رئيس التحرير وصاحب الجريدة رضا ود حسن بعد ان الت الى ملكيتها من المدعو شبارقة نظيرا للتلاتة الف ريال الما رجعا لى
[سكرتير التحرير معتز ود الريح الكبير
مراسلون صلاح وليد الطاهر البتخوفو الدكتورة
وجلالة البطلع من الدوام وجرى على البيت قبل ما تتصل عليه ام مشمش
كلمة العدد: اللهم صلى وسلم على الحبيب المحبوب وعلى اله وصحبه وسلم
وطن حدادى مدادى
ما بنبنيهو فرادى
ولا بالضجة فى الرادى
ولا الخطب الحماسية
لا لسارقى قوت الشعب
لا للانفصال
نعم للوحدة
نعم لى بت دبلوك
الصفحة الثقافية : غايب السنين الليلة مالو
غنى العصافير جننو
طراهو زول كان حنين
كم رضى خاطرو وطيبو
سمع قليبو كلام حنين
هدهد مشاعرو وذوبو
الناس سعيدم فى الحياة
لا ضاق فراق لا جربو
وانا حالى فى بعد الوطن
دفعنى ضى العين تمت
اقتراح من رضا ود حسن الجعلى الجدو كتل الاسد
اقترح جادا ان تقوم منتديات ود مدنى بعمل معرض للكتاب بود مدنى فى الاجازة الصيفية ونقوم نحنا باحضار الكتب ونعمل معرض يضم اجنحة مختلفة لكتب ذات فايدة بيها نكون قدمنا حاجة لام المدائن
الصفحة الرياضية :خليفة تسلم يا ولد
قونك اساسى ومعتمد
مافيهو سرقة ولمس يد
شمارات ناس المنتدى :
معتز ود الريح : عندو حالة نفسية بعد ان تزوجت البت الفى مدنى الشديدة الكانت كيستو زمان
مدناوى : الزول البوبار الايام دى عامل فيها بحضر فى الماستر قــــــد اضانا وعامل فيها الحبر يوسف نور الدايم
عصمت العريس: حكومتو وصلت وخشى فى ايده امينة من الدوام للبيت عافى منها بت الخرتوم الممشياهو على العجين
مدنية : منذ ان فاز الهلال بالكاس وهى مركبة وش كديس ، حاقدة حقد المرة دى ، اريت فريق الحبش يرش المريخ فى العرضة ، عاملين حارسم الرقاص دة
مدناوية : ام باهر البتشبهى كباية الشب ، بس للاسف مريخابية ، تجهز نفسها للسفر الى ماليزا
فلانة ديك: المحاربا المنتدى ومحاربانا اخخخخخخخخخخخخخخخخ من عربيتا الهونداى ، يا ريت الاقيها واشرب معاها الشاى
،نهرو : زول قيافة ومليان ثقافة ، تحبه للحسن فيه ويغيب عنك فتشتهيه وصوتو زى صوت عبد الكريم قبانى الله يرحمو
امير عبد اللطيف: والله وحدو بينا الفارقونا وراحو
شالو من وادينا بهجتو وافراحو
نزار ود حسن : خلى رسيل الدولارات ، لكن اولادى الوجيهين ديل كان يعرسو بناتك ، يكون جدى جرى من الاسد
محمد الجزولى : موبايلى موبايلى سرقو مواضيعى ، انشا الله السرق كتاباتو ، يجيهو حرامى يو الوقفة ما يخلى ليهو نفاخ النار
الجندى المجهول: زول راقى ، هلالابى ضل طريقو للمريخ
همسة شوق: دة الزول الله حببو فى خلقو ، لعاب وظريف واجتماعى ، ابو مؤمن ود السرور
المميز : زول ولوف وقيافة وسمسار يبيعك فى اقرب صينية
كلمة اخيرة
شايلاهو ويين النيل معاك
عصفورا جنحات النجوم
وانا بى وراك
اسال عليك مدن مدن
واعصر سلافة الليل حزن
سلام
رد مع اقتباس
المشاركة الأصلية كتبت بواسطة رضا حسن محمد
المفضلات