مصارحة الزوج والزوجة بماضيهما لبعض...للنقاش!!!

[الفخيييم]

هل يفترض ان تصارح الزوجة زوجها
بماضيها والعكس كذلك هل يصارح الزوج
زوجته بماضيه ؟؟؟؟
ام ان كليهما يتحفظ ببعض الماضي حتي
لا يكون مؤثراً في تيروميتر العلاقة؟؟؟

[ابو عبد الرحمن]

هل يفترض ان تصارح الزوجة زوجها
بماضيها والعكس كذلك هل يصارح الزوج
زوجته بماضيه ؟؟؟؟
ام ان كليهما يتحفظ ببعض الماضي حتي
لا يكون مؤثراً في تيروميتر العلاقة؟؟؟

أخي الفخيم ألف تحية للطرحك ،،، الموضوع بالنسبة للرجل
يختلف عن المرأة ، يعني ممكن الرجل يصارح المراة بجزئيات
بسيطة او كبيرة لا تأزم الموضوع بينهما ، فمثلاً أذا كان الزوج سكير لا بأس وله بعض
العلاقات الخفيفة لا بأس ، بس ما ممكن يكون عندك علاقة مع صاحبتها
تكلمها بها ،،، هنا كارثة ، فهذا يهدم الثقة بينهم ، فالشاهد بالنسبة للرجل
كل شي مقدر بقدره ، أي على حسب الماضي ، وقباحتو ،،، اما لمراة فالوضع صعب
شديد ،،، الافضل ترك كل ماضيها لنفسها ،،، فهي لا تدري نفسيات زوجها
كيف تكون ،،، والخلاصة اخي الفخيم ( الافضل والاصح ان لا يتكلم أيهم بماضيه القبيح
( اذا بليتم فستتروا ) وجاء في الحديث ( إن الله ستر يحب الستر )
همسة خفيفة

شكلك يا اخوي انت قربت وخايف من ماضيك ، يا ابوي اعمل نائم ، وخليها مسطحة ،،،،،

[سواااح]

هل يفترض ان تصارح الزوجة زوجها
بماضيها والعكس كذلك هل يصارح الزوج
زوجته بماضيه ؟؟؟؟
ام ان كليهما يتحفظ ببعض الماضي حتي
لا يكون مؤثراً في تيروميتر العلاقة؟؟؟

الانيق .. الفخييم
حسب راي الاختصاصيين
انه خاصة للزوج يجب ان يحتفظ بماضيه بعيدا
وليس معني ذلك ان يحيط كل حياته السابقة
بسياج من السرية والكتمان ..
ولكن بالنسبة لي بصفة شخصية
فقد كنت من البداية ..
قد قمت بوضع جميع الاوراق والمذكرات امامها
وعرفت هي كل الكل زمان.
ولا اخفي عليك ..
ان ذاك كان له تاثير في قليل من المواقف والاحداث.

[حنونة.]

يا الفخييم بعد مادخلوا الناس الفاهمين وجوه الشبكة ممكن ندخل ان الزواج هو سكن ومؤدة ورحمة ومشوار عمر طويل بين الطرفين لازم الثقة والتفاهم والصداقة تكون متوفرة بين الطرفين فى رائي ان المصارحة تكون فى الحاجات المهمة والضرورية ولايوجد انسان ليس لديه ماضى والخطاب مية وصاحب النصيب واحد مامكن اى واحد اتقدم لى اقول ليه ولا بتكيف اذا هو ايضاً كل مرة يقول لى كنت متقدم لى ده ولى ده يجب ان يحترم كل شخص خصوصيات الاخر بشرط الاتسى اليه فى يوم من الايام
لكن يااستاذ عبد الرحمن اتفق معك فى اخر نقطة ولكن اختلف معك اذا عندو علاقة مع صديقتها لازم يكلم عشان هى تعمل حساب فى كلامها وتصرفاتها مع صديقتها وتحافظ على بيتها[/color]

