منتخبنا يهزم الكنغو برازفيل بهدفي كاريكا ومهند

[روبش]

حقق منتخبنا الوطني فوزا مهما في استهلالية مشاركته في تصفيات امم افريقيا 2012 ، ذلك عندما كسب ضيفه الكنغو برازفيل بهدفين نظيفين احرزهما مدثر كاريكا في الدقيقة العاشرة من الشوط الاول ومهند الطاهر في الدقيقة 47 من الشوط الثاني من ضربة جزاء ارتكبت معه شخصيا ، قدم المنتخب مباراة جيدة رغم الهنات التي حدثت في خط الوسط من وقت لاخر خاصة في الشوط الثاني ، واضاع مهاجموا منتخبنا عدد من الفرص المضمونة خاصة تلك التي سنحت لبكري المدينة على مرتين .
المبارة تعتبر بداية جيدة لمنتخبنا اذا ما نظرنا لظروف التجمع المتاخرة الامر الذي دفع المدير الفني محمد عبدالله مازدا لاختيار معظم لاعبيه من الهلال والمريخ حيث شارك في المباراة 4 لاعبين من المريخ هم سفاري وبلة جابر وراجي عبد العاطي وموسى الزومة وواحد من النيل الحصاحيصا هو علاء الدين بابكر فيما شارك من الهلال وهم المعز محجوب ومساوي وعلاء يوسف وهيثم مصطفى وعمر بخيت وكاريكا وبكري المدينة ومهند الطاهر اللذان دخلا في الشوط الثاني بديلين لكل من علاء بابكر وكاريكا .

[روبش]

الف الف مبرووووووووووووووووك للسودان

[مدنيّة]

والله حاجة تفرح ياروبش

ويارب دائما رافعين راسنا


-------------------
غايتو مازدا اضانه ح تبرد من الانتقادات منذ فترة طويلة جدا ههههههههههههههههههه

[الجندي المجهول]

الف مبرووووووووووك للسودان

الشعب محتاج يفرح والله ما يحرمنا من الفرح ،،، عثبال الفرح الكبير

تخريمة : تحياتي لثنائي الدبيبة ( شداد وقسطنطين) ولا عزاء للهدامين ومرحب بكل يد تدعوا للبناء

مع اللفة : اتمنى ان يتواصل الحماس بنفس الوتيرة وان لا تهبط العزيمة ( وان لا يقف الدعم) و مافي داعي للنوم في العسل ... مزيد من المعسكرات والتجارب (القوية) وبنلقى روحنا ( في النهائيات) بكل جدارة وياريت بالذات نقاط الخرطوم ( كلها نحصدها ) 9/9 والله يسهل ،،،،

[نزار حسن محمد]

الف مبرووووووووووك للسودان

[سامر حسن]

كتب خالد عز الدين

عافية الهلال في جسد المنتخب

مازدا غير خطته المعتادة 6-5 ليلعب ب7-4
فلعب 7 من الهلال و4 من المريخ

[مرتضى التوم]

الف مبروك الفوز المستحق والهام جدا فى ظل الظروف التى لعب فيها منتخبنا ولكن اللاعبين قدرو المسؤلية ولعبو بشكل جيد رغم الهنات والسلبيات الكبيرة التى صاحبت المباراة .
نتمنى الالتفات للمنتخب ودعمه وتشجيعه وتوفير معينات الاستمرار والتفوق وضم العناصر التى تستحق ان تدافع عن الوان الوطن .
كل الامنات بان نتوحد خلف راية المنتخب الوطنى .

[سواااح]

مبروك للوطن الانتماء والفوز.

[ايمن عبد الله]

الف مبرووووووووووك للسودان

ونتمنى ان يسير المنتخب بنفس الصورة ...

