غيض من فيض مشاعرى...

[حبيبة]

((1))

سألتك بالذى ســــــــــواك

سالتك بالذى سواك

ورسم جواى تفاصيلك

منو الاداك بطاقة ريد

تسافر بيها فى زاتى

وتغنى معاى مواويلك

منو القال ليك تخش جواى

وتبنى قصر

وتفتح سكة لنيلك

وتبقى فى سماى قمرة

تضوى الليل

وابقى دوام اشابى لك

واعزف ليك الحانى

اغنيك واغنيلك

واكتب فى هواك قصيد

وعن احوالى احكيلك

وكلمات ريد تتمنى

تدق بابك

ونسرح يوت تغنيلك

[حبيبة]

((2))

وناديت عليك


وبقيت افتش فى الحروف

يمكن الاقى البوصفك

فتشت فى معاجم الكلام

عن معنى يقدر ينصفك

غصت فى بحور القصيد

وسبرت اغوار الجمال

شان ابتديك وارسمك

لكنى جيت زى مامشيت

خاوية وفاض

كل الحروف

كل المعانى

حتى القصيد حلف اليمين

مالاقى معنا يشبهك

ورجعت ليك

مااصلى منك

نابعة منك

وصابة فيك

ورجعت ليك

وقفت فى نص الخلق

ناديت عليك

ياشمس ايامى وشعاعها

اسقينى من موية رضاك

خلى الحروف تنزل مطر

ارويها من فيض سماك

خلينى فى جواك ريد

وخلى بالك منى فيك

خلينى ديمة حضور جواك

خلينى احلم بالنجوم

واحضانها فى لحظة لقاك

[بت أم درمان]

ياشمس ايامى وشعاعها

اسقينى من موية رضاك

خلى الحروف تنزل مطر

ارويها من فيض سماك

خلينى فى جواك ريد

وخلى بالك منى فيك

خلينى ديمة حضور جواك

خلينى احلم بالنجوم

واحضانها فى لحظة لقاك[/CENTER]

كلماتك جميلة يا حبيبة

ربنا يسعدك دنيا واخرة

[تغريد]

((1))


منو الاداك بطاقة ريد

تسافر بيها فى زاتى

وتغنى معاى مواويلك

يا سلام حين يعبر الحرف عن جمال الدواخل

ويا له من تعبير رائع

فما اجمل أن يعبر شخص ما عالمنا في لحظة

يخترق كل احلامنا ويشاركنا بهاء الصورة

التي نضع لها اطارا ورديا غلفته الأماني

وما ابهاه من صورة

شكرا حبيبة

[محمد الجزولى]

((2))

وناديت عليك


ورجعت ليك

مااصلى منك

نابعة منك

وصابة فيك

ورجعت ليك

كلمات تعبر عن نفسها بقوه
ما احلي الحب حين نجد انفسنا نذوب في من نحب
وتصبح كل السكك تؤدي اليه
تحياتي اختي حبيبه لهذه الكلمات الرائعة

[حبيبة]

((3))

من حقى بيك انا احتفى


يادنيا اهدتنى الفرح
ياواحه نستني الجرح
الليلة بيك انا بحتفى
ياسيد هواي المختفي
اهديتنى كل احساس جميل
ومعاك بديت درباً طويل
واحلى المعانى لو اكتفى
وكل الغناوي ولسه في
بى طلتك تشع نجوم
وترقص مع اشواقنا وتحوم
رزاز غيوم
وعطراً بيبت فيني ريد وغصون تقوم
الاهة دايما تختفى
وبي ريدي ليك انا بكتفي

وانا فى هواك

قفلت ابواب اليباب

كسرت اقواس الظنون

ولقيت مداك فى سكتى

انا فى هواك

دوزنت اوتار الامل

قفلت ابواب الجروح

ورسمت منك فرحتى

والليلة بيك انا بحتفى

الليلة بيك انا بحتفى

ومن حقى افرح وانتشى

وازرع جناين الكون ورود

ارويها بقطرات نداك

ارقب سناك واحسب خطاك

واوقد شموع ماتنطفى

ومن حقى بيك انا احتفى

[حبيبة]

كلماتك جميلة يا حبيبة

ربنا يسعدك دنيا واخرة

الاجمل هو ذلك العبق الذى ضمختى به مساحاتى يا انيقة الحضور

كونى لاكون

[حبيبة]

يا سلام حين يعبر الحرف عن جمال الدواخل

ويا له من تعبير رائع

فما اجمل أن يعبر شخص ما عالمنا في لحظة

يخترق كل احلامنا ويشاركنا بهاء الصورة

التي نضع لها اطارا ورديا غلفته الأماني

وما ابهاه من صورة

شكرا حبيبة

سيدة السطور والعطور

انيقة الاشياء تغريد

مرورك كسحابة امطرت على فرحا وعمدتنى بعبير الياسمين

واضاءت عتمة مساحاتى

شكرا لاينتهى يارقيقة

[حبيبة]

كلمات تعبر عن نفسها بقوه
ما احلي الحب حين نجد انفسنا نذوب في من نحب
وتصبح كل السكك تؤدي اليه
تحياتي اختي حبيبه لهذه الكلمات الرائعة

وحضور طاغى لقلم اترقبه عند كل لمحة ابداع

حضورك شهادة من مبدع اعلقها على صدر الفرح

شكرا من هنا لحد عندك