[الزبير محمد عبدالفضيل]

هذه المصارحه سوف تأجج نار الفرقه والمشاكل مهما كانت الثقه كبيره سوف تصير الحياة بين الطرفين جحيم ومستحيله

[الجندي المجهول]

أخي الفخيم ألف تحية للطرحك ،،، الموضوع بالنسبة للرجل
يختلف عن المرأة ، يعني ممكن الرجل يصارح المراة بجزئيات
بسيطة او كبيرة لا تأزم الموضوع بينهما ، فمثلاً أذا كان الزوج سكير لا بأس وله بعض
العلاقات الخفيفة لا بأس ، بس ما ممكن يكون عندك علاقة مع صاحبتها
تكلمها بها ،،، هنا كارثة ، فهذا يهدم الثقة بينهم ، فالشاهد بالنسبة للرجل
كل شي مقدر بقدره ، أي على حسب الماضي ، وقباحتو ،،، اما لمراة فالوضع صعب
شديد ،،، الافضل ترك كل ماضيها لنفسها ،،، فهي لا تدري نفسيات زوجها
كيف تكون ،،، والخلاصة اخي الفخيم ( الافضل والاصح ان لا يتكلم أيهم بماضيه القبيح
( اذا بليتم فستتروا ) وجاء في الحديث ( إن الله ستر يحب الستر )
همسة خفيفة

شكلك يا اخوي انت قربت وخايف من ماضيك ، يا ابوي اعمل نائم ، وخليها مسطحة ،،،،،

هههههههههههههههههه
والله يا زنقووو ما بسالك وحااطبع البوست دا وارسلوا لي خالد زرووووووووووووووووووق
الليلة عندي زول مسافر

[ام نوران]

الفخيييم
لك لتحيه,,,اعتقد لايحدثها ولاتحدثه الا علي نطاق ضيق جدا لعدم خلق الفتنه واشعال نار الغيره بلاداعي ,,,

فعلا خليها مسطحه احسن ههههه

[ود المطامير]

لا ثم لا
لو صارحت الزوجه زوجها إنها كانت مجكّسه ود الجيران

بيتقبل ؟؟؟؟؟؟؟ !!!!!!!!!!!!!!
ويعتبرها عادى ؟؟؟
ذى ما قال أحد الأحبّه

خليها وخليك مسطّح
هع هع هع

[انيس التوم]

هل يفترض ان تصارح الزوجة زوجها
بماضيها والعكس كذلك هل يصارح الزوج
زوجته بماضيه ؟؟؟؟
ام ان كليهما يتحفظ ببعض الماضي حتي
لا يكون مؤثراً في تيروميتر العلاقة؟؟؟

ا

انا شخصياً دقسته وريتها صور بس لي يوم الليله كلوا ما اطول ما اتصل ولا اشد معاها في الكلام تجيب لي سيرة الصور عشان كده يا مان اعمل نائم
ما لك ومال الماضي اعمل رايح دي وصيتي ليك يا اخوي
تقبل مروري

[ودسمير]

الحياة الزوجيه السودانيه تعج بالمشاكل بسبب وبدون سبب .. يعنى الداير يعرس ينسى الماضى ويجهز نفسه لمعركة الحاضر ,,,

قالو فى امراة صحت راجلها نص الليل وقالت ليهو فى حرامى فى البيت .. فقال ليها زوجها قومى انت يمكن تكون حراميه

وحتما سنلتقى

[BIT WAD AZRAG]

أنا في رأي الشخصي يتصارحوا قبل الزواج ويبدوا من الأول بكل صدق ويكونوا كدا أبيض ياولد

[أبوريتاج]

