المصريووووووون قادموووووووون الي مشروع الجزيره

[الزبير محمد عبدالفضيل]

مصر تزرع مليون فدان فى السودان



| 05-09-2010 11:42

وقعت مصر والسودان اتفاقا يعد الأول من نوعه بين حكومتي البلدين وبضمانهما لزراعة مليون فدان بمشروع الجزيرة بالسودان بعدد من المحاصيل الرئيسية، وفي مقدمتها القمح والذرة وبنجر السكر‏‏ بنظام الزراعة التعاقدية‏,‏ وذلك لصالح جهات من القطاعين الخاص والأعمال العام في مصر‏,‏ منها الاتحاد العام لمنتجي الدواجن والهيئة العامة للسلع التموينية والشركة القابضة للصناعات الغذائية وعدد من شركات القطاع الخاص‏.‏

وقال السيد أمين اباظة وزير الزراعة واستصلاح الاراضي -بحسب صحيفة الاهرام فى عددها الصادر الاحد- علي هامش جولته بقري دائرة التلين وتوابعها بالشرقية إنه تم توقيع وثيقة الإتفاق المنظم لعملية الزراعة التعاقدية بالسودان مع الدكتور عبدالحليم اسماعيل المتعافي وزير الزراعة والغابات بالسودان‏,‏ بحضور الدكتورة فايزة ابو النجا والدكتور تجاني صالح فضيل وزير التعاون الدولي بالسودان وذلك كإحدي النتائج المهمة لاعمال اللجنة المشتركة العليا المصرية ـ السودانية مشيرا الي انه تم الانتهاء من وضع جميع الاطر القانونية اللازمة لتفعيل الاتفاق عقب اجتماع اللجنة برئاسة الدكتور احمد نظيف رئيس مجلس الوزراء في أكتوبر المقبل‏.‏

من جانبه اكد الدكتور سعد نصار مستشار وزير الزراعة وإستصلاح الاراضي ان السودان هي الاولي بأية استثمارات مصرية خارجية في القطاع الزراعي وخاصة مع توافر ضمانات نجاح هذه المشروعات من مرافق وطاقة وعمالة مدربة ونظام مصرفي وقانوني صارم‏,‏ مشيرا الي التزام مشروع الجزيرة البالغة مساحته نحو مليوني فدان والممثل في الحكومة السودانية والجمعيات التعاونية الزراعية بعمليات الزراعة بالكامل وتوريد المحاصيل للجهات المصرية بالمواصفات القياسية والاشتراطات والكميات والأسعار التي يتم الإتفاق عليها‏.‏

وكشف عن ان وثيقة الاتفاق تلزم الجانب المصري بتوفير وتوريد مستلزمات إنتاج المحصول المحدد زراعته وبكميات كافية من تقاوي وأسمدة ومبيدات وميكنة وذلك بمدة لاتقل عن اسبوعين قبل موسم الزراعة‏,‏ كما تتيح للجانب المصري الحصول علي قروض زراعية من البنك الرئيسي للتنمية والائتمان الزراعي أو البنك المصري السوداني‏,‏ مشيرا الي انه سيتم صياغة برنامج تنفيذي ملزم للطرفين ومحدد الوقت والكميات والأسعار ومكان التسليم لكل محصول زراعي وخاصة تسليم الذرة لاتحاد منتجي الدواجن الذي يستورد نحو‏4‏ ملايين طن سنويا لاستخدامها كعلف والقمح لهيئة السلع التموينية وبنجر السكر للشركة القابضة للصناعات الغذائية‏.‏

وأضاف انه تم الاتفاق علي انه عند توريد مشروع الجزيرة السوداني للمنتج الزراعي النهائي للجانب المصري يحصل علي مستحقاته المالية التي سبق الاتفاق عليها فورا‏,‏ علي ان يتم خصم تكلفة مستلزمات الانتاج الزراعي التي تحملها الجانب المصري وقام بتوريدها للسودان قبل موسم الزراعة لافتا الي انه في حالة عدم التزام مشروع الجزيرة بتوريد المنتج الزراعي الي مصر فإنه يكون ملزما بسداد قيمة المنتج المحدد كميته نقدا بسعره العالمي خلال فترة التوريد مضافا اليه‏25%‏ كتعويض اتفاقي‏.‏



( المصدر صحيفة المصريون اليوم )

[الجندي المجهول]

