أجمل النساء ..................نساء بلادي

[ود الجعلي]

أجمل النساء ....نساء بلادي

تتغير الاحوال ... ويتغير عنوان هذه الاهزوجة


بدوية هذه المرأة ثم تمدنت
ترتدي
الضاغط على الردفين
ولا تستحي

تفصح كل ما لديها

تنخر في مفاصل الشهوة

والاثم العنيد


تبرج الجاهلية الاولى

سأحكي لكم حكايتي.

وأبث الأكاذيب

وشتى ألوان النفاق
ولا أستحي
أحساسي من حمم البراكين
والصندل
رفعت أصبعها
فاتيتها حافيا"
ولا أستحي
نركض لهذا العنفوان

تحت وسادتي الة للقتل
لست واثقا منها

أمتهن هذا القلق
اخشى خيانتها
هذه المرأة مزيج من الأنس والجان
والاباليس اللعينة
ساشكو للرحمن كيدك
و
سأقول كثيرا من الكذب
وقليلا من الصّدق.
و أرميك بالاوهام

سأدسّ خنجري برفق
في صدرك الحاني
يا
أمراة من
نيران الجحيم
لن يسمع العالم صرخاتك

[ود الجعلي]

سنتنفس قليلا" ونوغل في التوحل
لأن المرأة حاضرة وبادية وهنالك


وهنا تسرق وتتثاءب وتحيض

هذه التعابير تشير الى معاني وليست جرداء

فلسفة ابتدعها الاولون

عمق تخيلي جاد ... واعمال للعقل .. وخبرات فلسفية متراكمة تفسح المجال

لاختراعات واتجاهات واخقاقات
هي بداية الكارثة

بهذا القدر من التشاؤوم اللامحدود استمتتع بالكتابة البائسة

على طريقتي


وحل الحياة

فقد الاخرون عذريتهم وعقولهم الجميلة وحياتهم

لان

النخر في اعماق سحيقة يجعلنا نتساقط ونتهاوى في هذه الاغوار





انا افكراذن انا موجود

ولم نولد ونكون جهلا على جهلا وظلمات بعضها فوق بعض انجلت منا في غابر السنون ولكن كلما تقدمنا اكثر تراجعنا اكثر
منذ
قبل لا ادري هل نحن محقون ام هالكون الى نيران عرضها السموات والارض كما الجنان بزخرفها اعدت للمتقين
والصائمين والسائحين ونحن نتلمس هذا الطريق الصعب

الى ملك لا ينضب واملا محقق وواقعة لابد ان تاتي وتكون

ونحن لا نخاف شيئا" الا المجهول
المجهول هو الذي يربك حياتنا ويجعل توازننا صعب ومحال

وهو الحزن والخوف والكرب والدمار والحرب والشلل وزيغ الشيطان والغبار والظلم ورائحة العفن

وحل الحياة تعبير غريب عجيب عميق
فكر به جيدا
الثورة التي في داخلنا هي شهوة

تكاد اعيينا تقتلع من محاجرها عندما نشاهد كليب من اياه نشتهي كل شي داخل وخارج النص
خيالنا يعمل بكفاءة عالية

وفي احدى الليالي وبايقاعات اثيوبية راقصة مثيرة للجدل والجنس معا"

هزتني هذه الاغنية الغريبة :

سنتر الخرطوم

سنتر الخرطوم
السهر بالكوم
حماني النوم يا عوض دكام كلام في كلام يا عوض دكام
سلا م سلام يا عوض دكام

رب ربببببببببببببببببببببببببب

وهاك يا ربه

وجزء من الحديث الشريف لا زال يتردد في اذني( شاب نشأ في عبادة الله )

حيث لا ظل الا ظل الله تعالى في ذلك اليوم الموعود المشهود

انه الالم بحق
والبحث اللامجدي عن واسطة تخرجنا من هذا اليوم

الا ان نكون من الفائزين

و


نديها ..........