[ZANOON]

والله حاجة تفرح ياروبش

ويارب دائما رافعين راسنا


-------------------
غايتو مازدا اضانه ح تبرد من الانتقادات منذ فترة طويلة جدا ههههههههههههههههههه

الف مبروك للجميع دي حاجه تفرح والله
لكن يامدنيه شايف الجماعه شابكننا لاعبننا اكتر منكم عشان كدا من بكره نضيف ابو عنجه والخوارج بررررررررررررررررررررره

[ZANOON]

الف مبرووووووووووك للسودان

ونتمنى ان يسير المنتخب بنفس الصورة ...

الف مبروك ياايمن لكن حكايه يسير بنفس المستوئ دي مابتودي لقدام
المنتخب داير شغل كتير واللياقه داقه الواطه ولو مامهند قال للحكم انا من الهلال واداهو ضربة الجزاء الجماعة كان درنو وكان مازدا لحق امات طه

[ZANOON]

كتب خالد عز الدين

عافية الهلال في جسد المنتخب

مازدا غير خطته المعتادة 6-5 ليلعب ب7-4
فلعب 7 من الهلال و4 من المريخ

شايف ياسامر نجاح مازدا بولع فيكم نار كيف
القون الاول شاتا راجي ورجعت من القون
القون التاني الحكم عرف مهندمن الهلال وداهو المعلوم
اخير ليكم خلونا نشجع المنتخب وبس ولا بنقبل عليكم

[ايمن عبد الله]

الف مبروك ياايمن لكن حكايه يسير بنفس المستوئ دي مابتودي لقدام
المنتخب داير شغل كتير واللياقه داقه الواطه ولو مامهند قال للحكم انا من الهلال واداهو ضربة الجزاء الجماعة كان درنو وكان مازدا لحق امات طه

هو الحكم عارفو من الهلال .. وقالو عاجباو الهوبا ..

امس كان في هوبتين هوبا حقت المعز لمن مسك الكورة وهوبا لسيد الهوبا مهند ..


شايف روبش كاتب العنوان شنو (( بهدفي كاريكا ومهند))

هو كان ما راجي شات الكورة وارتدت من الحارس كان كاريكا ده جاب شنو عليك الله يا زنون ..

[روبش]

هو الحكم عارفو من الهلال .. وقالو عاجباو الهوبا ..

امس كان في هوبتين هوبا حقت المعز لمن مسك الكورة وهوبا لسيد الهوبا مهند ..


شايف روبش كاتب العنوان شنو (( بهدفي كاريكا ومهند))

هو كان ما راجي شات الكورة وارتدت من الحارس كان كاريكا ده جاب شنو عليك الله يا زنون ..

يعني يا ابو اسيل اقول الجاب الاهداف منو وارغو ولا هنو

اقول :::: يفترض تكون عندكم وطنية ما تحرفوا اي حاجة تنكتب

[سامر حسن]

يا زول وطنية أكتر من الكورة في استاد الهلال بتاع مؤتمر الخريجين ؟؟ وهيثم مصطفى سفير النوايا الحسنة قائد الفريق ؟؟؟ مهند من الشرق وموسى من الزومة وسيف من مساوي وأبوبكر من المدينة عرب ومعز وكاريكا من العقليين وهيثم من عطبرة وعمر بخيت وعلاء الدين من العاصمة ؟؟؟ شفت لما الجمهور ردد السلام الجمهوري في حضرة الأسياد جوة الإستاد ؟؟؟ إنت قايل إسمها المقبرة ليه ؟؟؟ وهسه مسافرين معانا مالي؟؟؟ والله حركة شديدة (ده كلام جاد) الفكرة حلوة وح تخلق روح جميلة وبالمناسبة علاقة اللاعبين أرقى شديد من حرب الإعلام والصحافة والإداريين والجمهور


موداتنا قدر حلاوة وليداتنا

[الجندي المجهول]

زمان قالوا القاهرة تكتب وبيروت تطبع والخرطوم تقرأ كناية عن ثقافة (المواطن السوداني )