اتمنى ان تستثمر كل الدول العربية والصديقة في الزراعة في السودان وهو (الحل) الامثل في (النهوض) بالسودان وبمشروع الجزيرة من جديد ( بس اسال الله ) ان ( يعمي) الحاقدين من هذه الخطوة الجميلة .. والكبيرة والنوعية جداً في هذا المجال

تخريمة : السودان دولة بحجم ومناخ قارة (به كل شئ) من مياه عذبة واراضي خصبة وبمساحات كبيرة وشاسعة وماشية بمختلف انواعها وخضروات وفواكه ومعادن واسماك وبترول ------- إلا ( الوجيع والضمير الصاحي ) دي كان لقيناها ( بنجي الاول )

[النويري]

حبيبنا وعمنا الزبير كل سنة وأنت طيب إنشاء الله ( مشكور على هذه المعلومات القيمة)
يعني يجو مزارعين أو فلاحين مصريين ويزرعوا ويحصدوا وبعدين يصدروا لمصر وطيب نحن أستفدنا شنو أنو الأرض اتزرعت طالما ما سوف تحصده سوف يذهب إلى مصر فإن العائدات تكون قليلة وليس لنا حتى تداول محصول أرضنا في أسواقنا يعني بتشوف بعد المحاصيل والخضروات وهي بتتحمل قدام عينك وعلى مصر طوالي ولا حتى بدوك منها ضواقة أنا غايتو أتخيل لي دا الفهمتوا من خلال المقال المكتوب ويا الجندي أنت بس متفائل الموضوع أكبر من كده دائماً الصفقات التي تتم بهذه الطريقة بكون وراها ملابسات أكبر من ما تتخيل خلينا نشوف البحص شنو

[نزار حسن محمد]

وأضاف انه تم الاتفاق علي انه عند توريد مشروع الجزيرة السوداني للمنتج الزراعي النهائي للجانب المصري

ياحليلك يابلدنا
وياحليل ست الدار بت احمد

[مدنيّة]

بتفق مع الجندي في كلامه

لا ضير من انه يجي اللي يزرع
يفيد ويستفيد

[نزار حسن محمد]

بتفق مع الجندي في كلامه

لا ضير من انه يجي اللي يزرع
يفيد ويستفيد

يا مدنيه الجماعه ديل بنسوا شعاراتم .. ما قالو ناكل ممانزرع ونلبس مما نصنع

[ودالعز]

والله دا كلام غير مقبول شكلا ولا مضمون بعدين كيف يجو يزرع في المشروع بدون الحكومه ماتعطي المزارعين حقهم المتفق عليه ....اما بالنسبه للمتعافي انا براء لقب دكتور خساره فيه لنو الاتفاق دا ضد مصلحت السودان
وكان للمستثمرين البمشي يلقطهم من الخارج( لشئ في نفس يعقوب) ويعطيهم تنازلات مبالغ فيها ....السودان برضو فيه رجال اعمال ممكن يستثمرو في المجال الزراعي لكن الحكومه تقف لهم بالمرصاد ...الناس ديل ماعرفنا فهمهم شنو ....اللهم سلط غضبك عليه *

[ABUZAID]

يا مدنيه الجماعه ديل بنسوا شعاراتم ..

ما قالو ناكل ممانزرع ونلبس مما نصنع

[الزبير محمد عبدالفضيل]

تشكرت لجميع الاخوه والاخوات والموضوع محتاج الي المزيد من النقاش حتي نعرف حقوق أهلنا مزارعي

الجزيره والمناقل وحقوق موظفي المشروع بحي الاسكان ببركات

[الجندي المجهول]

حبيبنا وعمنا الزبير كل سنة وأنت طيب إنشاء الله ( مشكور على هذه المعلومات القيمة)
يعني يجو مزارعين أو فلاحين مصريين ويزرعوا ويحصدوا وبعدين يصدروا لمصر وطيب نحن أستفدنا شنو أنو الأرض اتزرعت طالما ما سوف تحصده سوف يذهب إلى مصر فإن العائدات تكون قليلة وليس لنا حتى تداول محصول أرضنا في أسواقنا يعني بتشوف بعد المحاصيل والخضروات وهي بتتحمل قدام عينك وعلى مصر طوالي ولا حتى بدوك منها ضواقة أنا غايتو أتخيل لي دا الفهمتوا من خلال المقال المكتوب ويا الجندي أنت بس متفائل الموضوع أكبر من كده دائماً الصفقات التي تتم بهذه الطريقة بكون وراها ملابسات أكبر من ما تتخيل خلينا نشوف البحص شنو

صباح الخير ،،،،
وتحياتي وودي وشوقي يسبقاني

حبيبنا النويري ،،

والله والله انا همي في الموضوع كله أن يعود مشروع الجزيرة لصورته الاولي وان يعمل وتتم الاستفادة منه ....

