هزيمة المريخ امام الترجي .. 100%

[tito_santana]

بوست للذكري
وجود طارق مختار امام اينرامو مثل وجود ايمن عبد الله امام دروغبا .. اعصار بس

[tito_santana]

طارق مختار متوسط دفاع والباشا طرف يمين = انهيار المريخ بثلاثية نظيفة

[tito_santana]

كليتشي كولينز غير موجود = عدم وجود فرص للمريخ امام مرمى الترجي

[ايمن عبد الله]

بوست للذكري
وجود طارق مختار امام اينرامو مثل وجود ايمن عبد الله امام دروغبا .. اعصار بس

تيتو ... مالك يازول .. استهدى بالله ..

انت قايل ايمن عبد الله ده هين .. والله انا العب ليهو دروغبا بتاعك ده والله نفس ما يتنفس .. والله اخلي ليك زي ميسي الليلة اعصار شنو يا تسونامي

بعدين سفاري قاعد .. واينرامو الخايف منو ده زي سادومبا بتاع جري وشوت يعني مصايد تسلل بروح فيها ..

[ايمن عبد الله]

طارق مختار متوسط دفاع والباشا طرف يمين = انهيار المريخ بثلاثية نظيفة

والله يا تيتو انا معاك الباشا ما بنفع طرف يمين .. لكن ثلاثة شنو يا شيخ .. انت من زمن المريخ بياخد ثلاثة .. ده كان زماااان يا تيتو


فال الله ولا فالك .. قال ثلاثة قال .. انت قايل الناس ديل بلعب معاهم سا سا سا دومبا ولا شنو ؟

[ايمن عبد الله]

كليتشي كولينز غير موجود = عدم وجود فرص للمريخ امام مرمى الترجي

السعودي ده مستهتر بيهو مالك ؟ الزول القصير ده والله بخوف واي مباراة بجيب فيها قون بأي اتجاه ..

وبعدين لاسانا بجيب قون
والسعودي سعيد بجيب قون
والنفطي بجيب قون
وقلق بجيب قون
والباشا بجيب قون
ووارغو بجيب قون
ومصعب بجيب قون
وراجي بجيب قون
وقبل كده سفاري جاب قونين
والعجب سافر معاهم (الهداف التاريخي)


تاني خايف من شنو ؟
لعيبة المريخ كلهم بجيبو اقوان ومجربين .. وما تخاف كلتشي برضو سافر ووارغو فك النحس

تاني خايف مالك ياخوي ..

وبعدين كان اتغلبنا من الترجي بنمشي وين ؟

مايا ها الكونفيدرالية حقتنا .. ما تخاف ياخوي قاعدين قاعدين ..

[المكاشفى]

فال الله ولا فالك يا تيتو؟؟؟؟
شنو ياحبه الخلع شنو؟؟؟

[tito_santana]

تيتو ... مالك يازول .. استهدى بالله ..

انت قايل ايمن عبد الله ده هين .. والله انا العب ليهو دروغبا بتاعك ده والله نفس ما يتنفس .. والله اخلي ليك زي ميسي الليلة اعصار شنو يا تسونامي

بعدين سفاري قاعد .. واينرامو الخايف منو ده زي سادومبا بتاع جري وشوت يعني مصايد تسلل بروح فيها ..

خلاص يا مالديني ما تزعل طيب وجود طارق مختار امام اينرامو زي وجود مدنية امام واين روني قصرت معاك ؟

[tito_santana]

بعدين سفاري قاعد .. واينرامو الخايف منو ده زي سادومبا بتاع جري وشوت يعني مصايد تسلل بروح فيها ..

للمعلومية فريق المريخ الوحيد في العالم الذي لا يجيد لاعبيه نصب مصيدة التسلل ..

[ايمن عبد الله]

خلاص يا مالديني ما تزعل طيب وجود طارق مختار امام اينرامو زي وجود مدنية امام واين روني قصرت معاك ؟

ما قصرت تب ...بتجيك مدنية هسة بترد ليك ..

