الخرطوم هي كل السودان في نظر القنوات الفضائية ول أيه رأيكم

[أبوربا]

حضرت برنامج يناقش مشاكل وفيات الأمهات في السودان في قناة النيل الأزرق والشيء المؤسف اللقطات الخارجية من أم درمان والخرطوم...هل كل السودان مثل الخرطوم...واليوم في قناة السودان الرسمية عن برنامج شرطة النجدة999 والله كل حديث الضابط عن الخرطوم وهذه ميزة أمنية للمواطنين وممكن أن نصل المواطن ما ادري في كم دقيقة.....صراحةضغطتي ارتفع ومفروض نقفل هذه القنوات وما نشاهدها مرةةةةةةة هذه القنوات لاتناقش مشاكل بقية الولايات ماقادرين يخرجو ا من الخرطوم ...يعني هذه القنوات خاصة بالخرطوم فلماذا نشاهدها أنا ادعو لمقاطعتها ..وعدم مشاهدتها لانها لاتناقش مشاكلنا بل تناقش مشاكل وانجازات الخرطوم بس.......ومثل هذه البرامج هي التي تساعد في زيادة الهجرة للعاصمة..وايضا الثورات ضدد الخرطوم حمل السلاح............والرأي لكم

[ودسمير]

بصراحة يا ابو ربا كلامك صاح لكن الخرطوم بقت حاجة تانية والمدن الاخر انتهت يعنى الخرطوم بقت ذى (الضلعة )فى صينية العزومة الكل ماشى عليها وباقى الصحون أنسى !

[كمال احمد]

الاخوان السلام عليكم النجيكم من الاخر كده نقول ونسال الله العلى القدير ان يجعل من نصيب ولاية الجزيرة والى يكون نشيط ذى والى الخرطوم كده ويكون غيور على الولاية ومواطن الولاية وانشاء الله على الله مابعيد وفى زمن بسيط تنهض ولايتنا لى فوق وتجلس وتاخذ مكانها الاصلى بين الولايات وياودسمير انت ما قاعد تشاهد الاخبار ولاشنو القال كل الولايات انتهت منو ياخوى عليك الله ماشفت ولاية البحر الاحمر ماشه ذى الصاروخ والله بعد شويه كده انا اشارطك ماتحصل ادروب واحد حائم فى مدنى خلى كمان يعمل ليك شاى ولا نيالا والفاشر شوفة الامكانيات ده كيف فى الدوره المدرسيه انت عارف اول مره تجى فود من الدول الخارجيه وتشارك فى الدوره المدرسيه امكانيات وتقدم وطبعا والولاية استفادة من الدورة المدرسية فى بناء قواعد الولاية والاصلاحات من ميادين وملاعب ومدارس مش زينا نحن استضفنا الدورة المدرسية عام 94 و بداة ذى ما انتهت ولا اثر ما تركتة بس نسال الله يكون من نصيب ولاية الجزيره والى بخاف الله وبخاف يوم الحساب وما شرط من مدنى ولا من خارج مدنى المهم سودانى وربكم يقدم الفيه الخير

[خالد أحمد الصول]

نتمني أن يتطور تلفزيون الجزيرة الذي يتمتع بإمكانيات كبير و هائلة حيث أن برج التلفزيون من أعلي ابراج قاطبة و يمتلك أستديو بمواصفات عالمية هو أستديو الملك فهد كما أن مباني التلفزيون موقعة و مساحته تؤهله ليكون رائدا في الولاية ... اتمني أن يتطور ليعكس مناشط ولاية الجزيرة و ما حك جلدك مثل ظفرك