@ أعضاء جدة يحتفلون بالرجل الطيب القادم من طيبة خالد أبقرجة @

[moh_alnour]

الباشمهندس خالد أبقرجة كان ضيفا ً عزيزا ً على بورداب جدة في منزل الأخ محمد عبد الله أبو زيد











يا ود الريح أنت طووووووول عمرك بتلعب باص القون ما جديدة عليك الحاجة دي



الكلام دا قولوا لي زول ما إندو هديدة يا ود الريح ، قوم حصل ( الليت ) قبل ما أم ساطع تجدع ليك المرتبة مع الحارس





محمد المميز مستعد للسمسرة دائما ً حتى في أقرب الأقربين و الكلام دا نقلا ً عن رضا ود حسن















رضا ود حسن الجدو كتل الأسد على غير العادة ختا الكورة واطة و ما كان في شوووووت ضفاري







أبو مازن و رضا : أجي يا بُري ! دا كلام شنو يا ود الريح ؟







الجندي المجهول الوقت كلووووووو قاعد بعيد و يتكلم بالجوال ، الكلام دا ح نشوفوا مع أم حمزة

[بت مارنجان]

انت يامحمد النور رضا دة مالو قاعد هااااااااااااااادئ كدة
مااااااااااااااااااااااااعوايدو عملتو فيهو شنو هييييييييييييي

[admin]

اللمة فاتتنا والله .. ايامكم ساكوبيس .. ربنا يجعل ايامكم كلها سعادة وهناء

مشاققة : وين الكرفتة يامحمد نور .. ياحليل ايام العزوبية .. سمح العرس

[بت مارنجان]

ان شاء الله في جديد وليداتكم تتلمو
وان شاء الله جلسة في الحرم المدني

[بت مارنجان]

لكن يامحمد النور متجـــــــــــــــــــــــدع ايامك ياعريس

[أبوريلان]

جلسة في الحرم
يا شباب
وأبقرجة يستاهل الضبيحة


محمد النور فاكي اللعب شديد
وآخر برمودات وتي شيرتات
سمح العرس .

[العاقب مصباح]

جلسة جميلة والله يا ود النور يا بائر سابقاً

لكن ابقرجة ما عرفته

تبارك الله والله الزول دا بيشبه رجال الأعمال فد مرة

وجوده طيبة

فى إتجاه القادم من طيبة

لكم التحية جميعكم ,,,

[العاقب مصباح]

ود النور التى شيرت مااااااااااااااااا عندك لكن

[ahmed algam]

مشاء الله عليكم


في الحرم ان شاء الله


الباشمهندس ابوقرجه يستاهل

وانتو كمان ياحلوين



ود النور وينباقي الشماااااااارات

[بت مارنجان]

انتو ياجماعة ابو مازن دة مخنوق كدي بالكرفتا كان تدوه جلابية
ولا "تي شيرت من ود النور" ...
ولا اصلآ كدة بجي بالزي الرسمي :o

[محمد علي شقدي]

ايه الدينا غير لمه ناس في خير

رينا يجمع الاحباب دوما

[محمد الواثق]

طبعا لحظات سعيدة كانت بلا شك
هذة هي منتديات ودمدني
الترابط ... الاخوة ....الجمال

نتمني ان نكون حضوراً بينكم في جلسات اخري ان شاء الله

[abomazeen]

فكرة الدعوة الكريمة واللمة الجميلة كانت من بنات أفكار
الوجيه المضييياف محمد أبوزيد - زول الحااارة -
وتبوتقت بحضور بهذا النفر الجميل الرائعين
وكان لنا شرف الانس الجميل مع الوجبه
المهندس خالد أبقرجة جميل الـــروح
صراحة شخصية لا تميل حديثهـــا
وكل الباقيين كانو نجوم سواطع
شكراً أبوزيد شكراً منتديات
ودمدني الجميلة ....

[محب]

في الحرم انشاء الله
دايما متلمين في ساعة خير

[مايسة]

ربنا يديما عليكم يا رب

ولمة كدا في الحرم - ان شاء الله

تخريمة : ود النور اخر جديع لقيتك لكن

[ABUZAID]

فكرة الدعوة الكريمة واللمة الجميلة كانت من بنات أفكار
الوجيه المضييياف محمد أبوزيد - زول الحااارة -
وتبوتقت بحضور بهذا النفر الجميل الرائعين
وكان لنا شرف الانس الجميل مع الوجبه
المهندس خالد أبقرجة جميل الـــروح
صراحة شخصية لا تميل حديثهـــا
وكل الباقيين كانو نجوم سواطع
شكراً أبوزيد شكراً منتديات
ودمدني الجميلة ....

حبيبنا الغالي
abomazeen

بيقولوا العز اهل
والاهل مدني
يبقى العز اهل مدني

. . . . . .