تخريمة : والله فترنا وصتنا بحا (ونحن ) نعرف ولكن ما باليد (حيلة) غير رفع اليد بالدعاء تضرعاً للمولى عز وجل أن من فيه الخير والصلاح للسودان والشعب السودان ( ان يثبته وان يسدد خطاه ويقويه ) اما اذا كانت المصالح (شخصية) او ( حزبية) لفئة معينة ( والمتضرر) منها الشعب السوداني ايضا اسال الله سبحانه وتعالى ( ان يلحقه بالقوم الظالمين) وبس .....

ضربة جزاء : الما بعرف بقول عدس ... او مرات ( برسيم )
تسلم يا حبيبنا ،،، والسودان في حدقات العيون ( فقط السودان) اما الاحزاب ( الله لا يوريك) انا خاتيها وين ..؟

[مدنيّة]

يا مدنيه الجماعه ديل بنسوا شعاراتم .. ما قالو ناكل ممانزرع ونلبس مما نصنع

نزار سلامااات
انا فهمي للموضوع دا انه المصري مع السوداني ح يزرعوا مع بعض والانتاج ح يعم الدولتين والدول المجاورة "تصدير وكدا"
بالاضافة الي انه ح يتم تأجير بعض من اراضي الزراعة للمصريين للاستفادة منها في الحتة دي
معليش فهم زول صائم

لكن من خلال تجوالي في الشبكة العنكبوتية شكله كدا الموضوع مازي فهمي انا دا

[ABUZAID]

اظن الموضوع واضح يا شباب

خصوصا . . .

بعد التصريحات الاخيرة للمدعو
محمد حسنين هيكل

في قناة الجزيرة

عن ضرورة تفرغ مصر للجبهة الجنوبية
فمصر تعتبر السودان الشمالي من ضمن حدودها الجغرافية
وضم حلايب تجربة كانت ناجحة تماما
في ظل سكوت العظمة

وانفصال الجنوب
وقريبا دارفور
لهو اروع الامثلة لنقاء العروبة
وانعدام الافريقية بالسودان الشمالي


ويا حبذا . . .
الاشارة الواضحة في النشرة الجوية بقناة العربية
لدرجات الحرارة في العواصم . . .
اول مرة نعرف ان السودان له عاصمتين

رمضان كريم

[ايمن عبد الله]

ابو زاهد اشار ألى حقيقة .. او (مصيبة) بنظري كبيرة جدا وقد لاحظت لها منذ فترة .. ان قناة العربية أو العبرية كما يحب ان يسميها بعض المعتدلين السعوديين اصبحت تذيع درجة حرارة مدينة جوبا .. على انها عاصمة لدولة .. وجرى تعامل القناة معها على اساس انها مدينة كبرى وعاصمة لدولة .. قبل ان تنفصل .. يعني دي مساعدة القناة للمشروع الانفصالي الذي نسأل الله الا يحصل .. حتى يموت المرتزقة بحقدهم على السودان ..

اما بالنسبة لاتفاقية مشروع الجزيرة مع الاخوة في مصر فقد سمعت بهذه القصة قبل سنتين .. ولم تنفذ حتى الان ..
لكن حاجة وراها المتعافي مافيها خير .. ويكفي ما فعله في ولاية الخرطوم ..
وما المصريين هم البنفعونا .. ياخ ديل قلعو ارضنا عينك عينك وقوة عين عديل .. وحكومتنا ساكتة قال ايه
(منطقة تكاملية) حتى يصورو الفشل نجاح للمواطن العادي ..
والله لو قريتو الاحداث جيداً تجدون ان المصريين اخطر علينا من امريكا واسرائيل نفسها .. لكن لاحياة لمن تنادي ..

