يمكن يكون هواك زادي وبلسم جراحي
لا هو كمان إكسير حياتي
عينيك عالم سحري وجمالي وحبك كل الحنان الضايع من سنيني
او إنك حلم بجري وراءه سنين عمري وحياتي
إنت عالم رسمته في خيالي
وفجأة لقيته قدام عيوني
إنت حاجات كثيرة فقداها ..إستنيتها طوال سنيني
مرت سنين من حياتي إتخيل طيفك يزورني
إتمنى إنه يلاقيني
فرحت كثير لمن لاقني
فرحي بيك محال أحكيه أو أعبر عنه في كلامي
حبك زارني وشايل معاه وثيقة صمتي
محال اقول بحبك او ارسم طيفك في عيوني
اخاف يفوح شذى حبك ويبقى سجاني
لقيتك في وقت
ضايع من سنيني
ما اقدر أكون حلمك أو تكون حلم سنيني
أقدارنا مرسومة ..خطواتنا محدودة
عايزة أصرخ وأقول بحبك ..بحبك يا رحيق حياتي
يا شمعة جأت تضوي ظلام قليبي
يابسمة جأت تشيل الهم البين ضلوعي
يانسمة دعاش أنعشت كل مشاعري
يابركان عواطف إجتاح كل دواخلي
يا ربيع دايم زار دياري
إيه أقول عنك وليك
غير بحبك ..بهواك يابلسم جراحي.
رد مع اقتباس
المشاركة الأصلية كتبت بواسطة منى ليبيا
المفضلات