ثقافه تصوير الكرعين والجزم عند الجكس والجديد الشباب خشو فى الحنك...

[التيمان]

القصه ياجماعه

انو الجكس بقى يعمل برنامج او يمشو

توتى وميمي ونوسه وسماهر وعبوره ونانى وتوتا

هع هع هع

يمشو اوزون ولا يمشو اى حته راقيه على اساس انهم ناس مرطبين وجكس نضيف وحلوين
شديد وناس طبي اخر حجاااااااااااجه... تغدو ولا ياكلو ايسكريم ويتعشو ولا اى حنك هناك
وقعده جميله وفت لى الشمارات وحبه كضب..دادى سافر امريكا وجاى الليله طوالى ..(ركب شنو ياربى)...ماما اشترت فستان نانسى عجرم بى 1000000000دولار(نانسى عجرم طول عمرها فى التلفزيون ماشه ساااااااى )...وائل اخوى اشترى عربيه 2011 رهييييييييبه (نحنا 2010) المهم دى ماقضييتنا ..

القعده الظريفه دى انتهت وختو الشيرنق ودفعو الحساب قالو يعملو حاجه تزكار اتصورو ويوثقو القعده ..(زكرونى زول هنا معلم تصوير)..
طبعا انحنا ناس متخلفين ساى الواحد يرجع للكرسى ورى ويخت كراع ورى كراع وصور ياجنى ومبسوط ...لا ياجماعه انتو بتقولو فى شنو ...!!
تصوير الوش خلو .. بقى تجيب الشباب وكلو واحد يخت كرعينو مع التانى ومع الجزم الجديده والناس تصور الكرعين بى البلتوث لى كل جوال كده بقت زكرى جميله لليوم ده ..
ياسلام على الزكريات..



شوفو ازاى يا جماعه..


مخرج للموضوع:
اها بالنسبه لى جكسينا ده ...ناس كلتوم ونفيسه وعلويه وام الحسن ديل ..اها تجيب كراع حلوه زى دى من وين ولا جزمه حلوه زى دى من وين ؟؟؟
الواحده كراعا الشق الفيها تدخل ضب ...وساكن ام سيسي ورى ....الاصابعين كلو اصبعين عاملين اجتماع ...ده اذا مابقو سبعه ولا تمانيه ..اها الحل ليهم شنو؟


مع تحياتى ليكم
التيمان

[mahagoub]

بخت شركة باتا
دعايه مجانيه

[saadabi]

ناس كلتوم ونفيسه وعلويه وام الحسن ديل
والله ديل هم أهل العوض لكن أسمع ردهم أهل العوض ديل أحسن ناس
http://www.youtube.com/watch?v=ApxYy...D32A4&index=10

[التيمان]

عمنا محجوب طوالى منورنا

الله لاقطعك مننا


سعدابى يا اخوى كلنا اهل العوض
لكن تقفيل مدنى

[كف المطر]

دائما ما يشعر من به نقص ما بعيب في الاخرين فيعوض به من بي نفسه
من هزال ؟

[التيمان]

يابه كلامك كبير وملغم
كدي كلمني تاني

[سودانية وافتخر]

هههههههههههههههههههههههههههههههه دي المووضة يالتيمان خخخخخخ

[التيمان]

ولى متين نبارى الموضه د ى نحنا