الليله داير احكي ليكم قصه حرامي الحله
الزارنا امبارح بالليل بدريي
قالو ليكم الحرامي دا جديد في السرقه
حايص ولايص في الحله بس
وسرقاتو الحله كلها عارفاها
حاجات سغيره شديد
الغريبه ناس الحله عارفنو مسكين
واتحاد الحله بريدو شديد
اي بوليس يمسكو في كورنر
اتحاد الحله يقول للبوليس
دا ولدنا
مننا وفينا
اي بوليس يمسكو جوه18 البيت
اتحاد الحله يقول للبوليس
دا ولدنا مننا وفينا وانت ولا شفت حاجه
والبوليس يقول حاضر
في بيوت الحله في بيت سيد الحله
قالو ليكم الحرامي بعند الحيطه مابجي
مازول مقتدر جايب ناس الهدف
حراسه علي اصولا
جايب حارس من تنزانيا
من سنه 86 معاو
ولوف الحارس دا العز عاجبو
وجايب حارس من نيجيريا سنه89
وجايب حراس من دبي والشارقه
وجاب من ناس تنزانيا كم واحد
الزول دا مرطب والرطوبه سمحه
اها زولنا الحرامي زعلان من رطوبه الزول دا
باي طريقه داير يرطب
شايف العز في وش المرطب
لكن ماعارف الطريقه
بحاول ساي وما قادر
وشكلو مابقدر
قالو ليك مره
البوليس ساعدو كتير
وداهو الكنفو عدييييل
شطحه كبيره
طلع ناس الكنغو عندهم شركه هدف
واهدافم واضحه وصريحه
الانتربول سامع بالحرامي
ومساعدة البوليس المحلي
جند ليو خمسه من ناسم
وفكو لناس الكنفو
الجماعه ديل في قلبم مافي رحمه
ادوهو ليك خمسه سنوات سجن
واحد من ناس الحله بتاع مزاج
قال للحرامي انت صغير
امشي للمرطب خليو يوريك الدرب
درب الرطوبه
والمرطب بعرف الدرب كويس
الحرامي ركب راسو
وقال مابصغر نفسو اصلو نافش ريشو
فكر وقرر ودبر ولقي المساعده
الدور دا ساعد بالاخضر
ومشت معاو باسطه
شدت ماافترئ بقي يقول بسدد ديون المرطب
ومشي تونس اي تونس
البلد خدرا الهوا ضربو
الحرامي لونو فتح وغير مشيتو
بقئ يقدل في الشارع
والجماعه عارفنو مسكين
اصلو حالتو تحنن شديد
بتحنن الكافر
الانتربول رسل جماعتو
الزول بعد ساعه عيونو بقت في نص راسو
شاف نفسو سغير
قال للانتربول انتو قصدكم معاي شنو؟
انا داير ابقئ دولي وانتو باقين لي في حلقي
الانتربول ماناس اصول
قالو ليو نحن في كل حله عندنا كبير
والمرطب داااك زولنا وكبيركم
لو عملنا تصويت دولي عندو صوت
انت عندك شنو؟
الحرامي صره وشو وطنطن ساي
بقول في شنوانا ماعارف
قال لناس النتربول بحاول تاني
قالو ليو اخير ليك حلتك دي
مابتقدر ولو حاولت بوديك الكنفو
بتعرفو قال لا لا لا لا
قال ليو بنوديك لترجي تونس
قال لا لا لا لا
بنوديك لجيش المغرب
وصاحبنا ماسك في لا لا لا
قالو ليو طيب مالك اقعد في حلتك
بتلقئ المساعدات بالكوم
صاحبك عصر ضنبو
وشايف المرطب برم شنبو
والناس مقامات
اها رايكم شنو في الحرامي دا
[/IMG]
رد مع اقتباس
المشاركة الأصلية كتبت بواسطة روبش
المفضلات