المواطن السوداني الان ادمن الاتي
جريدة الدار

الصدى
قووون
المشاهير
الاسطورة
وهج الصفوة
الهلال
المريخ
المشاهد

الكابتن
الهدف

ومشكلتنا اعلامنا عبارة ( عن مشجع درجة رابعة) لذلك لا تستغربوا من (العقول الجوفاء) التي تدير الكرة في البلاد

بصراحة شديدة جدا جدا جدا جدا

انحنا محتاجين حملة نظافة ( في كل المرافق) والعقول اكرر (العقول )

وياريت تنضف النفوس كمان ،،،،،،،،،

تخريمة : الشعوب ماشة لي قدام وانحنا لي هسع بنعيد في اسطوانة انحنا الاسسنا الاتحاد الافريقي وما ارداك من ( اوهام) غريبة ... متين نقعد نتحكر في خشم الواطة دي ونعمل بكل جد واجتهاد ( وضمير حي) عشان نمشي لي قدام مع الناس ( الما اسسوا الاتحاد الافريقي )

[ايمن عبد الله]

يعني يا ابو اسيل اقول الجاب الاهداف منو وارغو ولا هنو

اقول :::: يفترض تكون عندكم وطنية ما تحرفوا اي حاجة تنكتب

الايام دي يا روبش الجرايد كلها .. صحافة التخلف والتعصب .. ما نشيتتات كبيرة ...

انتصار سوداني باقدام زرقاء

ثنائية سودانية بأقدام هلالية


بالله عليك الله ده كلام ده ؟ يعني اي ناس يشجعو لاعبي فرقهم بس ولا شنو ؟

ترجم مدثر ومهند مجهود زملائهما وفرح كل أهل السودان بمختلف انتماءاتهم.

ليس مهماً من يحرز الهدف، المهم حقاً أن تلج الكرة شباك الخصوم وينتصر السودان.

[سامر حسن]

يا شباب الصحافة العالمية كتبت لما اسبانيا شالت كاس العالم:
برشولنة تدفع بعافيتها في جسد المنتخب الإسباني

نحن ما حسبناها بالسطحية دي ولا من باب التعصب ولكن من حق لاعبي الهلال الذين تعرضوا لظلم الإتحاد ومازدا أن نكتب عنهم ، انتو نسيتو لما مازدا تراجع من إشراك مهند في آخر لحظة من مباراة تشاد بعد محاضرة المباراة وبعد ما اللاعب استلم القميص للمشاركة وحصلت مشكلة بين علاءالدين يوسف ومازدا وإضطر مازدا يبعد مهند ويشرك علاءالدين بعدها قام مجلس الهلال بسحب مهند من معسكر الفريق القومي والإتحاد لم يتدخل ......