مدحة مدنكلة فيها

عذب الكلمات
وجزالة الالفاظ
وحكم ظاهرة ومخفية

كلو مستخرج من سماحة الاسلام العظيم

و حكمة الرسول الاعظم صلى الله عليه وسلم


في ابيات البرعي رحمة الله علية


بوريك طبك أحسن فيمن عاداك ومن يحبك أذكر إلهك يوت
لا تنـــــــــس ربــــــك أكــثـــــر لـــذكر الموت تلقابو طِبــَك
بل أنِـس إحسانك فيمن يحبك وتنـــــــاسى يوت لإساءة من يحبك


وحل الحياة

هل هو خلوة محرمة وخمر فوار( نحن مشهورين بالعرقي والمريسة )


وليالي غرقانه وغاطسة في الحمرنة( مشتقة من من اللون الاحمر )

والسخونية

في زمن بالي ولى وذهبت ايامه فلنقل انه (زمن الابيض والاسود) كانت قديما تحمر خدود النساء خجلا" وحياء"
اذا وقعت العين على منكر او سمعت ما يعيق مسيرة العفة والطهر
والابيات تعبير عن براءة المشاعر من دنس الشهوة المحرمة


في اجمل منام زارني الحبيب من بدري
غرد بالسلام حاكى لي صوت القمري
من نبع الهيام بلل رويحتي وفكري
بى نار الغرام اشعل كوامن صدري

وشاعر اخر ينثر درر في محبوبته


مـن حـور الـجنان أم أنـت إنسان الكمال
هـل أنـت الملاك جيت تورى الناس الجمال
سـبحان مـن نشاك حسنه وفى غاية الكمال
يـهـواك الـجنوب وإلـيك يـنقاد الـشمال
وما أظن يحصوا حسنك لو يحصوا عدد الرمال

[ود الجعلي]

( وزمان قبل تطبيق الشريعة....... كان في حاجة اسمها




جكسا في خت ستة ... واظن

هسي اسمها



( الميني جوب )

بس زمان كانت

.حاجة ختيرة جدا"
....
وكانت سيقان الفتيات تُغري بالنظرة
و ربما ( جرَّ ) الموضوع ليصل درجة البحلقة.. والتقهي الفاضح )


وبرضو كان في عفة وطهر
وفي ناس بتخاف
من الله
لكن هسي


عينك ما تشوف الا النور

حاجات غريبة وفساد في البر والبحر والسلع


وبمناسبة عمومية وشمولية الفساد ليحتوي البشر والحجر والسلع



و أكثر اسواق العالم إمتلاءاً بالسلع (المغشوشة)
وغير المطابقة و أكثر أسواق العالم (دفعاً) للرسوم والجبايات
و أكثر اسواق العالم مليانة بسلع (فاسدة) ومنتهية (الصلاحية)

كل أنواع (المواد الغذائية) من (ألبان مجففة) وعلب (تونة وسردين) و(حلويات وبسكويت أطفال) و (كاتش اب)

تاريخ الصلاحية مكتوب.... بالحبر السري ( هههههههههه جديد .......دي )


الله

طيب وين (الحكومة) !

النصيحة ( اكلوا .............ساي )!

تشكي منو؟

و لمنو؟
أول حاجه (مافيش زول تشتكى ليهو)

وتانى حاجه الشعب ده إتعود على (الحاجات الفاسده)
وتانى حاجه الناس ديل مشغولين الأيام دى !
مشغولين بى شنو كمان !

بالإيثار … هل يجوز فيهو مثنى وثلاث ورباع !

