قلت أفتش في البيادر وفي المدينة
عن صبية الغيم أغانيها وحنينا
قلت لا لا يمكن الأيام تجيبا
لي ديارنا ولي سنينا
ويمكن الفرح البيشرق
من عيوننا وكت نشوفا
يبقى دافع شان تجينا
* * * *
مرة في عمري الملفح بي غبار الأمنيات
شفتك إنتي
مرة واحدة كانت الأولى الأخيرة
جيتي إنتي
رسمتي في دربي الطويل أول علامة
مسحتي من قلبي الحزين كل الأسية
إنت يا الرمز المسطر في عناوين الجرايد
في شبابيك المساجد في كتابات القضية
إنت يا الدفء الموزع
في الأغاني في المعاني
في أنة النقارة في عمق الهوية
تعالي تاني عشان تقولي مرة تانية
إنتَ ليّ .. ما أصلك إنتي ... إنتي ليّ
إنتي لي ...
مدني - مارس 1987م
رد مع اقتباس
المشاركة الأصلية كتبت بواسطة تغريد عبد العظيم
المفضلات