والله يا ناس مدني عندك عجرفة وانفة وشايفين نفسكم بطريقة غير مبررة ما عارفين فوق شنو ، ياخ انتو عايشين على أوهام ومرات في ضلال عديل كده ، ما عندكم ولا أي شيء وكان على الثقافة قدمتو الكاشف ومحمد الامين قبل (40) سنة وخلاص ، وكان على الكورة والرياضة ما قدمتو حاجة نهائيا لأن السودان كلو ما فيهو رياضة ، وكان على مدينتكم ما هي إلا عبارة عن قرية كبيرة شوية ، شوارعكم كلها ( ملولوة) تقول مخطط المدينة ( دبيب ) وأي شارع بنتهي في بيت تقول الشوارع مسونها الناس على حسابهم الشخصي ، وحتى الشارع عرضه 5 متر 4 متر تراب والمتر الباقي فيهو 50 سم حفرة ، وكلها جخانين وخيران وفيها رقشات وأمجاد وأتوس أكتر من الناس والبقر والغنم برعن في شارع النيل وقدام حكومة الولاية ، والأهم المسؤولين منك ومن سكان المدينة نفسها عبارة عن حرامية بدل ما يصلحوا المدينة قاعدين يخربوا فيها . . . بجد مفروض تقعدوا تسكلبوا مش تقدونا صباح ومساء بمدني وكأنها باريس.
موضوع منقول عن لسان مايسة
تم إضافة بعد المحسنات البديعية والكاربوهيدات عشان ننفخ الموضوع
رد مع اقتباس
المشاركة الأصلية كتبت بواسطة المسافر
"
المفضلات