البوح بالماضي بين الزوجين يؤذي الطرفين وأنا أرى أن حياة الفتاة قبل الزواج اذا ليس بها ما يشوبها تعتبر ملكا لها، وليس من حق الرجل أن يسألها عنها، لأن هذا الأمرقد يؤدي إلى الشك وبالتالي الانفصال في كثير من الأحيان، والسؤال عن ماضي الزوجة ليس من الواجب أن ينبش عنه سواء كان إيجابياً أوسلبياً، حيث يرى الكثير من الأزواج أن الخصوصية هي من أهم حقوقه، وأن هذا الحق لا ينطبق على الزوجة، لأن المجتمع يعطي للرجل حق معرفة كافة خصوصيات زوجته، حتى بدون علمها.
والمصارحة يا جماعة احيانا كثيرة تتسبب في مشكلات زوجية لا حلول لها، لعجز الزوج عن تقبل فكرة أنه ليس الرجل الأول في حياتها...

همسة ... لكن يا فار لقيتك .......... (( استاااااااااااذ )) ..

[ابو عبد الرحمن]

هههههههههههههههههه
والله يا زنقووو ما بسالك وحااطبع البوست دا وارسلوا لي خالد زرووووووووووووووووووق
الليلة عندي زول مسافر

أسمع هو خالد زروق كان مقصر؟؟؟
والله يا جندي نفسي في شعور ( ان شاء من حسن جاد الله ) ولا أقول ليك انا
ماشي بعيد ليه ( الروشه ) حاجة تمام ؟؟؟؟

[ابو عبد الرحمن]

البوح بالماضي بين الزوجين يؤذي الطرفين وأنا أرى أن حياة الفتاة قبل الزواج اذا ليس بها ما يشوبها تعتبر ملكا لها، وليس من حق الرجل أن يسألها عنها، لأن هذا الأمرقد يؤدي إلى الشك وبالتالي الانفصال في كثير من الأحيان، والسؤال عن ماضي الزوجة ليس من الواجب أن ينبش عنه سواء كان إيجابياً أوسلبياً، حيث يرى الكثير من الأزواج أن الخصوصية هي من أهم حقوقه، وأن هذا الحق لا ينطبق على الزوجة، لأن المجتمع يعطي للرجل حق معرفة كافة خصوصيات زوجته، حتى بدون علمها.
والمصارحة يا جماعة احيانا كثيرة تتسبب في مشكلات زوجية لا حلول لها، لعجز الزوج عن تقبل فكرة أنه ليس الرجل الأول في حياتها...

همسة ... لكن يا فار لقيتك .......... (( استاااااااااااذ )) ..

والله يا ( مريسه ) ليك وحشه وينك يا رجل
يعني يا عمده والله لو حكينا بماضينا لنسوانا كان ( طلقونا بالمحكمة ) هههههههههه

[ود المطامير]

يعني يا عمده والله لو حكينا بماضينا لنسوانا كان ( طلقونا بالمحكمة ) هههههههههه

هع هع
شكيت محنك كتلتنى بالضحك من الصباح
أبو عبدالرحمن
يديك العافيه والله

[بت الجزيرة]

الماضي يعد صفحة خاصة جدا في حال لم يكن له تاثير على المستقبل مثل ان يكون الزوج كان مسجونا في الماضي او متزوج من قبل ام اي حادثة ممكن تنعكس سلبياتها على المستقبل حين تكتشف في وقت متاخر جدا اما الزوجة فاذا لم يكن ماضيها مؤثر على حياتها المستقبلية فلاداعي لذكره خاصة وان الرجل مهما مثل دور المتقبل للامر يظل هناك احساس حائر بداخله وتسائلات مرفوضة ربنا يهدي الجميع ويوفقهم للخير

[تغريدا]

عمو الفخيييييييم أزيك الماضى وماأدراك مالماضى من وجهة نظرى بحلوه ومره أصبح مااااااااااااااااااااااااااااااااااااااااااااااااا اااااضى فلاداعى للبحث عنه وبقول يجب بل يفترض نسيانه والبحث عن الجديد الذى ينسينا عذاب الماضى ويذيقنا حلاوة المستقبل وأكيد بكره أحلى ونصيحة من خالتك تغريد كان الماضى عامل ليك فيها شبح أعمل ليه نفسك مارد وفى يده شعلة من نار أقل حركة تحرقه شر حرقة فخلى الماضى للماضى وخليك أبن النهار ده