[tito_santana]

والله يا تيتو انا معاك الباشا ما بنفع طرف يمين .. لكن ثلاثة شنو يا شيخ .. انت من زمن المريخ بياخد ثلاثة .. ده كان زماااان يا تيتو


فال الله ولا فالك .. قال ثلاثة قال .. انت قايل الناس ديل بلعب معاهم سا سا سا دومبا ولا شنو ؟

طالما متفقين انو الباشا ما بنفع طرف يمين عشان كدا حتبقي خانة الطرف اليمين نقطة ضعف المريخ ..
معلومة مهمة جدا انو المريخ أطرافو ضعيفة جدا و الترجي حيباغت المريخ من خلال طرفي الجنب ..
الباشا وطارق مختار ديل حيكونو زي غنم الاشلاق ..
تهئ تهئ تهئ تهئ

[ايمن عبد الله]

للمعلومية فريق المريخ الوحيد في العالم الذي لا يجيد لاعبيه نصب مصيدة التسلل ..

خلاص يا سكولاري .. فخمنا ..

[tito_santana]

السعودي ده مستهتر بيهو مالك ؟ الزول القصير ده والله بخوف واي مباراة بجيب فيها قون بأي اتجاه ..

وبعدين لاسانا بجيب قون
والسعودي سعيد بجيب قون
والنفطي بجيب قون
وقلق بجيب قون
والباشا بجيب قون
ووارغو بجيب قون
ومصعب بجيب قون
وراجي بجيب قون
وقبل كده سفاري جاب قونين
والعجب سافر معاهم (الهداف التاريخي)


تاني خايف من شنو ؟
لعيبة المريخ كلهم بجيبو اقوان ومجربين .. وما تخاف كلتشي برضو سافر ووارغو فك النحس

تاني خايف مالك ياخوي ..

وبعدين كان اتغلبنا من الترجي بنمشي وين ؟

مايا ها الكونفيدرالية حقتنا .. ما تخاف ياخوي قاعدين قاعدين ..

كليتشي هو امل المريخ بعد وفاة الخلوق اندورانس ايداهور لذلك هو مهاجم المريخ الأول حاليا و وفاة ايداهور شلت آلة المريخ الهجومية بنسبة 50% ..
السعودي يتحاشي الالتحامات داخل الصندوق كما انه لا يجيد التصويب خارج منطقة ال 18 كما ان (استيالو) الهجومي لا ينفع مع فريق مثل الترجي ..

[tito_santana]

فال الله ولا فالك يا تيتو؟؟؟؟
شنو ياحبه الخلع شنو؟؟؟

والله يا حبيبنا دا سيناريو شايفو حيحصل وداير المريخ يطلع بأقل حاجه ان شاء الله هزيمة بواحد بس ..
بس طارق مختار دا الله يستر منو ومن جلطاطو

[ايمن عبد الله]

كليتشي هو امل المريخ بعد وفاة الخلوق اندورانس ايداهور لذلك هو مهاجم المريخ الأول حاليا و وفاة ايداهور شلت آلة المريخ الهجومية بنسبة 50% ..
السعودي يتحاشي الالتحامات داخل الصندوق كما انه لا يجيد التصويب خارج منطقة ال 18 كما ان (استيالو) الهجومي لا ينفع مع فريق مثل الترجي ..

لا اتفق معك ان السعودي لا يجيد التهديف من خارج 18 واعتقد انك ما زلت تذكر هدفيه في شباك الوحدات ابو سبعة .. في مباراة الخرطوم التي احرز فيها السعودي هدفين من على بعد اكثر من 18 بكثير واحد بالشمال وواحد باليمين .. ((اتذكرتا ولا لسة)) فتش اليوتيوب بتلقاهن هدفين ولا احلى بكلتا القدمين يا تيتو يا موتور

[النويري]

إستباقية جميلة للفشل الذي سوف يحدث مستقبلاً وذي ما قال المثل كتلوك ولا جوك جوك ما تحاولوا تطمنوا نفسكم أصبروا قادم الأيام النتيجة معروفة أكثر من 2 في تقديري وربك يستر وتمنياتنا أن يقدم المريخ مباراة كبيرة تشرف الكورة السودانية برغم النتيجة ( كعب الفضائح) أثبتوا يا رجال الموج الأحمر

[tito_santana]

لا اتفق معك ان السعودي لا يجيد التهديف من خارج 18 واعتقد انك ما زلت تذكر هدفيه في شباك الوحدات ابو سبعة .. في مباراة الخرطوم التي احرز فيها السعودي هدفين من على بعد اكثر من 18 بكثير واحد بالشمال وواحد باليمين .. ((اتذكرتا ولا لسة)) فتش اليوتيوب بتلقاهن هدفين ولا احلى بكلتا القدمين يا تيتو يا موتور

الموتور انت ..

