ضل شجرة الجميز

[نزار حسن محمد]

ضل شجرة الجميز
سلام عليكم كبار وصغار
يالحبان جبته برشى وفرشته تحت شجرة الجميز مقابل شاطى النيل الخصيب بندور نطك الحنك وناقش اومورنا
فدحين تعالووو نجتمع تحت ضل شجرتنا وهى بمثابة مجلس وطنى ديوان البيت الكبير .. اى موضوع شوره بيننا
وعشان الجلسه بدور متطلبات قررنا توزيع بعض المهام على ناس البيت الكبير
توزع المهام كالاتى الشاى والجبنه مسعوله منها بتنا مدناويه
الفطور والغداء مسعوله منها بتنا زكى بوش ..ومايسه
التمباك والسجائر والذى منه مسعول منه ود المطامير..والمسافر
فى المساء عندنا حفله تحت رعاية العمده ود الصول
الاخراج والفتوشوب ابوبكر ود المبارك المساعد احمد ودعلقم
المسعول من تنظيم وجلوس الجكس صلاح ود الطاهر
المسعول من تنظيم وجلوس الشباب ود جلاله ..وسواااح
تقديم فقرات الحفل تحت مسعولية ابو النور ياربى انا وين
مسعول من تقديم الفقرات الشعريه والهجيج رضا ودحسن
فنانا لهذه الحفله معتز ود الريح
تصوير تشكيلى وفتغرافى استاذنا بدر الدين محمد
مساعد مخرج بت مارنجان
المخرج العام مدنيه

[الجندي المجهول]

الذي منو ..... كتر منو

وبالله يا اخونا ممكن اجيب معاي ضيوف ولا القصة مقفولة ....

جيتكم ومعاي معتز الريح .. بس طلب صغير ياريت معتز دا ما تساهرو بيهو خلوهو يرجع بدري ؟
اي بكرة عندو امتحان ياااخ ... رياضيات ورقة تانية

[مايسة]

ههههههههه

طق الحنك طيب

انا غايتو ما بعرف اطبخ يااخ

خلاص اقول ليك حنك - فلان قالو منعوو يخش تشاد - ومشي ليبيا (الله اعلم)

وشمار تاني في واحد عربية اسمها ريما الفقيه - امريكية من اصل لبناني فازت بلقب ملكة جمال الولايات المتحدة لاول مرة - واليوم التاني طواالي اتهموها بانها عندها علاقة مع حزب من الاحزاب - غايتو الناس دي ما بتقدر تعيش من غير سياسة

[المسافر]

والذى منه مسعول منه ود المطامير..

ود المطامير ما قاعد يجيب شربوت نضيف ياخي

[نزار حسن محمد]

الذي منو ..... كتر منو

وبالله يا اخونا ممكن اجيب معاي ضيوف ولا القصة مقفولة ....

جيتكم ومعاي معتز الريح .. بس طلب صغير ياريت معتز دا ما تساهرو بيهو خلوهو يرجع بدري ؟
اي بكرة عندو امتحان ياااخ ... رياضيات ورقة تانية

حباب ود الامين ..حباب الرجل الدغرى
يازول وضيوفك كمان اجيبو ضيوفم انت ماك ساهل عندنا
آها بخصوص الفنان ود الريح طلبك قاسى ونحن ناس حفلتنا دائماً صباحى
ومسعول السونت دفعنا ليه مقدم يوم ونص
فدحين خلى ود الريح امتحن السنه الجايه

[نزار حسن محمد]

ههههههههه

طق الحنك طيب

انا غايتو ما بعرف اطبخ يااخ

خلاص اقول ليك حنك - فلان قالو منعوو يخش تشاد - ومشي ليبيا (الله اعلم)

وشمار تاني في واحد عربية اسمها ريما الفقيه - امريكية من اصل لبناني فازت بلقب ملكة جمال الولايات المتحدة لاول مرة - واليوم التاني طواالي اتهموها بانها عندها علاقة مع حزب من الاحزاب - غايتو الناس دي ما بتقدر تعيش من غير سياسة