الترابي منذ فترة طويلة .. ذكر بالارقام .. وفق احصائيات معينة لعدد المواليد في اليوم في كل جمهورية مصر .. وحسب اراضيهم الصالحة للسكن والزراعة وحسابه كان منطقي جداً .. ثم ذكر ان مصر يحدها شمالاً كذا وغرباً كذا وشرقاً كذا .. واكد ان المصريين ليس لهم سبيل غير التوسع جنوباً .. وفي سنة كذا لن يجد المصريين شبراً ليسكنو فيه لذلك سيزحفوا نحو ارض السودان ..
(بس للاسف نسيت السنة اللي ذكرها الدكتور)
لكن كلامه منطقي جداً .. واهو بدأت الطلائع تأتي .. بركاتك يا شيخ الترابي ..

[الزبير محمد عبدالفضيل]

نعم التوسع المصري سوف يكون جنوبا من شمال السودان مرورا بالعاصمه الخرطوم مرورا بودمدني وحتي بقية ولايات السودان نقووووووووووووول وبصوت الحريه والديمقراطيه اصحووووووووووووووووووووووووا يا أهل السودان

وقاوموا الغوووووووووووووووووووووووول المصري

[الزبير محمد عبدالفضيل]

وهذا يسمي الاستعمار الحديث للقرن الحالي

أين عبدالفضيل الماظ أين ود الحبوبه أين أبو قرجه أين ود النجومي أين الخليفه عبدالله اين رجال سوبا

أين مهيره بت عبود لك الله ياوطني نسأله سبحانه أن يحفظك ياوطني من الحاسدين والحاقدين

[نزار احمد كوارتي]

مصر تزرع مليون فدان فى السودان



وأضاف انه تم الاتفاق علي انه عند توريد مشروع الجزيرة السوداني للمنتج الزراعي النهائي للجانب المصري يحصل علي مستحقاته المالية التي سبق الاتفاق عليها فورا‏,‏ علي ان يتم خصم تكلفة مستلزمات الانتاج الزراعي التي تحملها الجانب المصري وقام بتوريدها للسودان قبل موسم الزراعة لافتا الي انه في حالة عدم التزام مشروع الجزيرة بتوريد المنتج الزراعي الي مصر فإنه يكون ملزما بسداد قيمة المنتج المحدد كميته نقدا بسعره العالمي خلال فترة التوريد مضافا اليه‏25%‏ كتعويض اتفاقي‏.‏



( المصدر صحيفة المصريون اليوم )

علي فكره الفراعنه ديل شطاااااااااار في مساءل العقود الزي دي وأهو باين من الكم سطر الظهرو في جريده ديل إنهم مأمنين نفسهم كويس ناهيك عن ما خفي فقد يكون أعظم. نتمني إنتباه الساده بتاعننا لمثل هذه الإمور وعدم التعامل بالعفويه السودانيه الذايده عن حدها ودايماً جايبه لينا البلاوي النيفاشيه والمتنفشه ( بفتح التا والفا بتكون أحلي ).
جانب آخر:-
ياخ أزرعوه أيي حاجه إنشالله صعوت وخلونا نتعلم نسف بس عليكم الله حكاية التوريد دي ما معانا لأنو سف لي سف أخير نسف نحنه صعوت

[خالد أحمد الصول]

الاستعمار المصري للسودان قادم
ليست بالصورة القديمة للإستعمار
وليست بالاستعمار الثقافي لان الشعب السوداني فوت عليهم هذه الفرصة

نعم
سوف يضعون المزارع المسكين صاحب الحق تحت رحمة المصريين
يضطهدونة
و يمارسون عليه كل فنون التعالي و الاستعمار الجديد
فقد غذي المصريون البلاد ... يستثمرون في أستديوهات التصوير
و الكوفيرات و الأشياء الهامشية التي تكون خصما علي الاقتصاد

[ABUZAID]

لسه الموضوع ما طلع من السيطرة

وقبل مايجي وقت . . .
نبكي فيه على الاطلال

ونندم . . .
حيث لا ينفع الندم

خلونا نكون عمليين . . .