هكذا تدار الكرة السودانية .... لا أستطيع أن أنسب هذا النصر لمازدا الضعيف ولا لإتحاد شداد المتهالك ولا إتحاد معتصم جعفر الجديد -إنما أنسب هذا الإنتصار لوالده الشرعي صلاح إدريس ....هو من أبقى على هؤلاء اللاعبين بعد أزمة النجم الساحلي وأزمة مازيمبي وأخيرا الإسماعيلي ... لم يهز من ثقته بهم وأبقى على ثباتهم في أحلك الظروف فحفظ للوطن هيثم ومهند ومساوي وربى المعز حينما علمه أن الهلال ليس خزانة للمال فقط وإنما تربية وانتماء وهو من سجل اللاعبين الوطنيين في موسم التسجيلات الأخيرة فقدم بكري المدينة وبويا ومحمد عبدالرحمن فسخر الإعلام السالب منه وهم يسجلون مواسير الكرة التونسية وعواجيزها .....يستحقه صلاح إدريس الذي علم نجوم الهلال والجمهور والساسة والعلماء درسا بليغاً حينما اختار بداية معسكره في دارفور فقصد نيالا راسماً جسراً من التواصل كما يفعل العظماء فصافح نجوم الهلال أبناء دارفور البسطاء والذين لم يحلموا بأخذ الصور التذكارية مع هيثم وعمر بخيت وحمودة وكاريكا وأحمد عادل ومهند .....هذا الرجل لا مكان له سوى الهلال أو خلف طاولة رئيس الإتحاد السوداني لكرة القدم ....
نحن نشجع الهلال لأجل الوطن .... نشجع الهلال لأنه رمز السيادة والديمقراطية والتعايش نعشقه لأنه يمثل الوطن ومواطنه البسيط ... ندمن عشقه لأنه ولد من رحم المعاناة والتحدي ودونكم قصة تأسيس هذا النادي القامة .... سأظل على رأيي أن الهلال هو من اهدى الجمهور السودان فرحة الإنتصار على الكونغو في وقت إزدحمت فيه الطرق بسبب سوء إدارة شرطة المرور للطرق أوقات الذروة وفي وقت إحتجب فيه الزبائن عن الأسواق قبل العيد لضيق ذات اليد والفاقة والعوز ..... أهدى الهلال بمساعدة آخرون هذا الوطن فرحا مؤقتاً ينيخ فيه جمال الهم والتوتر والصراع والإحتراب ...
عفوا إخي أيمن من قال ليس مهما من يحرز الهدف المهم أن تلج الكرة شباك الخصوم؟؟؟ أفهم تماماً وأعرف ما تعني من هذه المقولة ولكني أقول المهم من صنعوا هذا النصر وتذكر أن هذا المنتخب استدعي قبل أيام فقط من مباراة الكنغو ولم تتح له فرصة معسكر أو مباريات سوى مباراة مع المنتخب المرابط ....