هوووى ياناس البيت مايسه جاتكم قاشره على سنجة عشره
جيبو ليها البارد ..وبعده الجبنه عشان هى زوله وناسه وفايته الناس مسافه
فلت شنوا يامايسه ناس تشاد ابو يدخلو تشاد على بالجزيمه اليوم قالووو ولا اعبر الاجواء كمان شفتى كيف
مصالحه ناس عند ناس شطه بس
..اما بخصوص ريمه الفقى فهو على اتصال دائم بالسيد الادمن عشان بدور تضم للمنتدى ولكن الادمن مافاضى ليها ..ماهو برضوا امريكى ؟؟؟

[نزار حسن محمد]

ود المطامير ما قاعد يجيب شربوت نضيف ياخي

مسافر مشاكل..ود المطامير بدور الحج والوقوف قى جبل عرفات آها شن قولك

[مايسة]

هوووى ياناس البيت مايسه جاتكم قاشره على سنجة عشره
جيبو ليها البارد ..وبعده الجبنه عشان هى زوله وناسه وفايته الناس مسافه
فلت شنوا يامايسه ناس تشاد ابو يدخلو تشاد على بالجزيمه اليوم قالووو ولا اعبر الاجواء كمان شفتى كيف
مصالحه ناس عند ناس شطه بس
..اما بخصوص ريمه الفقى فهو على اتصال دائم بالسيد الادمن عشان بدور تضم للمنتدى ولكن الادمن مافاضى ليها ..ماهو برضوا امريكى ؟؟؟

ههههههه
- يجازيك يا ابوسفرووووق فقعتني بالضحك

يعني دحين هسه الآمن بقي أمريكي بالتجنس خلاص - نقنع يعني خلاص

[روبش]

ما دام اخراجها عند عمتنا ... قعده اخير منها النوم.. ولا اقول ليك يا نزار ... اعمل نائم

[نزار حسن محمد]

ههههههه
- يجازيك يا ابوسفرووووق فقعتني بالضحك

يعني دحين هسه الآمن بقي أمريكي بالتجنس خلاص - نقنع يعني خلاص

آها يامايسه على (بالطناش) الادمن بقى امريكى عدددديل وسودانى بالتجنس وكمان سائق ركشه فى نيويورك ملك حر

[نزار حسن محمد]

ما دام اخراجها عند عمتنا ... قعده اخير منها النوم.. ولا اقول ليك يا نزار ... اعمل نائم

هلا بالحبيب روبش ..بس بينى وبينك حمص قطعه لنا فى مصارينه علا بنتفشه فى الكنفدراليه اصبر ليهم ابوسبعات

[انيس التوم]

شيخ العرب السلام جاك

يعلم الله مشتاقين يا خوي

والله يا ود حسن عايزين اللمة دي
على أرض الواقع

[نزار حسن محمد]

شيخ العرب السلام جاك

يعلم الله مشتاقين يا خوي

والله يا ود حسن عايزين اللمة دي
على أرض الواقع

ابشر بالخير اخوى انيس ود التوم اخو الاخوان
يازول عوجه مافى تب وكان حيين بنتلاقى فى الرمله الدقاقه
بس انت قول يامسهل ...ناس ود الصول فى رجاكم بحسبه فى الايام ومتين
تعود الطيور المهاجره ..
يازول جنس اقاشى وجنس مشاوى وجنس سمكمك
وتعال شوف الليل شارع النيل ياعنيى وبيتكم بى وين ياعنيى

[بت مارنجان]

انحنا غايتو مع السخانة دي غير مبارية الضللة
ونمشي "حبيبي مفلس جمب البحر نقطع النجايل "

اها نجيب عليكم الشاي متين ؟؟؟

[نزار حسن محمد]

انحنا غايتو مع السخانة دي غير مبارية الضللة
ونمشي "حبيبي مفلس جمب البحر نقطع النجايل "

اها نجيب عليكم الشاي متين ؟؟؟

بتنا ..بندور لقمات مع الشاى اعمامك ديل من قبيل اتلفته ذى الهبابات وصوتنا بحه وانتى حايمه ومباريه الضلله مع قطيع النجيله .