[الجزراوي]

انا في اعتقادي ان الموضوع يعتمد على عقلية الطرفين , وبحجم تاثير العادات والتقاليد على الفرد او الحداثة والعولمة نتعامل مع الموضوع. وايضاً قضية الزواج نفسه نجده عند الكثرين هي مسالة اثنين بحبو بعض او فقط اثنين يبحثوا عن اشباع رغبات بعض, والانجاب وما الى ذلك من امور يمكن حدوثها مع اي طرف اخر. اعتقد اننا عندما نصل بمفهوم الزواج الى شراكة مؤسساتية عملية وعلمية يتعلق كل ركن فيها بالاخر عندها لايمكن ان نخبئ شي ما عن طرفنا الاخر, عندما احب الطرف الاخر واحترمه وأقدره واثق فيه وتكون هناك نشاطات مشتركة بيننا عندها ننحي جميعا لتمر العاصفة.
لكن عندما تكون حياة الزوجين عبارة عن مصيدات يضعها كل منهم للاخر بمعني ان كل طرف ينتظر للطرف الثاني اي غلطة حتى يحاسبه عليها عندها لايمكن بحسب مجمتعنا السوداني ان يصرح اي طرف للاخر بماضية العاطفي خاصة, والجدير بالذكر هنا اننا الفرد السوداني يبذل الكثير من الجهد حتى يتزوج سواء الزوج ببذله للكثير من المال , او الزوجة ببذلها الكثير من الصبر والانتظار حتى ياتي العريس , وعندها يشعر كل طرف بالخوف من ضياع جهده وسنين عمره . فلا يمكن ابدا ان يقول اي طرف للاخر ما قد ينهي هذا الحلم. وان كنت ارى ان الزواج لايعتبر هدفاً اصلاً فكيف يكون حلماً لان الزواج لابد ان يكون في اعتقادي وسيلة لاهداف اسمى واعلى
وفعلا انها جدا اضحوكة الزمان عندما تتقزم احلام الرجال واقصد الرجال وليس الذكور عندما تتقزم احلامهم بالزواج
أسف على الاطالة
والشكر لكل من صرف وقته في قراءة ماكتبت

[حمدالنيل دفع الله]

اولا انا غير متزوج.. ثانيا لماذا البحث وراء الماضي... مالفائدة التي تعود علي الزوجين من نبش ماضي هو اقرب الي النسيان... اظن ان تنقيب احداث ماضية يسبب فقط شرخ يمكن ان يلقي بظلال سالبة علي الزوجين في حياتهما اليومية... واذا كان لابد من ذلك فليكن قبل الزواج.

[مدنيّة]

والله اندهشت جدا من انه اغلب الاراء بتقول لا لذكر الماضي !!

الناس قبل ما تتزوج تقعد في واطة الله دي وكل طرف يحكي للتاني عن تاريخه حتي لو كان قمة في السوء ولا يخطر علي بال بشر
بفهم واحد بقول كلامي دا
انه الماضي دا فيه اطراف اخري
اها قولوا اي من الزوجين سمع بماضي التاني من برة
اللي ح يحصل شنوووووووووو ؟

عشان كدا بقول بيدي لا بيد عمرو

بعدين هو "ماضي" معقولة زول يحاسب زول علي ماضي هو ماكان فيه معه ؟! مامنطق طبعا

لكن مفترض انه يعرفه

كل طرف قبل بماضي التاني خير وبركة
ماقبل بيه
يادار ما دخلك شر

[الفخيييم]

