قدر ما فكرت أنسى الماضي ألآمه وويله
القى نفسي ذي غريب تايه في ليله
نفسي اوقد شمعة في ليل الحيارا
تهدي المتلي فاقد .... دليلو
يا حليل الذيي سارح في خيالو
كل زول يشوف ديمه حالو
الدموع كملن قبيل من بدري سالو
ما فضل في الدنيا زول ما اشتكالو
يا حليل الفي الشروق شايف زوالو
ديمة متحسر حليلو ... يا حليلو
كنت داير يوم تغير
لو تشوف اتنين احبه
ذي عصافير طايره هايمه
سارحه في دنيا المحبه
في الرياض تبني في ضراها
يا حبيبي حبه حبه
كنت تا بعت الاماني
ما بقيت عايش في غربة
.................
لو تشوفني محال تعرفني تاني
الشباب راح وانطوى ما قايلو فاني
والهوى عذبني بي نارو وكواني
كل شئ فات وانتهى
قول لي مين ح يعيدو تاني
( من روائع الفنان مصطفى سيد احمد )
للاسف لا اعلم كاتب الكلمات .... لطفاً من عنده معلومه موكده عن الشاعر نرجو الافاده ..... ولكم كل الحب
رد مع اقتباس
المفضلات