تعريف : الكبكبة هي إضطراب نفسي يحدث عن تعظيم وتهويل الأمور ، وتحدث في شكل عرق بغزارة ( نافورة بس ) ، ورجفة الأعضاء الطرفية وكذلك رجفة في اللسان (تمتمة) . . . عذرا هذا ليس تعريفا علميا إنما تعرف شخصي .
هناك مواقف كثيرة بتجبر الواحد وأكرر بتجبر الواحد يصاب ب ( أم هللا هللا ) وتأتي الكبكبة والرجفة غصب عنو وتاني أكرر ( غصب عنو ) ، وتحدث الكبكبة في الغالب في المواقف الخاصة بالجنس اللطيف ( إن وجد ) .
يعني مثلا لما تجي واحدة تكون سمحة ما سماحة نصاح تتكلم معاك برقة وتهذيب ولطف وتبدو الكلمات وكأنها عبارة عن ( همس معسل ) وطبعا ما ( معسل بتاع شيشة ) ، ويأتي من شفايف ناعمة ورطبة . . . أها تقعد تتكبكب وتعرق في عز البرد وتبقى زي الضبانة الراشنها ببف باف وكلامك يطلع منك زي ( اللابعنك ) في ضهرك ويديك تكون ما عارف توديهم وين وتختهم كيف والهجمة ممكن تخلي عيونك في نص رأسك ، وأكيد هذه الفتاة لن تستفيد من سؤالها لك أي شيء لأنها ما حتفهم إنك قلت شنو .
والرجوع الي موضوع الكبكبة فانها ليست عيبا بل بالعكس هي قمة التهذيب وبرهااااان جاااازم تماما بأنك ليس صاحب تجربة وسوابق – يعني الاورنيك نضيف وما تسمع الكلام بتاع ( قوة شخصية ) و(ثقة بالنفس ) والحاجات الجديدة حقت الناس ما عندهم دين ديل خليك في كبكبتك ورجفتك يا تخجل من الكبكبة دي وربنا يوفقك.
رد مع اقتباس
المشاركة الأصلية كتبت بواسطة مدناوية
المفضلات