ياليالي الغربه فوتي شيلي احزانك وفارقي
ما خلاص زهجت منك ومن تفاريحك وهمك
ياليالي الغربه غوري قلبي منك ضاق ذرعا
ارحل سيبي الحنايا واتركيني ليها ارجع
لي بلد بهواهو نيلا وبهوى فيها كل متعب
بلدي مهما تكون بريدا وما ني قادر اهوى غيرا
بهوى غيمه تشيل همومنا ومطره تغسل كل ذنوبنا
يابلد بعشق ترابك بي سمومك وبي عجاجك
يابلد قلوبنا ماتت والعمر روح ربيعوا
والخريف قرب يجيبنا لي نهايات الطريق
ياليالي الغربه خوفي منك انتي تمنعيني ليها ارجع
اصلي خايف من ترابك ومن لحودك
اصلو زي مابقولو منك لي بلدنا ما بنرجع
اه من الحريه راحت والجسد دايما مربط
كيف تعود افراحنا تاني حتى لو عدنا لديارنا
ما خلاص شوهنا روحنا والحلم اصبح مبدد
فتنا فارقناك بلدنا والحلم بالعود روح
حتى لمن نرضي بيها هي بينا مابترضى
شفتو مأسات المهاجر من ديارو كيف بتوجع
نحنا ضلينا الطريق والرجوع بقى ما بفيد
مره مهر بسأل الناس في الدروب هل في زول مشتاق يشوفنا
او بلدنا بترضا بينا
نحنا سبناها برضانا كيف هي تاني تلم جروحنا
وترضى بي اشباح خطانا
هي لمن ودعتنا تاني ترجعو بالسلامه
اي سلامه
فقدنا احساسنا بألمنا
والسلامه بقت عشمنا
لا طبيب يقدر يعالج
ولا دوى بيشيل وجعنا
نحنا حطمناها روحنا
والفراق زاد في جفانا
والوهم لازم عقولنا
ما خلاص الفات دى فات
والرجوع بقى لينا نزوه
رد مع اقتباس
المفضلات