.... تهيئة أرض السودان لزراعة حكومة عادلة، متطورة، وقوية ووتمثل في الآتي:

1- تنظيف، حراثة، حرق الحشائش الضارة في النظام الإعلامي والثقافي للسودان .. بما يتناسب و التنوع العرقي والإثني والديني والجغرافي والذي يتميز به السودان .. الوطن القارة.

2- تنظيف، حراثة، حرق الحشائش الضارة في الخدمة المدنية بقطاعيها العام والخاص .. لـ تقوم على الخبرة والكفاءة والشهادات العلمية فقط .. لا للواسطات لا للمجاملات .. لا للجهوية والعصبية والقبلية .. فـ الواسطة تقتل الكفاءة.

3- تنظيف، حراثة، حرق الحشائش الضارة في البيئة السودانية والبحث عن أسباب تدهور البيئة العنيف في وطن مترامي الأطراف .. والحالات المتزايدة من الأمراض الفتاكة كـ السل والسرطان والإيدز.

4- تنظيف، حراثة، حرق كل مسببات العصبية والجهوية والقبلية .. الدخيلة على السودان والعمل على تحقيق السلام العادل للجميع .. وحل كل أسباب الحروب الأهلية أو مسبباتها.

والفرصة مفتوحة امامكم لأي أضافة تستحق الذكر

[عثمان جلالة]

غايتو كمساعدة ليك وكدا ما تنساها بعدين
بنرتب ليك موضوع الملفات دا في برنامج كمبيوتر كدا
سير وعين الله ترعاك

كتر خيرك يا عريسنا .. يا ريت والله .. تحفظ لي الكلام البكتبوا دا هنا كلو في برنامج كمبيوتر .. عسى ولعل ربنا يريد ... نحتاج ليهو .. ياعريس

[عثمان جلالة]

ياخ ماقلنا ليك الروب ده ما تكتر منه قبل ما تنوم ..

يااااااااااااااخ روب شنو ؟؟ في روب أكتر من القلناهو وبنقولوا دا .. وبعدين طالما الدستور كافل لي كـ سوداني حرية الترشيح للرئاسة .. مفروض أستغل الفرصة دي وأترشح .. وزي ما عارف يضع سرو في أضعف خلقو

ماااااااالك يااااخ داير تذكرني ود السني ... وشخصية "قرضة مصاص العرديب"

[بنت الرفاعي]

سودان السياحة وهكذا ..

أخونا المحلق هنااااااااك
وبما أنك بديت تعرض في برنامجك وكدة, نبدأ نعترض, أها كلو عرفنا, إلا تقسيم السياحة ده ما معاك فيهو, لازم يكون الوطن كلو بيستحق السياحة, لأنو إذا بقت كدة معناها البلد دي إتصلحت كلها وبقت جميلة, وماشرط يجوها سياح من الخارج, مانسيح فيها نحن مالو؟؟!!! وبعد ماتبقى البلد قابلة للسياحة ( بعد التجميل والتصليح طبعاً ) بعدين ممكن تجي تحدد سودان السياحة زي ماعايز.



على جنب كدة:
ذكرتني واحد دكتور حاقد بشكل قبل عدة سنوات قال: لو بقيت رئيس أول حاجة حأبيد ......... عن بكرة أبيهم!!!!
هو ذاتو علشان أفكارو دي الرئاسة إلا يلاقيها في الخيال.