الايثار وما ادراك ما المساكنة والزواج العرفي

( الزنا بالطريقة الصح )




لكن نطمئن الجميع نحن ما زلنا بخير

وزي ما بقول المثل


( ان خليت بليت )



ما من مساحة في عقولناالا واكتظت
بالصور والتصاوير والزخارف
والخيالات

الغريبةاللذيذه الشاذه والمتطرفة

هذه الخيالات كما في اجهزتنا الجوالة والمحمولة

بها الكثير من النشوة والولع والشغف والوله والحب والعشق المسموح به وغير ذلك من المحددات والخطوط الحمراء واللبني

بحب اللون البمبي

وبحب اللابس البمبي

كما ورد في اغنية الفنان الجميل شرحبيل


الرقص جميل
و ليهو نميل
تعاال يا كحيل
ما تبقى بخيل
الرقص قياافة
و فيك لطاافة
يا اللابس البمبى



جزء اخر من


وحل الحياة

هدومي نظيفة

ريحتي حلوة
ووشي مليان و جطومي ماكنة منفخة


وفيها حبة نورة شوية كده لاكن ما أبيضاني


بالشحوم والمردمة والمجكنة
وكمان
وفي مشروع قيد الانشاء

كريشة مبهولة من تحت لاكن ملومة ومسنودة بيقاش كبير

وبمناسبة الشحم واللحم ده ذكرتني


باغاني رقيص العروس

وزي ما بقولوا حبوباتنا زمان


"الرقصت ... نقصت و الغنت.... جنت"


ودي غونية من الزمن الراح وروح

البنسلين يا تمرجي نادوا الحكيم يا تمرجي
سيب الهظار يا تمرجي دا البنج حار يا تمرجي
دكتور لوي يا تمرجي ما حاسي بي يا تمرجي
دكتور صلاح يا تمرجي ضرب السلاح يا تمرجي
تاح تاح تراح يا تمرجي



وحل الغربة

والنعومة والنضافة دي بعد ما قعدت لي سنتين في السعودية ضربت الجداد والحليب البتقرطع ساي من كيسو ولخشمك طوالي
والتفاح المسيخ
وغايتو في البلد دي اي حاجة منفخة وماعندها طعم
هرمونات واكاسيد الفسفور الابيض
وجبنا طاري الاغتراب
اه من غربة لا ليها حد
شوق وامل واحلام

بس الله يسمع من اخونا


صلاح بن البادية


مناي يا هدفي تحقق وارجع للوطن ظافر
كفاي غربة وفراق احباب وراك لمتين انا مسافر






ونخوش ليكم بنكته امكن تبرد حرقة الجوف والشوق
شوية

مجموعة من أولاد الرباطاب مغتربين في واحد فيهم نازل إجازة بدأ يسال الشباب يا اخوانا وصياكم لاهلكم العندو قروش والعندو جوابات يجيبها بدا يسالهم بالدور كل زول يوصى ويرسل لمن جاء الدور علي آخر زول منهم وكان ما شغال ومفلس قالو وانت يا فلان وصيتك لاهلك شنو قالو لمن تقاصد اهلنا أدي حمارتك عصا


وبمناسبة الرباطاب وسرعة البديهة وما نسميه بالمساخة قال ليك في

جماعة رباطاب شايلين ليهم زول تعبان مودنو المستشفى

لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين
العيان رفع راسو وقال ليهو مودني الطاحونة


ان علاقة الوحل بالنضال علاقة ازلية كما ترجمها شاعرنا العملاق محجوب شريف في اشعارة التي تضج بالتحدي والوجع
انني احبه كثيرا واتذكر اياما نضالية مكنتني من لا لا اعشق سوا اشعاره والوطن .


