بعاين لي وراي .. في زمن انتي كنتي فيه معاي .. بسرح لحظات في جفاي .. وغريب كلامي وشوقي وعزاي .. ما اصله انتي اصل الحكاية الداسيها جوة قليبي وحاميها .. انتي البقولو عليك عزاب الروح وقاتلة فؤاد بالعشق مجروح .. عايز اكتب .. ومن بعد كتابتي بخت صورتك وبعاين في عيون بالشوق ملانة فرحة وهناي .. انتي ياست البنات يا الزايدة في عمرك جمال .. يا القمرة في وسط السما وسمح البنات .. يالشايلة من الناس منامها وفي السهر بشهد ليك سلاي .. متيم بي غرامك ومجروح بيك قليب ما بقى فيه من الاشواق مكان .. جرحتك والجرح ما كان قصد بس بي عدم انتباه وخوفة ملام .. خفت اكون جزار قلوب حايم وسط بلد سحابه ينزل من مطره شوق وحب وحنان .. خفت اجرح قلبك وما كنت قاصد بس مريت وشوفة عيونك رمت مني الكلام وضيعت مني حبل السلام .. بقيت احاول الم فيه ولكن محال .. جرحتك والجرح بجيب كل هم وسهر وخوف ملام .. بخاف من ظلام الليل لمن يطل علي والناس تنوم وانا بي عزابي مجافيني السكون .. بفكر في يوم بكرة كان حيينا كيف يكون لقاي .. بفتش لطبيب يداوي قلبي الخليته في سكة ملامتي وزاد اشتياقي وصبري وعزاي .. انك يالسمحة ياست البنات .. يالطالعة في قوافي الكلام .. برسل ليك طيور الفرحة تحكي عن سلامي واسفي وغناي ولو جاتك رسالتي ما حيكون الهوى نديمي .. بس عايزك تكتبي .. زولا مجروح قلب على شواهد قبري
رد مع اقتباس
المشاركة الأصلية كتبت بواسطة تغريد
المفضلات