تصدق رؤاي
واشوفك عيونك يا ملاك
اتحدى بيك جور الزمن
اقعد حداك ...
اتوسدك راحة ونفس
احلم معاك بالمستحيل
اهديك كل الفي الخيال
شان تفرحي
وافرح معاك
تتلاشى بينا
حناضل الزمن الصعب
تتكسر اسوار المحال
افرح واضمك يا ملاك
والقى فيك الشئ البريح
من مشاوير التعب
واتعب معاك
اتعب معاك من الفرح
جاييك مليان بالهموم المزمنه
جاييك مزمل بي حزم
شوقاً قديم
شوقاًً معتق في القلب
جاييك زولاً منتهي
زولاً يفتش لي عيونك
من زمن
زولاً مسك اسمك سنين
ينده عليك
كل الخلائق سمعتو
بينده عليك
الا منك ما جا رد
جاييك وده الحال العلي
من يوم عرفتك يا ملاك
.............................
التحية لكاتب هذه الابيات الخال الطيب مكي
وله ولكل رواد المنتدى كل الحب
وعام سعيد على الجميع
رد مع اقتباس
المفضلات