كل المتداخلين لكم التحية،،،
الشفافية ثم الشفافية ثم الشفافية...
قد يكون الماضي مؤثراً خصوصاً عند الزوجة
عشان بعدين ما تقعد تغني ظلموني وكده!!!
لما الفأس تقع في الرأس والاجاويد يكتروا!!!
يستحسن الوضوح ومن ثم اتخاذ اللازم...
اتعجب لمن يقول لك اصارحه ببعض الماضي
وطيب البعض الآخر ده يحجب ليه؟؟؟؟

[ابو عبد الرحمن]

كل المتداخلين لكم التحية،،،
الشفافية ثم الشفافية ثم الشفافية...
قد يكون الماضي مؤثراً خصوصاً عند الزوجة
عشان بعدين ما تقعد تغني ظلموني وكده!!!
لما الفأس تقع في الرأس والاجاويد يكتروا!!!
يستحسن الوضوح ومن ثم اتخاذ اللازم...
اتعجب لمن يقول لك اصارحه ببعض الماضي
وطيب البعض الآخر ده يحجب ليه؟؟؟؟

الاخ الفخيم الذي يحجب من الزوجة هو الذي يسبب التفرقة
وعدم الثقة كما ذكرت يعني لو عندك اشياء مشبوهة في حياتك ما
هي الفائدة من ذكرها . فليس كل شي محبوب للنفس محبوب للآخرين
احكي لها ما يشرح صدرها من بطولات ولو وهمية من باب تحبيب الزوجه لزوجها ،،،،
احكي عن شهامتك وعن حبك للاخرين وعن ماضيك الجميل المشرق
ودع القبيح ، في مزبلة التاريخ ،،،،،، والتحية اخي فخيم

[الفخيييم]

ابو عبد الرحمن تحياتي،،
ياخ ضحكتني ببطولات وهمية دي
ذكرتني الكأسات المحمولة جواً
بتاعة الجماعه..
لكن ماضي الزوجة مهم للعلم
والاحاطة ثم من بعد ذلك اتخاذ
اللازم ولا شنو يا حبيب؟؟؟
الشهامة والبطولات بامكانها
التوصل اليها من خلال التعامل
وكده (الاحتكاك والتجربة) لانها
لا تحكي بل هي تحكي عن نفسها
قصدي البطولة والشهامة طبعاً...


تخريمة: عشان ما نخش في ده
ود خالتنا باللفة وده كان قريب صحبتي
ونكره الشارع اكتر من كده!!!

[مدنيّة]

تخريمة: عشان ما نخش في ده
ود خالتنا باللفة وده كان قريب صحبتي
ونكره الشارع اكتر من كده!!!

بالضبط كدا

----------------
الوضوح زيه مااااااااااااااااااااافي
حتي لو مابتحكي

الزول يعرف التاريخ وبعدها يقرر

----------------
وحدة كانت قاعدة مع واحد
وفجاة لقت ابوها في وشها
قالت ليه ، هي ابوي ؟؟
اقدم ليك محمد اخوي

اها الناس تبقي للزي دا ؟؟

-----------------

في مسلسل
واحد اتقدم لوحدة وهي من اسرة غنية وهو بسيط
اخوها الضابط الكلام ماعجبه
قعد يبحت وراه
لغاية لما عرف انه قبل كدا دخل السجن في قضية تزوير "وهو رسام"
جاء طاير لاخته عشان يكشف ليها الخطيب علي حقيقته
بكل بساطة قالت ليه هو حكي لي اي حاجة واني عارفة المعلومة دي وانا قبلت بيه

لو ماكانت عارفة المعلومة دي
مش كان غضبت جدا وفسخت خطوبتها ليه ؟

---------------
بكرر مرة تانية انه الوضوح زيه ماااافي

[الفخيييم]

ده المطلوب بالظبط يا مدنية
نبقي في اعرفك بمحمد اخوي!!!
من البداية كشف الاوراق وكده
وبعداك تحدد الخطوات لانها سوف
تكون في النور وبدون انا كان عارف
ما كان عرستك وبتاع!!!!
وفي ماضي مؤثر جداً علي فكرة!!!!