74 كيلو طماطم يساوي استقدام زوجة

[الجندي المجهول]

ايماناً من الحكومة بدورها في بسط الامن والعدل بين مواطنيها فقد قررت الاتي

لكل مواطن قام في الفترة الماضية بشراء طماطم الحق باستراجاع ثمنها وذلك اسوة باخوانهم في السعودية والذين قد تم منحهم من قبل ( حكومة السعودية ) فرصة استرجاع الاموال التي قاموا بسدادها لاستقدام زوجاتهم والبالغة ( 2000 ريال)

الريال في التلي موني 1 = 629 جنيه
1 ريال في السوق ( الوراني ) = 740 جنيه

علماً بان سعر كيلو الطماطم = 20 الف جنيه

يعني المواطن عشان يقبض ما يساوي 2000 ريال محتاج لي كم ( كيلو ) ؟

الاجابة 74 كيلو ( دا لو سعر الريال مضروب في 740 جنيه )

تحليل : يعني الزوجة تساوي 74 كيلو طماطم

تخريمة : في ناس مهنتهم ما مطابقة لشروط الاستقدام واشتروا الاستقدام بي مبلغ يتجاوز ( 14000)

يعن ديل تقريبا بلغة ناس الكورة ( استقدموا وارغووو )

دا لوري طماطم عديل كدا !!!!

[ABUZAID]

ايماناً من الحكومة بدورها في بسط الامن والعدل بين مواطنيها فقد قررت الاتي

لكل مواطن قام في الفترة الماضية بشراء طماطم الحق باستراجاع ثمنها وذلك اسوة باخوانهم في السعودية والذين قد تم منحهم من قبل ( حكومة السعودية ) فرصة استرجاع الاموال التي قاموا بسدادها لاستقدام زوجاتهم والبالغة ( 2000 ريال)

الريال في التلي موني 1 = 629 جنيه
1 ريال في السوق ( الوراني ) = 740 جنيه

علماً بان سعر كيلو الطماطم = 20 الف جنيه

يعني المواطن عشان يقبض ما يساوي 2000 ريال محتاج لي كم ( كيلو ) ؟

الاجابة 74 كيلو ( دا لو سعر الريال مضروب في 740 جنيه )

تحليل : يعني الزوجة تساوي 74 كيلو طماطم

تخريمة : في ناس مهنتهم ما مطابقة لشروط الاستقدام واشتروا الاستقدام بي مبلغ يتجاوز ( 14000)

يعن ديل تقريبا بلغة ناس الكورة ( استقدموا وارغووو )

دا لوري طماطم عديل كدا !!!!

جندينا الهمام

كل الود
شنو كيلو الطماطم ب 20.000 جنيه ؟ ؟ ؟
يا راجل قول بسم الله
طيب كيلو اللحمة الضاني بي كم ؟ ؟ ؟

ضربة حرة مباشرة
تخريمة
مشاققة

ياخي عندك تحليلات خطيرة
بس استغراب . . .
لما كان الريال في التلي موني بي 629 جنيه
كان سعرو بره بي 735 جنيه

حسه الريال في التلي موني وصل 661 جنيه
يعني برة بي كم ؟ ؟ ؟

واقول ليك سر ما تكلم بيهو زول . . .


تحيااااااااااااااتي

[الجندي المجهول]

طالما الاخوان الفخييييييييييييم والمسافر ( الاعزاء جدا بالنسبة لي) واحبهم في الله
وحتى هذه اللحظات رافعين شعار ( لا للعرس ) انا بقترج عليهم كل واحد يشتري ( 74 كيلو طماطم ) ويعملوها ( صلصة )

تخريمة : الناس في العالم كله بيدعم السلع الاستهلاكية إلا انحنا لانها تعتبر مصدر دخل (لاصحاب الكروووش)

عندي اقتراح للحكومة :
دعم السلع الاتية :
اللحوم
السكر
الزيت
الصابون
الخضروات
الدقيق
البترول
* مجانية التعليم ( مع توفيره )
* مجانية العلاج ( مع توفيره )

وبعد كدا اعملو العاوزنو ( ان شاء الله ) قرد الطلح زاتو يبقى وزير ؟؟
بالله عليكم الاشياء دي كتيرة ؟

[الفخيييم]

جندينا الهمام ملاحظة قوية
وتحليل منطقي لواقع متردي
ارتفاع اسعار الطماطم المنتج
المحلي مثير للجدل وامر فيه
الكثير من الغرابة لان الدول
التي تهتم برفع كاهل المعاناة
عن مواطنيها تدعم كل السلع
المستوردة حتي تكون في متناول
اليد لذوي الدخول المحدودة فما بالك
بطماطم تزرع في جروف نيلنا مفترض
ان تكون شبه مجان ولكنها سياسة
التحرير الاقتصادي التي ارهقت كاهل
المواطن والدولة تتفرج !!!


تخريمه: هل يكون ارتفاع اسعار الطماطم
من اسباب عذوف الشباب عن الزواج؟؟؟
مجرد سؤال !!!
ارتفاع اسعار السلع الاستهلاكية يسهم
في رفع الضغط علي المواطن والضغط هنا
بمعني مرض الضغط وليست الضغط (الاسموزي!!!)

[ودسمير]

نحيه وسلام كتير ثم ....
يالمجهول كيلو الطماطم لسه ما حصل 20 ألف والطاطم طبعا نوارة السلطة لكن الاستقدام ظلمة زيادة على ظلمة الغربه !! الطماطم مرات غاليه ومرررررات رخيصة لكن استقدام الزوجه غالى ع طووووول !

وحتما سنلتقى