[سامر حسن]

ما يطول بيك انتظار
وابقى تاوق في بيوت الحلة زي شمس آخر النهار
وادع حبابيك وانقسم بيناتنا بينات الزقاق
الدنيا لمة وقرقرة
والفرقة قارعة الزمان الجهجهات
ما بتشبهك
أنا برتجيك
لازلت برتجاك ليل
عند المغارب
واحتياج الأمسيات
واجتياح الأمنيات
رشرشت حيشان الفؤاد
وفرشت ليك الروح ملاية وعنقريب

[نزار حسن محمد]

حباب الغائب من سنين وسنين حباب شاعرنا سامر ود حسن
تعال يابوى سمعته ولا جابوا ..لك ...
وكان زعلان لغلب الهلال يوم الخميس بتتفشه تب
سوق البنات واقف جنب بيت مدنيه

[سامر حسن]

مدنية ؟؟؟؟
بيتكم وين

[نزار حسن محمد]

مدنية ؟؟؟؟
بيتكم وين

مدنيه طشت وعربيتها .. نامو ليها الساتك الاتنين
بارك الله فى مهند الطاهر ومدثر كاريكا
ماقصرو اى واحد صلح لستك

[ود المطامير]

حبيب قلبى وحبيب الشعب ( أبوسفروق )

وحات الله يا الحبيب .. أنا من رجعت التقول أدونى عين

كل يوم بره الشبكه .. ما الشبكه ديك الشبكه دى هع هع هع

غايتو يادوب الإمور ظبطت .. كمبيوتر جديد .. لاب توب آخر صيحه غلبنى أتعامل معاه أديتو لأم عمرو

وزدّت سرعة الإنترنيت .. وظبطّت السياره ورجعت لعرينى فى الجزيره

أول شئ يا الحبيب .. قول لى الشدره دى وين ؟ على البحر ولأ فى البلدات ؟
هع هع هع

[ود المطامير]

ود المطامير ما قاعد يجيب شربوت نضيف ياخي

عليك الله يا مسافر مصائب

من الخرتمية سطر بتاعين نزار بس عجبك اللى إقتبسته دا بس ؟ هع هع هع

أصبر لى بعدا فضيت ليك

[ود المطامير]

مسافر مشاكل..ود المطامير بدور الحج والوقوف قى جبل عرفات آها شن قولك

اللهم آاااااااااااااااااامين

[نزار حسن محمد]

اها السياره صلحته براااك ....ولا صلحه الجان

[عبدالمنعم الصديق(خدرا)]

اها السياره صلحته براااك ....ولا صلحه الجان

الغالى نزار ودحسن
بلغنى من مصادرى الخاصه انو سيارة ود المطامير صلحتا الكدايس ديييييييك الانتا بتعرفا

[عبدالمنعم الصديق(خدرا)]

حبيب قلبى وحبيب الشعب ( أبوسفروق )

وحات الله يا الحبيب .. أنا من رجعت التقول أدونى عين

كل يوم بره الشبكه .. ما الشبكه ديك الشبكه دى هع هع هع

غايتو يادوب الإمور ظبطت .. كمبيوتر جديد .. لاب توب آخر صيحه غلبنى أتعامل معاه أديتو لأم عمرو

وزدّت سرعة الإنترنيت .. وظبطّت السياره ورجعت لعرينى فى الجزيره

أول شئ يا الحبيب .. قول لى الشدره دى وين ؟ على البحر ولأ فى البلدات ؟
هع هع هع

الحبيب الغالى
حمدلله سلامة الرجوع
مالك ماكلمتنا انت ماعارف نحنا بسببك حردنا وغاضبنا
لكن تعال انا بوريك محل الشدره دى لانى هسه فى السودان لى اكتر من شهر وضارع البحر من الدمازين للمقرن وعارف محل الضل السمح وين ومحل الحمام وين ومحل السمك وين ومحل الجبنات البتكيف وين لك حبى ياغالى