احببت فيه جوعي

وجسدي النحيل

الذي كان لا يقوى على البنطال الجينزواي الوحيد الذي
اثقلته بالهموم والاوساخ
وكما جاء في الاشعار الشعبية الحكيمة
الناس في العروض ما
تقيسه بي تيبانه
مايغرك لباسن والعروض عريانه
ديل حراس رزق زي التكنو أمانه
زي إبل الرحيل شايله السقى وعطشانه

دعني عزيزي اسير في هذا الطريق الطويل الشائك

اشتهت نفسي تلك الذكريات
رفيقي
رضوان بلال
التاجر الذي كان اديبا"

ذو حس وفكاهة
ولكنه في وقت اخر كان قد طلق الاثنان

مطعم سلوى القراصة بالويكة
وانها المتعة ولحظتها الساحرة


شاي يوزن الدماغ




هذا ما نسميه بالنضال اليومي من اجل طعام و علم
يعبر عنه الوالد محجوب محمد شريف

شاعر الشعب والثورات


تصحى المدينة
تقوم تستحم وتولع سيجارة
تدخن تسخن بشاى الصباح
وحق الملاح وسيد الجزارة
وتقعد تدندن تخيط زرارة
ترتق هدوما وتفتق هموما
وتسب الحكومة وتفن الريال
وتنفض سريعاً غبار النعال
وتنزل تواجه مشاكل عويصه
تشرّط قميصا وتدق العيال
ليه العيال يعيش النضال
يخلى الحكومة تدخن تسخن
بنار الكفاح
وتقعد تطنطن لحدي الصباح
بتطلع بتطلع حزينة وكتومة
تشرّط هدوما وتحش المصحة
يعيش الأصح يعيش النضال
وضروري النضال


جزء اخر من الوحل و الهمجية والهزيمة

في حبكة الرواية التي عجزت عقولنا المحدودة
فهم كيمياء خطوط ومفاهيم عمق حيدر حيدر
في رواية وليمة لأعشاب



بالتوغل الموحل
الموحش

قليلا في رحاب الوليمة، سنجدها عامرة بتفاصيل انكسارات سياسية وأجتماعية وإنسانية


ولكننا
نختلف

في الكثيرمما ذهب اليه الكاتب والروائي حيدر حيدر الذي افصح كثيرا" عن تطرفه وولعه بتجريح عقيدتنا

بطريقة فظه ساخر سادية

انه يصور اوهامه المحشوة حشوا في روايته التي افقدها سياقها العام
واشعل حربا ضروسا بينه وبين الدين
حقده بان

ومنهج مكتظ
بالغل

غفل الكثير واظهر لمحبيه ما اراده
وقد

اثار وهيج عليه الكثيرمن الاصوات الغاضبة

بتبيان خروجه عن الملة

ولكن لا يمنع ان يكون انتقادا صالحا و نافذا ومؤثرا

ولكن لاننا
امة تملك قدرا" كبيرا حصص من التخلف

وترفض ان تفرض في ذرة من هذه الكميات المهولة

لم نقرأ الرواية

فلنتعلم ان نقرأ قبل ان ننتقد

[بت مارنجان]

انا : ود الجعلي دة عندو شيطان

هي : هههههههه

انا : بكتب كلام ماطبيعي !!

هي : شوفتي الكتبو ؟؟

انا : مباااااااااااااااااااالغة.

هي : حيرني طبعآ !!

انا : "مازالت حالت الاندهاش مستفحلة" !!!

هي : انتي يابتو بجيب الكلام دة من وين ؟؟؟
حيرني جد ماشاء الله ..


ود الجعلي لمن اقرا ليك بكون رايحة وخاصة لمن الكلام يخش في النص .. لكن بتتملكني حالة من الانبساطة
وبكون متكيفة كيف زي لمن تشرب كباية شاي لبن من الوالدة وعرقك بعديها يكب ..