الجندي المجهول
هو صاحب السبق دوما

فكانت تلكم اللمة نتاجا
وعملا يحسب له ابدا

تحيااااااااااااتي

[عوض صقير]

جدة غير


ماشاء الله تبارك الله


لمة محضورة حلوة ... والباشمهندس أبوقرجة يستاهل والله


كسرة : غايتو من خلال الصور عرفنا أنو محمد النور ( قاتل الكديسة ) ولكن هناك أثنين أصحابنا قاعدين مساكين زى الخايفين يرجعوا البيت كيف ...

[الجندي المجهول]

مرت لحظات سعيدة ربي مناي تعيدا

فعلا العز اهل وديل اهلي

تخريمة : التلفون دا يا محمد النور لو بتتذكر فتحت الاسبيكر وكان الاتصال على الاخ الفخييييييييييييييييييييييييييم ( يا حدق )

لحن الختام : في هذا التلفون اعلنها داوية الفخيييييييييييييييييييم وبشهادة ابقرجة (انه شهر اغسطس سيفارق العزوبية) انا في سري قلت كذبة ابريل غيروها لي اغسطس ولا شنو


ضربة حرة مباشرة وشايتها قلق : كان التوزيع كلاتي على حسب العمر طبعاً والاعمار بيد الله وربنا يطول في اعماركم جميعاً
1/ الاستاذ رضا
2/ المهندس اب قرجة
3/ محمد ابو زيد
4/معتز الريح
5/ ابو مازن
6/الجندي المجهول + المميز (لاننا تقريبا انداد بعض) فرقنا اسبوع و3 ايام وساعتين

[moh_alnour]

انت يامحمد النور رضا دة مالو قاعد هااااااااااااااادئ كدة ، مااااااااااااااااااااااااعوايدو عملتو فيهو شنو هييييييييييييي

ما عملنا فيهو شيء بس بعدناهو من ود الريح
أنت ِ عارفة رضا زول هادي و مهروش ود الريح هو البلعب ليهو باص القون و رضا بشوت طواااااالي
أها مرات بشوت ضفاري و مرات بسدد كويس في المرمى . و بث

[moh_alnour]

اللمة فاتتنا والله .. ايامكم ساكوبيس .. ربنا يجعل ايامكم كلها سعادة و هناء

اللمة فاقداك يا ريس
طبعا ً يا أدمن ود الريح نكر قال الزول المرتو رجعتو بي خروف الضحية بعد ما ضبحوا دا أبو بكر الأدمن ما أنا

مشاققة : وين الكرفتة يا محمد نور

زهجنا من كرفتات شبرا الرخيصة ، منتظرين كرفتات أمريكا يا حبيب

يا حليل أيام العزوبية .. سمح العرس

أيام تنذكر وما تنعاد ، سمح العلم سمحة الشهادة ، سمحة البورة في العاقب المصباح أقصد في الدكتورة

[خالد علونى]

حلوة اللمة يا أبو النور





إن شاء الله عامرين دايما وملمومين في الخير


تخريمة:


والله في ناس كدة بقو مساكيييييييييييييييييييييييييييييييييييييييييييييي يييييييييييين

يحننو العدو

[سروية]

جدة غير

الاعضاء الاعزاء الاكاارم منورين والله ولمتكم حلوة دائما تجمعكم اللحظات السعيدة واعشرة النبيلة

وياود النور جديع شديد وطالع من علبك

[محمد حسين (المميز)]

مدني غيـــر .. مش جده غيــر

دي مدني وناس مدني

شوفو الجميل رضا العضاهو اسد اقصـد القتل الاسد

وشوفو الباشمهندس ودابقرجه الانسان الخلوق

ولا ابوالرجال ودابوزيد

ولا العريس المابخاف من الكديس

والانيق ودالريح

والعجب الفنان ابوالامين اب لسان

والعجيب سوبر ديب ناصر ابومازن اللي عيد ميلاده الليله


ياسلام عليك يامدني

[محمد حسين (المميز)]

ضربة حرة مباشرة وشايتها قلق : كان التوزيع كلاتي على حسب العمر طبعاً والاعمار بيد الله وربنا يطول في اعماركم جميعاً
1/ الاستاذ رضا
2/ المهندس اب قرجة
3/ محمد ابو زيد
4/معتز الريح
5/ ابو مازن

لحدي هنا كنت كويس

6/الجندي المجهول + المميز (لاننا تقريبا انداد بعض) فرقنا اسبوع و3 ايام وساعتين

اما دي مكتوبه غلط
عمر الجندي المجهـول = عمر المميز .2X ممكن بعد كده نضيف ليها اسبوع و3 يوم وساعتين ودقيقه كمان

[الجندي المجهول]

لحدي هنا كنت كويس

اما دي مكتوبه غلط
عمر الجندي المجهـول = عمر المميز .2X ممكن بعد كده نضيف ليها اسبوع و3 يوم وساعتين ودقيقه كمان

جدا يا (ناجي ) بنتلاقى ،،،، ؟

نفسي اطبع البوست دا وارسلو (الكبري ) بقالة زحل حيث هبهانة والنقر واخرون الله يعلمهم