يا رمال حلتنا زولا.. كان بيآنسك يا حليلو
يا حليلو
فات رحل من بلده روح ..
والله روح ..فات له لي دار ماها هيلو
يا حليلو الكان بيطلع ..
ينزل.. ومره يطلع ..
ينزل.. ومره يشرب من سبيلو ..
مره يترنم يحاكي.. حسو يرذم فوق نخيلو ..
الرمال تبكي وتعاتبو.. تبكي منو و تشتكيلو
تقول له ليه خليتني فت !! والسمر فتش بديلو..
فاقداً لإيدو يمسك .. يَوري لي ضلو ومقيلو
وفاقداً لدموعو يمسح .. ليهو يرتي وقت يسيلو
ينظر القمر المنور .. لاح شعاعو مغطى نيلو
ينتشى و يعزف ربابتو .. لحن ما موجود مثيلو
يا رمال حلتنا زولا.. كان بيأنسك يا حليلو
يا حليلو
فات رحل من بلده روح ..
والله روح ..فات له لي دار ماها هيلو..
رد مع اقتباس
المشاركة الأصلية كتبت بواسطة مدنيّة
المفضلات