[ود الجعلي]

بت مارنجان

والله يا بت مارنجان بعضا من الحبكات الكتابية تعلمتها منك لانني كنت اقرأ ما تكتبين بعمق وتكرار وتأمل ولانك مدرسة متفردة ولست انا من قال ذلك ولكنها جماهيرك التي تملأ هذا المنتدى ولك تحياتي وشكري على مرورك وربنا يحفظ الوالدة ويضوقنا كباية الشاي دي من يد الوالدة طبعا وتاني صلي وسلمي على الحبيب المصطفى صلى الله عليه وسلم

[مدنيّة]

ود الجعلي

ابحث عن الجمال "الداخلي" لانه الخارجي دا السمكرة ما بتقصر فيه وبتعمل من الفسيخ عصيييييييييير "مثل ياباني"

[ود الجعلي]

مدنية سلامات ههههههههههه حلوة مثل ياباني وتأكيدا" لكلامك أن الجمال الداخلي يفيد اكثر عندما يتقدم الانسان في العمر فيجد ان الجمال الخارجي قد تلاشى ولا يتبقى الا جمال الروح وجمال الحكاوي وجمال الخلق والاخلاق مع شريكة حياته
مدنية الانسان يكتب عن هواجس بعيدة ولكنها قد تعبر عنه ولوفي جزئيات فانتي قارئة ممتازة لك بعدك الذي يهضم صميم الفكرة في كلمات وانك وبت مارنجان نبض الشارع الحي كما أعتقد والله اعلم

خارج النص: تعلمت من قراءتي للكثيرين في هذا المنتدى الكثير من الاشياء وما زلت اتعلم لانهم هنا يكتبون بصدق

ولا تنسي ان تردي على لان الانتظار اصبح بالنسبة لي مهنة وطريقة

[مايسة]

ود الجعلي - ككل مرة - ليس لي الا ان اقول يديك العافية بس

[بت مارنجان]

بت مارنجان

والله يا بت مارنجان بعضا من الحبكات الكتابية تعلمتها منك لانني كنت اقرأ ما تكتبين بعمق وتكرار وتأمل ولانك مدرسة متفردة ولست انا من قال ذلك ولكنها جماهيرك التي تملأ هذا المنتدى ولك تحياتي وشكري على مرورك وربنا يحفظ الوالدة ويضوقنا كباية الشاي دي من يد الوالدة طبعا وتاني صلي وسلمي على الحبيب المصطفى صلى الله عليه وسلم

صلي الله علي سيدنا محمد وعلي آله وصحبه وسلم

والله الكلام دة كبير علي شديد ياود الجعلي وانا ماقدر دة ...
يديك الصحة والعافية ويخليك ...

[تغريدا]

[السلام عليكم أخى ود الجعلى الموضوع أجمل من جميل والأخوان والأخوات سبقونا بالتعليق ومبروك الكأس ومزيد من النجاح
موفق[

[بت أم درمان]

ود الجعلي - ككل مرة - ليس لي الا ان اقول يديك العافية بس

وانا كمان يا مايسة تصدقي ؟

ود الجعلي يا ريت لو نزلت الموضوع دا يوم السبت
كنت ح ارشحه لنجومية شهر مايو
ما ممكن نزور التاريخ ؟ عشان تدخل في المنافسة بتاعت الشهر دا ؟

يديك العافية

[تماضر]

وأوسم الرجال....رجال بلادي

[ود ابراهيم]

صدقت اخي موفق

[كاظم]

الحبيب ودالجعلي
تحياتي يا رجل وعاطر ودي

في تقديري هذا مشروع كتاب قد يحدث فرقاً في كثير من مفاهيم الكتابة في شكلها المعروف .. والله العظيم أنا مندهش من قدرتك يا ودالجعلي على الربط بين كل هذه الأشياء بهذه الحرفنة والمهارة والتركيز ...
يسلم قلمك وإبداعك .. ومتابع معاك بمزااااااااااااااااااااج

[ود الجعلي]

مايسة

لا يكتمل جمال العقد الا عندما يكون مرصعا بالنفائس

ولن يكون أحدا غيرك يضفي جمالا وألق في هذا المكان

... وانني الآن في كامل ابتهاجي وفرحي ...

حضورك حدث أحتفي به

ومتابع لكل ما تكتبين

فدوما الى الامام ايتها الاخت الماجدة مايسة