(حاكو .. حاكو) امتداد لسوق المواسير!!!!

[الفخيييم]

التقليد اصبح سمة ظاهرة بصورة
كبيرة في مجتمعنا حتي علي مستوي
الاسواق وتعالوا اوريكم كيف؟؟؟
تفتح محل اتصالات تلقي مليون واحد
فعلوا نفس الشي وتشتري ركشة تلقي
الفريق كلو خش في نفس البرنامج
طيب البيتصل منو والبيركب منو
وتفتح فرن تلقي كمية قلدوا الموضوع
البيشتري العيش منو يا اخوانا طيب؟؟؟
تخش في السيارات التريبتك بانواعها
تلقي السودانيون كلهم عملوا ليك فيها
(عبد اللطيف جميل!!!) نفس السيارة
ونفس الموديل ودي كلها ظواهر اقتصادية
سيئة علي فكرة واضف لذلك كثرة الباعه
المتجولون كل الفئات بقوا تجار ما عارف
ح يبيعوا لمنو ؟؟؟


تخريمه: يا الجندي ناس المريخ ذاتهم بيقلدوا
الهلال في الاعارات والمحترفين واي شي
عندنا عايزنو (طمبل والباشا وكرومي وعييييييك!!!)

[الجندي المجهول]

التقليد اصبح سمة ظاهرة بصورة
كبيرة في مجتمعنا حتي علي مستوي
الاسواق وتعالوا اوريكم كيف؟؟؟
تفتح محل اتصالات تلقي مليون واحد
فعلوا نفس الشي وتشتري ركشة تلقي
الفريق كلو خش في نفس البرنامج
طيب البيتصل منو والبيركب منو
وتفتح فرن تلقي كمية قلدوا الموضوع
البيشتري العيش منو يا اخوانا طيب؟؟؟
تخش في السيارات التريبتك بانواعها
تلقي السودانيون كلهم عملوا ليك فيها
(عبد اللطيف جميل!!!) نفس السيارة
ونفس الموديل ودي كلها ظواهر اقتصادية
سيئة علي فكرة واضف لذلك كثرة الباعه
المتجولون كل الفئات بقوا تجار ما عارف
ح يبيعوا لمنو ؟؟؟


تخريمه: يا الجندي ناس المريخ ذاتهم بيقلدوا
الهلال في الاعارات والمحترفين واي شي
عندنا عايزنو (طمبل والباشا وكرومي وعييييييك!!!)

فعلا والله وصدقت يالفخييييييييم ويسمى هذا التقليد الاعمي وبصراحة انا اعزي هذا التقليد لخوف المواطن السوداني من المجازفة خوفاً من الفشل لذلك نرى ان الكثير من الناس ينتظر بعضهم ليخوض التجربة واذا نجحت يقوم هو بتكرارها ( ركشة - امجاد - اتصالات - قدر ظروفك - أكسنت - افيو ..الخ ) عموما الهلع الاقتصادي هو السبب ..

رد التخريمة : عليك الله ( الباشا واكرم وطمبل ديل التلاتة شيلهم ونحل ليكم ديونكم المتعثرة كمان ) اها رايك شنو ؟
لحن الختام : خلينا الايام دي مع كاس العالم عشان ننسى الالم وننسى ( العك والدافوري) ...
ضربة حرة مباشرة : برغم ان كاس العالم لسه في بداياته لكن اشك تماما ( انه انحنا بالنتفرج فيها في السودان دي كرة قدم ) بتاعتنا دي حقو نسميها اي حاجة خلاف كرة القدم نسميها ( الرمة والحراس - شلت شلت - طفشها في السما - معتز الريح والحارس الشجاع ) لكن لا نظلم كرة القدم ونطلق عليه هذا الاسم

مع تحياتي ،،،، يا عريس

[سواااح]

<object width="480" height="385"><param name="movie" value="http://www.youtube.com/v/tgjyY2MUUBQ&hl=en_US&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/tgjyY2MUUBQ&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

[حنونة.]

الفخييييييييييييييييم سلامات كلامك صاح فى دنيا الاقتصاد بس ممكن نديها تسمية تانية الناس بتبقر من بعض وده جميل وفعال يودى الى الطموح والتطلع يعنى مثلاً فى فريقنا السكنى وليس الكروى جيران بيبقروا من بعض اذا واحد بدا البناء كلهم قاعدين يبنوا ولا كسروا صالون وبنوها ثانى تعرف اخر مرة كانت موضة تغيير الأبواب بداه واحد الميدان كلوا غيروا ابوابهم جاءت احدى قريباتنا لزيارتنا واندهشت وقالت لى ماعرفت الميدان قلته دى ماياهو قلنا ليها بابتسامة ياهو زاتول لكن جيراننا عاملين نيو لك تضامنأ مع بعض .
تخريمة : لكن جيراننا ديل ما احلى ناس بالجد هم جارك القريب ولا ود امك البعيد وفى معيتهم تجد الاهل وكل الجمال