وندعو لقيام تجمع لأبناء الجزيرة والسودان

للوقوف ضد تمصير مشروع الجزيرة والسودان ككل

وتوعية اهلنا بالخطر القائم

وتفعيل هذا التجمع بما يخدم المصلحة العامة


ما ضاع حق وراءه مطالب

سكوتنا عن حقنا يضيعه


ويا فرعون مين الفرعنك

[بدرالدين أحمد موسى]

مصر تزرع مليون فدان فى السودان



| 05-09-2010 11:42

وقعت مصر والسودان اتفاقا يعد الأول من نوعه بين حكومتي البلدين وبضمانهما لزراعة مليون فدان بمشروع الجزيرة بالسودان بعدد من المحاصيل الرئيسية، وفي مقدمتها القمح والذرة وبنجر السكر‏‏ بنظام الزراعة التعاقدية‏,‏ وذلك لصالح جهات من القطاعين الخاص والأعمال العام في مصر‏,‏ منها الاتحاد العام لمنتجي الدواجن والهيئة العامة للسلع التموينية والشركة القابضة للصناعات الغذائية وعدد من شركات القطاع الخاص‏.‏



( المصدر صحيفة المصريون اليوم )

يا جماعة الخير .. سمعنا بايجار أراضى بهدف الأستثمار فى الزراعة .. و سمعنا بقروض من البنوك الزراعية لتمويل عمليات الزراعة بفوائد و يجوز أخذ جزء من المحصول .. أما هذه الزراعة التعاقدية .. دى ما أدونا ليها ..
المسألة فيها مصالح لجميع الأطراف باستثناء السودان و المواطن الغلبان .. و دقى يا مزيكا و غنى يا عبمتعال !

[ايمن عبد الله]

رفضت السلطات الامنية المصرية امس منح اذن دخول لعدد 34 من رموز واعيان منطقة حلايب الى المنطقة.
وقال ممثل القيادات المحظورين من الدخول عثمان الحسن اوكسير ان المنع جاء كرد فعل لاثارة امر المثلث في صحيفة «الصحافة» وتوقع المزيد من الاجراءت الامنية والتعسفية من قبل السلطات المصرية
وتابع ان هذه الاجراءت حملة منظمة يقوم بها الامن المصري بهدف عزل القيادات عن القواعد والاسر
من ناحيته قال معتمد حلايب جلال شليا لـ»الصحافة» ان المعتقلين السودانيين داخل السجون المصرية بمنطقة حلايب صدرت في مواجهتهم احكام بتهمة التسلل الي داخل المثلث دون اذن قانوني من السلطات المصرية وقد تمت هذه المحاكمات وفقا للقانون المصري

[نزار احمد كوارتي]

رفضت السلطات الامنية المصرية امس منح اذن دخول لعدد 34 من رموز واعيان منطقة حلايب الى المنطقة.
وقال ممثل القيادات المحظورين من الدخول عثمان الحسن اوكسير ان المنع جاء كرد فعل لاثارة امر المثلث في صحيفة «الصحافة» وتوقع المزيد من الاجراءت الامنية والتعسفية من قبل السلطات المصرية
وتابع ان هذه الاجراءت حملة منظمة يقوم بها الامن المصري بهدف عزل القيادات عن القواعد والاسر
من ناحيته قال معتمد حلايب جلال شليا لـ»الصحافة» ان المعتقلين السودانيين داخل السجون المصرية بمنطقة حلايب صدرت في مواجهتهم احكام بتهمة التسلل الي داخل المثلث دون اذن قانوني من السلطات المصرية وقد تمت هذه المحاكمات وفقا للقانون المصري

ويأولك أيه الباشا لما يحتاجلك بأه يا أيمن
خُشِ عليا خُش يا بن النيل دحنا أخوات وطول عمرها السودان ومصر بلد وحده

[مبارك عمر عباس]

ملاك مشروع الجزيرة بإنتظار تنفيذ القرار المنصف بحقهم الذي وعدهم بة عمر البشير في حملتة الانتخابية.. نأمل ألا يطول الانتظار.

[ايمن عبد الله]

ويأولك أيه الباشا لما يحتاجلك بأه يا أيمن
خُشِ عليا خُش يا بن النيل دحنا أخوات وطول عمرها السودان ومصر بلد وحده

والله انت عارف انا لو واحد مصري قال لي يا ابن النيل .. بقول ليهو بلا نيل وبلا ترعة انا بشرب من الابيار عمري ما شربت من النيل عشان ما يعمل معاي موضوع .. وكرهتي في الدنيا الناس ديل ... ((16 سنة غربة)) ما شفت خير فيهم ..

[ودالعز]

والله بقت علينا مثل الكلب بريد خناقو الناس ديل مدورين علينا في حلايب ونديهم مشروع في الجزيره

[ايمن عبد الله]

ما مننا يا ود العز .. من المسعولين . المسعوريين ..