[tito_santana]

إستباقية جميلة للفشل الذي سوف يحدث مستقبلاً وذي ما قال المثل كتلوك ولا جوك جوك ما تحاولوا تطمنوا نفسكم أصبروا قادم الأيام النتيجة معروفة أكثر من 2 في تقديري وربك يستر وتمنياتنا أن يقدم المريخ مباراة كبيرة تشرف الكورة السودانية برغم النتيجة ( كعب الفضائح) أثبتوا يا رجال الموج الأحمر

الخمسات وستات الترجي فضلة خيركم يا حبيبنا ..

[الفخيييم]

الخمسات وستات الترجي فضلة خيركم يا حبيبنا ..

آخر لقاءات الترجي وسيدالبلد
كالآتي:2/ صفر في ام درمان
قودوين وكلاتشي ومباراة رادس
اجبرناهم علي التعادل هدف لكل..
وقتها كان الترجي فريقاً يملك الخبرة
والمباراتين في دوري المجموعات
للاندية الكبار ودي تحتها خطين
يا ناس الغزالة والكديس والجاموسة!!!!
لا نريد اعذاراً واهية ولا مبررات الميدان
يا حميدان وربنا يلزمكم الصبر والثبات
وما تكرروا سباعية شلباية!!!

[ايمن عبد الله]

آخر لقاءات الترجي وسيدالبلد
كالآتي:2/ صفر في ام درمان
قودوين وكلاتشي ومباراة رادس
اجبرناهم علي التعادل هدف لكل..
وقتها كان الترجي فريقاً يملك الخبرة
والمباراتين في دوري المجموعات
للاندية الكبار ودي تحتها خطين
يا ناس الغزالة والكديس والجاموسة!!!!
لا نريد اعذاراً واهية ولا مبررات الميدان
يا حميدان وربنا يلزمكم الصبر والثبات
وما تكرروا سباعية شلباية!!!

الحق يقال انكم .. لمن درنتو مع الترجي في تونس الترجي كان فاقد الامل وكانت دي بداية النهاية للترجي مازلت اذكر هذه المباراة جيداً دخلها الهلال وهو مطمئن لدخوله المربع الذهبي مع الاهلي المصري .. يعني كانت بداية التفطيس للترجي الفطيس

[ايمن عبد الله]

الموتور انت ..

موتور موتور .. المهم السعودي بجيب اقوان من برة الخط وعلى الطائر شوط وهيد وبالكعب ما تتكلم في الزول ده يا ((رشاش))

[مدنيّة]

خلاص يا مالديني ما تزعل طيب وجود طارق مختار امام اينرامو زي وجود مدنية امام واين روني قصرت معاك ؟

تيتو سانتانا

ياخ اقوليك كلام

مرحبا بالكونفدرالية
ياخ احنا زاتنا بنفهمها وبتفهمنا زززززززززززززي العجب

[الجندي المجهول]

عشان البوست دا يكون للذكرى زي ما قال تيتو حبيبنا

الكورة دي كورة وارقووووووو - ونتقابل بعد الماتش باذن الله ،،،

[ايمن عبد الله]

المشكلة الكونفيدرالية فيها الصفاقسي هسة كان اتغلبنا وتلبنا للصفاقسي نمشي وين بعد كده يامدنية وتيتو والجندي ؟

الليييييييييييلة

[مهيد ود السفاح]

اللهم انصر مريخ السودان

الغالي تيتو والاخوه المتداخلون
الليلة الكتابة باللون الاحمر حتى يصفر الحكم , واتمنى ان يقدم المريخ مباراة كبيره ويحقق نتيجة تعينه في مباراة العوده
نعم هناك غيابات واصابات ولكن هذا لا يعني التقليل من شأن من سيؤدي المباراة