عاش السودان عاش الهلال

[مدنيّة]

الايام دي يا روبش الجرايد كلها .. صحافة التخلف والتعصب .. ما نشيتتات كبيرة ...

انتصار سوداني باقدام زرقاء

ثنائية سودانية بأقدام هلالية


بالله عليك الله ده كلام ده ؟ يعني اي ناس يشجعو لاعبي فرقهم بس ولا شنو ؟

ترجم مدثر ومهند مجهود زملائهما وفرح كل أهل السودان بمختلف انتماءاتهم.

ليس مهماً من يحرز الهدف، المهم حقاً أن تلج الكرة شباك الخصوم وينتصر السودان.

عشان كدا ما بنمشي لقدام ياايمن

----------------
ويجيك سامر حسن فاتح نفسه وتاكلها بطوب كمان ويقوليك
برشولنة تدفع بعافيتها في جسد المنتخب الإسباني

[أحمد عمر ( MOODY )]

يا شباب الصحافة العالمية كتبت لما اسبانيا شالت كاس العالم:
برشولنة تدفع بعافيتها في جسد المنتخب الإسباني

نحن ما حسبناها بالسطحية دي ولا من باب التعصب ولكن من حق لاعبي الهلال الذين تعرضوا لظلم الإتحاد ومازدا أن نكتب عنهم ، انتو نسيتو لما مازدا تراجع من إشراك مهند في آخر لحظة من مباراة تشاد بعد محاضرة المباراة وبعد ما اللاعب استلم القميص للمشاركة وحصلت مشكلة بين علاءالدين يوسف ومازدا وإضطر مازدا يبعد مهند ويشرك علاءالدين بعدها قام مجلس الهلال بسحب مهند من معسكر الفريق القومي والإتحاد لم يتدخل ......
هكذا تدار الكرة السودانية .... لا أستطيع أن أنسب هذا النصر لمازدا الضعيف ولا لإتحاد شداد المتهالك ولا إتحاد معتصم جعفر الجديد -إنما أنسب هذا الإنتصار لوالده الشرعي صلاح إدريس ....هو من أبقى على هؤلاء اللاعبين بعد أزمة النجم الساحلي وأزمة مازيمبي وأخيرا الإسماعيلي ... لم يهز من ثقته بهم وأبقى على ثباتهم في أحلك الظروف فحفظ للوطن هيثم ومهند ومساوي وربى المعز حينما علمه أن الهلال ليس خزانة للمال فقط وإنما تربية وانتماء وهو من سجل اللاعبين الوطنيين في موسم التسجيلات الأخيرة فقدم بكري المدينة وبويا ومحمد عبدالرحمن فسخر الإعلام السالب منه وهم يسجلون مواسير الكرة التونسية وعواجيزها .....يستحقه صلاح إدريس الذي علم نجوم الهلال والجمهور والساسة والعلماء درسا بليغاً حينما اختار بداية معسكره في دارفور فقصد نيالا راسماً جسراً من التواصل كما يفعل العظماء فصافح نجوم الهلال أبناء دارفور البسطاء والذين لم يحلموا بأخذ الصور التذكارية مع هيثم وعمر بخيت وحمودة وكاريكا وأحمد عادل ومهند .....هذا الرجل لا مكان له سوى الهلال أو خلف طاولة رئيس الإتحاد السوداني لكرة القدم ....
نحن نشجع الهلال لأجل الوطن .... نشجع الهلال لأنه رمز السيادة والديمقراطية والتعايش نعشقه لأنه يمثل الوطن ومواطنه البسيط ... ندمن عشقه لأنه ولد من رحم المعاناة والتحدي ودونكم قصة تأسيس هذا النادي القامة .... سأظل على رأيي أن الهلال هو من اهدى الجمهور السودان فرحة الإنتصار على الكونغو في وقت إزدحمت فيه الطرق بسبب سوء إدارة شرطة المرور للطرق أوقات الذروة وفي وقت إحتجب فيه الزبائن عن الأسواق قبل العيد لضيق ذات اليد والفاقة والعوز ..... أهدى الهلال بمساعدة آخرون هذا الوطن فرحا مؤقتاً ينيخ فيه جمال الهم والتوتر والصراع والإحتراب ...
عفوا إخي أيمن من قال ليس مهما من يحرز الهدف المهم أن تلج الكرة شباك الخصوم؟؟؟ أفهم تماماً وأعرف ما تعني من هذه المقولة ولكني أقول المهم من صنعوا هذا النصر وتذكر أن هذا المنتخب استدعي قبل أيام فقط من مباراة الكنغو ولم تتح له فرصة معسكر أو مباريات سوى مباراة مع المنتخب المرابط ....

عاش السودان عاش الهلال

بسم الله ... بسم الله
سامر يا اخوي مالك ؟
ما كنت كويس ... كل سنة وإنت طيّب

[مدنيّة]

بسم الله ... بسم الله
سامر يا اخوي مالك ؟
ما كنت كويس ... كل سنة وإنت طيّب

انت مافهمت ولاشنو يامودي ؟!!
سامر قصده يقول
انه الهلال دفع "بعافيته" في جسد المنتخب لما فاز علي الكنغو

-----------------
لاحظ "عافيته" دي خاتاها ليك بين قوسين مخسوس

[أحمد عمر ( MOODY )]

يا شباب الصحافة العالمية كتبت لما اسبانيا شالت كاس العالم:
برشولنة تدفع بعافيتها في جسد المنتخب الإسباني

