الله يكفينا شر قالوا وقلنا
بس الشمار يعني مغربل
يوم البرنامج بتاع اروقة
عكاشة مدرب فريق العلوم الرياضية (school) (شفتوا مدرب دي كيف)
قال لي بعد بكرة إن شاء الله حا نلعب النهائي
وإنت معزوم معانا وكدة
قلت ليه خير تب بجيك تيران ادييييييييييييييييييييييل كدة بس انستروا وما بفلقوكم
قال لي نهنا ناس راقين
اها ربك رب الخير
مارقني من العلقة دي
اليوم داك ما اتذكرت عكاشة إلا بعد الساعة 9 مسا وانا ماشي علي بحري
القا ليك الميدان الشرقي كشافاتوا في السما
انا اخو عكاشة
قلت اضرب اعتزر ليه
عفوا هذا الرقم مفلوق حاليا
اقصد لا يمكن الوصول إليه حاليا
بكرة مقفول
زهجت وزعلت
وتاني رضيت براي
قلت الناس ديل قطع شك بكونوا اتغلبوا
وهو متأثر نفسيا من الحتة دي وكدة
بعدين الزول شغال إمتحانات مافي داعي للإزعاج وقليب الدفاتر
اكبر مصيبة أنو ناس عكاشة مرقوا من دوري الاربعة
وعكاشة قاعد حجاز
خلاص ما تتكلم كتير
اهنق شفتوا كيف
بكرة القي ليك في الجرائد احدا مؤسفة في ختام دروي جامعة الخرطوم
وجاطت جوطة شديدة
وبي لغة عربية فصحي كدة:
حيث تبادل مشجعو المنتخبين الحصب بالحجارة والقذف بالمقاعد البلاستيكية والطوب والضرب بالسيخ وتمدد مسرح المعركة لينتقل الي خارج الجامعة حيث اغلق الطلاب الطريق امام العربات التي فر سائقوها فرار السليم من الاجرب خشية ان تطال عرباتهم خسائر او يلحقهم ومن مههم مكروه .. واصيب العشرات ممن سقطت بهم المدرجات المنهارة ولحقت بهم جراء ذلك اعاقات مؤلمة وشوهدت سيارة اسعاف مسرعة تشق طريقها بصعوبة.
عكاشة:
إت كيف آزول؟
رد مع اقتباس
المشاركة الأصلية كتبت بواسطة ahmed algam
المفضلات