لى صديق احبه كثيرا اتانى قبل ايام وقال لى اخر عزو قلد اصبحت لا أطيق زوجتى ولا احب البيت !! قلت له كده روق شويه وشيل فسك وورينى الحاصل شنو ؟ قال مع نفس حار زاد الجو حرارة زوجتى ذى ما انت عارف موظفه فى البنك اصبحت جافه جدا فى البيت لا رومانسيه لا حب لا حنان والكلام كلمه ورد غطاها !!! مرات بتكون مع اهلها وانا بكون براى يتمنى ان يرن جوالى وتقول معليش اتاخرت عليك حبيبى اكلت ولا لا انتظر شويه انا فى الطريق لكن لا شئ من هذا القبيل يحدث ! اصبح البيت بالنسبه لى سجن وجعلنى ان اكون السجان والمسجون وهى لا تبالى همها شغلها وبناتها وطبعا فى المقدمه أمها واخوانها والكلام كتير مولع فى قلبى نار عليك الله يا صديقى قل لى بصراحه اعمل شنو ؟
قلت له الموضوع ده عادى فى الحياة الزوجيه السودانيه وعليك بالصبر الصبر الصبر والجنه حفت بالمكاره . كلامى لم يعجبه وقال لى انا ح اتزوج فقلت له طيب استخير . شعر باننى لم اقدم له حل يرضيه فتركن وغادر .
اخوانى فى المنتدى افيدو صديقى وادركوه قبل ان يدركه الياس !!
وحتما سنلتقى
رد مع اقتباس
رحم الله ابي المعلم 
المفضلات