نحن ما حسبناها بالسطحية دي ولا من باب التعصب ولكن من حق لاعبي الهلال الذين تعرضوا لظلم الإتحاد ومازدا أن نكتب عنهم ، انتو نسيتو لما مازدا تراجع من إشراك مهند في آخر لحظة من مباراة تشاد بعد محاضرة المباراة وبعد ما اللاعب استلم القميص للمشاركة وحصلت مشكلة بين علاءالدين يوسف ومازدا وإضطر مازدا يبعد مهند ويشرك علاءالدين بعدها قام مجلس الهلال بسحب مهند من معسكر الفريق القومي والإتحاد لم يتدخل ......
هكذا تدار الكرة السودانية .... لا أستطيع أن أنسب هذا النصر لمازدا الضعيف ولا لإتحاد شداد المتهالك ولا إتحاد معتصم جعفر الجديد -إنما أنسب هذا الإنتصار لوالده الشرعي صلاح إدريس ....هو من أبقى على هؤلاء اللاعبين بعد أزمة النجم الساحلي وأزمة مازيمبي وأخيرا الإسماعيلي ... لم يهز من ثقته بهم وأبقى على ثباتهم في أحلك الظروف فحفظ للوطن هيثم ومهند ومساوي وربى المعز حينما علمه أن الهلال ليس خزانة للمال فقط وإنما تربية وانتماء وهو من سجل اللاعبين الوطنيين في موسم التسجيلات الأخيرة فقدم بكري المدينة وبويا ومحمد عبدالرحمن فسخر الإعلام السالب منه وهم يسجلون مواسير الكرة التونسية وعواجيزها .....يستحقه صلاح إدريس الذي علم نجوم الهلال والجمهور والساسة والعلماء درسا بليغاً حينما اختار بداية معسكره في دارفور فقصد نيالا راسماً جسراً من التواصل كما يفعل العظماء فصافح نجوم الهلال أبناء دارفور البسطاء والذين لم يحلموا بأخذ الصور التذكارية مع هيثم وعمر بخيت وحمودة وكاريكا وأحمد عادل ومهند .....هذا الرجل لا مكان له سوى الهلال أو خلف طاولة رئيس الإتحاد السوداني لكرة القدم ....
نحن نشجع الهلال لأجل الوطن .... نشجع الهلال لأنه رمز السيادة والديمقراطية والتعايش نعشقه لأنه يمثل الوطن ومواطنه البسيط ... ندمن عشقه لأنه ولد من رحم المعاناة والتحدي ودونكم قصة تأسيس هذا النادي القامة .... سأظل على رأيي أن الهلال هو من اهدى الجمهور السودان فرحة الإنتصار على الكونغو في وقت إزدحمت فيه الطرق بسبب سوء إدارة شرطة المرور للطرق أوقات الذروة وفي وقت إحتجب فيه الزبائن عن الأسواق قبل العيد لضيق ذات اليد والفاقة والعوز ..... أهدى الهلال بمساعدة آخرون هذا الوطن فرحا مؤقتاً ينيخ فيه جمال الهم والتوتر والصراع والإحتراب ...
عفوا إخي أيمن من قال ليس مهما من يحرز الهدف المهم أن تلج الكرة شباك الخصوم؟؟؟ أفهم تماماً وأعرف ما تعني من هذه المقولة ولكني أقول المهم من صنعوا هذا النصر وتذكر أن هذا المنتخب استدعي قبل أيام فقط من مباراة الكنغو ولم تتح له فرصة معسكر أو مباريات سوى مباراة مع المنتخب المرابط ....

عاش السودان عاش الهلال

كدي يا أم جمال خلّيك من ده كلّو
و ركّزي مع العبارة باللون الأحمر و الأب الشرعي للإنتصار


شكلو كده كهربتكم قاطعة شديييييييييد

[سامر حسن]

أحمد عمر
مدنية


قولوا كوع

أو ناقشوا في لب الموضوع

يلبكم التيس

[سامر حسن]

آآآآآآآ

ولا إنت مووووودي

معليش
سوري خالص

[مرتضى التوم]

ياعالم اسمو منتخب السودان القومى يعنى منتخب الوطن يعنى علم السودان يعنى وطنية وحب وتضحية ،
ولو لعب لاعبين الهلال ولا المريخ ولا اهلى مدنى ولا امل عطبرة سودانييييييييييييين يعنى نتخلص من اكبر عيوبنا و نشجع الوطن وبس وكلهم فى الملعب لاعبين المنتخب وبلاش نظره ازرق واحمر واخضر دى خلونا نحب منتخبنا باى تشكيلة وباى لاعبين والله عيب علينا التعصب ده وحتى صحافة برشلونه لما كتبت الفضل فى الفوز بكاس العالم كتبت من زاويه عنصرية ومتعصبه .
بحبك يا سودان ،،،